My Lord Review : சசிகுமாரின் மை லார்ட் திரைப்படம் எப்படி இருக்கு...விமர்சனம் இதோ
My Lord Review : ராஜூ முருகன் இயக்கத்தில் சசிகுமார் , சைத்ரா அச்சர் நடித்துள்ள மை லார்ட் திரைப்படத்தின் முழு விமர்சனம் இதோ
பொருளாதாரா ரீதியாக பின் தங்கிய நிலையில் உள்ளவர் கணவன் மனைவியான சசிகுமார் மற்றும் சைத்ரா . கிட்னி திருட்டு மற்றும் போலி மரணம் போன்ற மோசடிகளில் சிக்கிக் கொள்ளும் இந்த தம்பதிகள் தங்களுக்கான நீதியை எப்படி போராடி பெறுகிறார்கள் என்பதே மை லார்ட் படத்தின் கதை
மை லார்ட் திரைப்பட விமர்சனம்
காதல் , மனித உணர்வுகள் , எளிய மக்களுக்கான அரசியல் ஆகிய விஷயங்கள் ராஜூ முருகன் படங்களின் பொது அம்சங்களாக இருந்து வருகின்றன. அந்த வகையில் மை லார்ட் திரைப்படத்தில் இந்த மூன்று அம்சங்கள் உள்ளன. கிட்னி திருட்டு மற்றும் போலி மரணம் போன்ற மோசடிகளில் சிக்கிக்கொள்ளும் கணவன் மனைவி தங்களுக்கான நீதியை அதிகார தரப்பினரிடம் இருந்து எப்படி போராடி வெல்கிறார் என்பது. ஆனால் திரைக்கதையைல் எந்த விதமான பெரிய சுவாரஸ்யமே இல்லாமல் பெரும்பாலான படத்தில் காட்சிகள் அரசியல் வசனங்கள் மூலமாக மட்டுமே கடத்தப்படுகின்றன. சசிகுமார் மற்றும் சைத்ரா இடையிலான காதல் காட்சிகள் படத்தின் தொடக்கத்தில் ரசிக்கக் கூடிய விதமாக இருந்தாலும் இரண்டாம் பாதி முழுவதும் படம் சோகமான மூடில் பயணிக்கிறது. போலித்தனத்துடன் எழுதப்பட்ட வில்லன் கதாபாத்திரங்கள் , கழிவிரக்கத்தை கோரும் விதமான காட்சியமைப்புகள் என பழைய பாணியில் சொல்லப்பட்டிருக்கிறது கதை. பல இடங்களில் ராஜூ முருகனின் ஜோக்கர் திரைப்படத்தை நினைவு படுத்துகிறது மை லார்ட். ஆனால் ஜோக்கர் படத்தில் வர்க் ஆன பகடி மை லார்ட் படத்தில் வர்க் ஆவதில்லை.
சசிகுமார் மற்றும் சைத்ரா இருவரும் கதாபாத்திரத்திற்கு நடிப்பில் உயிர் கொடுத்துள்ளார்கள். ஷான் ரோல்டனின் இசை சிறப்பு.
தலைப்பு செய்திகள்
ட்ரெண்டிங் செய்திகள்
