Singapenney 1st single : ஏ.ஆர். ரஹ்மான் வெளியிடும் சிங்கப்பெண்ணே படத்தின் ஃபர்ஸ்ட் சிங்கள் லிரிக்கல் வீடியோ
சிங்கப்பெண்ணே திரைப்படத்திலன் முதல் சிங்கள் பாடலான " எழுந்து வா..." பாடலின் லிரிகள் வீடியோ இன்று மாலை வெளியிடுகிறார் இசைப்புயல் ஏ. ஆர். ரஹ்மான்.
ஜேஎஸ்பி ஸ்டுடியோஸ் நிறுவனத்தின் சார்பில் ஜேஎஸ்பி சதீஷ் தயாரித்து இயக்கியுள்ள ஸ்போர்ட்ஸை மையமாக வைத்து உருவாக்கப்பட்டுள்ள திரைப்படம் "சிங்கப்பெண்ணே". ஏ.ஆர். ரஹ்மான் இசையில் விஜய் நடிப்பில் வெளியான "பிகில்" திரைப்படத்தின் பிரபலமான பாடல் வரியை இப்படத்திற்கு தலைப்பாக வைக்கப்பட்டது படத்திற்கு மிகவும் பொருத்தமாக அமைந்துள்ளது.
View this post on Instagram
ஃபர்ஸ்ட் சிங்கள் இன்று வெளியாகிறது :
சிங்கப்பெண்ணே திரைப்படத்தில் இஸ்பேட் ராஜா இதய ராணி திரைப்படத்தில் நடித்த ஷில்பா மஞ்சுநாத் மற்றும் தேசிய அளவிலான ட்ரைஃபலான் வீராங்கனை ஆர்த்தி முக்கிய கதாபாத்திரத்தில் நடித்துள்ளனர். இப்படத்திற்கு இசையமைத்துள்ளார் டிரம்ஸ் சிவமணியின் மகன் குமரன் சிவமணி. இந்த திரைப்படத்தின் முதல் சிங்கள் பாடலான " எழுந்து வா..." பாடலின் லிரிகள் வீடியோ இன்று மாலை வெளியிடுகிறார் ஆஸ்கார் நாயகன் இசைப்புயல் ஏ. ஆர். ரஹ்மான். இந்த மோட்டிவேஷனல் பாடலுக்கு குரல் கொடுத்துள்ளார் இசையமைப்பாளர் அனிருத் ரவிச்சந்திரன். இந்த பாடல் இன்று மலை வெளியாவது குறித்த போஸ்டர் ஒன்று இன்ஸ்டாகிராம் பக்கத்தில் வெளியிடப்பட்டுள்ளது.
இந்த திரைப்படத்தில் நடிகை ஷில்பா மஞ்சுநாத் தவிர மற்ற அனைவருமே தடகள வீரர்கள் என்பது குறிப்பிடத்தக்கது. இந்த படத்தில் ஸ்விம்மிங், சைக்ளிங், ரன்னிங் என மூன்று விளையாட்டுகளை மையப்படுத்தி படமாக்கியுள்ளனர். இது மூன்றுமே மிகவும் கஷ்டமான ஸ்போர்ட்ஸ் விளையாட்டுகள். இந்த படத்தின் படப்பிடிப்பு சேப்பாக்கம் ஸ்டேடியம், தென்காசி போன்ற இடங்களில் படமாக்கப்பட்டது. படத்தின் பல காட்சிகள் நீச்சல் குளத்தில் படமாக்க பட்டுள்ளதால் வழக்கமான திரைப்படங்களை காட்டிலும் இதில் நடிப்பது மிகவும் கடினம். அனைவரும் விரும்பும் இந்த ஸ்போர்ட்ஸ் சார்ந்த "சிங்கப்பெண்ணே" திரைப்படத்திற்கு எதிர்பார்ப்பு மிகவும் அதிகமாக உள்ளது. ஸ்போர்ட்ஸ் சம்பந்தமான படம் என்பதால் ரசிகர்களை நிச்சயம் ஈர்க்கும் என எதிர்பார்க்கப்படுகிறது.
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
