Vettaiyan: ரஜினினா சும்மாவா! மனசிலாயோ பாடலை இத்தனை கோடி பேர் பாத்துருக்காங்களா!

ரஜினிகாந்தின் வேட்டையன் படத்தின் மனசிலாயோ பாடல் யூ டியூபில் 2 கோடி பார்வையாளர்களை கடந்து அசத்தியுள்ளது.

மனசிலாயோ பாடலில் ரஜினிகாந்த் - மஞ்சுவாரியர்

Source : twitter

தமிழ் திரையுலகின் சூப்பர்ஸ்டாராக உலா வருபவர் நடிகர் ரஜினிகாந்த். 70 வயதை கடந்தும் இன்றும் இவர் கதாநாயகனாக நடித்து அசத்தி வருகிறார். இவரது திரைப்படங்கள் இன்றும் வசூலில் அசத்தி வருகிறது. ஜெயிலர் படம் ப்ளாக்பஸ்டர் வெற்றி பெற்றதையடுத்து, வேட்டையன் படத்தில் நடித்து முடித்துள்ளார்.

2 கோடி பார்வையாளர்களை கடந்த மனசிலாயோ:

வேட்டையன் படம் வரும் அக்டோபர் 10ம் தேதி ரிலீசாக உள்ளது. இந்த படத்தில் இடம்பெற்ற மனசிலாயோ பாடல் கடந்த சில தினங்களுக்கு முன்பு வெளியானது. ரஜினிகாந்த், மஞ்சுவாரியர்; நடனமாடும் இந்த பாடல் ரசிகர்கள் மத்தியில் மிகப்பெரிய வரவேற்பை பெற்றுள்ளது.

பாடல் வெளியாகி ஒரு வாரம் ஆகியும் தற்போது வரை யூ டியூபில் ட்ரெண்டிங்கில்  உள்ளது. மனசிலாயோ பாடல் தற்போது வரை 20 மில்லியன் பார்வையாளர்களை யூ டியூபில் கடந்துள்ளது. அதாவது 2 கோடி பார்வையாளர்களை கடந்து அசத்தியுள்ளது.

இந்த மகிழ்ச்சியை வேட்டையன் தயாரிப்பு நிறுவனம் லைகா ப்ரொடக்ஷன்ஸ் நிறுவனம் தெரிவித்துள்ளது. 20 மில்லியன் பார்வையாளர்களை கடந்தும் தொடர்ந்து யூ டியூபில் மனசிலாயோ பாடல் அசத்தி வருகிறது.

Unstoppable! 💥 #MANASILAAYO from VETTAIYAN 🕶️ lights up the charts with 2️⃣0️⃣ Million views on YouTube. 🤩 Turn up the volume and keep vibing. 🔊

▶️ https://t.co/qVl8PxRllm #Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan… pic.twitter.com/0fjVxzTpdi

— Lyca Productions (@LycaProductions) September 18, 2024

மிகுந்த எதிர்பார்ப்பு:

ஜெய்பீம் படத்தை இயக்கிய ஞானவேல் இந்த படத்தை இயக்கியிருப்பது ரசிகர்கள் மத்தியில் மேலும் எதிர்பார்ப்பை அதிகரிக்க வைத்துள்ளது. இந்த படத்தின் மூலமாக பாலிவுட்டின் சூப்பர்ஸ்டாரும், ரஜினிகாந்திற்கு இணையாக ரசிகர்களை கொண்டவருமான அமிதாப் பச்சன் தமிழில் அறிமுகமாகிறார். இவர்களுடன் பகத் பாசிலும் இணைந்து நடிக்கிறார்.

அனிருத் இந்த படத்திற்கு இசையமைத்துள்ளார்.  ஜெய்பீம் படத்தில் எப்படி மனதை ரணமாக்கும் கதைக்களத்தை ஞானவேல் தந்தாரோ? அதேபோல இந்த படத்திலும் மனதை ரணமாக்கும் கதைக்களம் வேட்டையன் படத்திலும் இடம்பெற்றிருக்கும் என்று எதிர்பார்க்கப்படுகிறது.

ரஜினிகாந்த் வேட்டையன் படம் நிறைவு பெற்ற நிலையில், தற்போது லோகேஷ் கனகராஜ் இயக்கத்தில் கூலி படத்தை இயக்கி வருகிறார். ரஜினிகாந்த் கூலி பட செட்டில் மனசிலாயோ பாடலுக்கு நடனம் ஆடிய வீடியோ இணையத்தில் வைரலாகியது என்பது குறிப்பிடத்தக்கது.