Rajinikanth : சாதிச்சுட்டீங்க பாலாஜி...கருப்பு படம் பார்த்து ரஜினி கொடுத்த ரியாக்‌ஷன்

சூர்யாவின் கருப்பு திரைப்படத்தைப் பார்த்து சூப்பர்ஸ்டார் ரஜினிகாந்த் தன்னை போனில் அழைத்து பாராட்டியதாக இயக்குநர் ஆர் ஜே பாலாஜி தெரிவித்துள்ளார்

ரஜினிகாந்த் , கருப்பு , ஆர் ஜே பாலாஜி

Source : X

ஆர் ஜே பாலாஜி இயக்கத்தில் சூர்யா நடித்து வெளியாகியுள்ள கருப்பு திரைப்படம் இந்த ஆண்டின் மிகப்பெரிய ப்ளாக்பஸ்டர் வெற்றிப்படமாக அமைந்துள்ளது. கருப்பு திரைப்படத்தை பார்த்து சூப்பர்ஸ்டார் ரஜினிகாந்த் தனக்கு போன் செய்து பாராட்டுக்களை தெரிவித்ததாக ஆர் ஜே பாலாஜி ஹாலிவுட் ரிப்போர்டர் இந்தியாவுக்கு அளித்த பேட்டியில் தெரிவித்துள்ளார்.

ட்ரீம் வாரியர்ஸ் தயாரிப்பில் சூர்யாவின் 45 ஆவது படமாக கருப்பு படம் உருவாகியது. பல்வேறு சவால்களை கடந்து கடந்த மே 15 ஆம் தேதி திரையரங்குகளில் வெளியான கருப்பு பாக்ஸ் ஆபிஸில் 250 கோடி வரை வசூல் செய்துள்ளது. மூன்றாவது வாரத்தில் வெற்றிநடை போடும் இப்படம் விரைவில் ரூ300 கோடி வசூலிக்கும் என எதிர்பார்க்கப்படுகிறது. கருப்பு படத்தின் வெற்றியை கொண்டாடி வரும் படத்தின் இயக்குநர் ஆர் ஜே பாலாஜி ஒவ்வொரு மாவட்டத்திற்கு சென்று ரசிகர்களுடன் படம் பார்த்து உரையாடி வருகிறார். 

விஜய்க்கு எழுதிய கதை

கருப்பு படம் குறித்து பல சுவாரஸ்யமான தகவல்களை படத்தின் இயக்குநர் ஆர் ஜே பாலாஜி பகிர்ந்துகொண்டு வருகிறார். கருப்பு படத்தின் கதையை முதலில் விஜய்க்கு சொன்னதாக அவர் தெரிவித்துள்ளார். "தனது கடைசி படத்திற்காக விஜய் கதை கேட்டு வந்தபோது இந்த கதையை அவருக்கு சொன்னேன். அப்போது அவர் எச் வினோத்திடமும் கதை கேட்டு வந்தார். கருப்பு படத்தின் கதை அவருக்கு பிடித்திருந்தாலும் அவருக்கு தனது கடைசி படம் எப்படியான படமாக இருக்க வேண்டும் என்பதில் சில எதிர்பார்ப்புகள் இருந்தன. அதனால் ஒரு வாரம் கழித்து முடிவை சொல்வதாக சொன்னார். ஒரு வாரத்திற்கு பின் போன் செய்து தனது முடிவை தெரிவித்தார். விஜய் சார் இந்த கதையை கேட்டது தான் சூர்யாவிடம் கதை சொல்வதற்கான வாய்ப்பை ஏற்படுத்திக் கொடுத்தது. விஜய் கேட்ட கேள்விகளால் இந்த கதையில் நான் நிறைய திருத்தங்களை செய்வதற்கு உதவியாக இருந்தது." என ஆர் ஜே பாலாஜி தெரிவித்துள்ளார்.

கருப்பு படத்தை பார்த்து பாராட்டிய ரஜினி

இதுகுறித்து ஆர் ஜே பாலாஜி கூறுகையில் " சின்ன வயதில் இருந்து ஒரு நல்ல படம் வந்தால் ரஜினி சார்  அந்த படக்குழுவை அழைத்து ரஜினி பாராட்டுவதை நான் பார்த்து வருகிறேன். இந்த படம் எடுப்பதற்கு முன்பே ரஜினி சார் படம் பார்த்து பாராட்ட வேண்டும் என்று நான் ஆசைப்பட்டேன். அதேபோல் ரஜினி படம் பார்த்து எனக்கு போன் செய்து பேசினார் . ரஜினி பேசுகையில் " பாலாஜி சூப்பர் சூப்பர் , சாதிச்சுட்டீங்க எவ்வளவு பெரிய ஹிட். சீக்கிரம் சந்திப்போம்' என்று கூறியதாக ஆர் ஜே பாலாஜி தெரிவித்துள்ளார்.