Samantha Wedding: 2வது திருமணம்.. ராஜ் நிடிமொருவை இன்று கரம் பிடிக்கும் சமந்தா? முன்னாள் மனைவி போட்ட ட்வீட்

Samantha Wedding: நடிகை சமந்தா இயக்குனர் ராஜ் நிடிமொருவை இன்று இரண்டாவது திருமணம் செய்ய உள்ளதாக தகவல் வெளியாகியுள்ளது.

சமந்தாவிற்கு இரண்டாவது திருமணம்

Source : social media/x

Samantha Wedding:  நடிகை சமந்தாவை இயக்குனர் ராஜ் நிடிமொருவை திருமணம் செய்ய உள்ளதாக கூறப்படும் நிலையில், அவரது முன்னாள் மனைவி ட்வீட் ஒன்றை பதிவிட்டுள்ளார்.

சமந்தா - ராஜ் திருமணம்?

நடிகை சமந்தா இயக்குனர் ராஜ் நிடிமொருவை திருமணம் செய்ய உள்ளதாக தகவல் வெளியாகி வருகிறது. இந்த சூழலில் அவரது முன்னாள் மனைவி ஸ்யாமலி டே தனது சமூக வலைதளத்தில் பதிவு ஒன்றை வெளியிட்டுள்ளார். யாரின் பெயரையும் குறிப்பிடாமல் அவர் வெளியிட்டுள்ள அந்த பதிவில், “விரக்தியடைந்த மக்கள்” பற்றிய ஒரு குறிப்பை வழங்கியுள்ளார். சமந்தா மற்றும் ராஜ் ஜோடியை மறைமுகமாக விமர்சித்தே, இந்த பதிவு வெளியிடப்பட்டுள்ளதாக நெட்டிசன்கள் பலரும் சாடி வருகின்றனர். அந்த பதிவில், “விரக்தியடைந்த மக்கள் அவநம்பிக்கையான செயல்களைச் செய்கிறார்கள்” என குறிப்பிட்டுள்ளார்.

சமந்தாவிற்கு இன்று திருமணமா?

கோயம்புத்தூரில் உள்ள ஈஷா மையத்தில் சமந்தா மற்றும் ராஜ் ஜோடி, திங்கட்கிழமையான இன்று திருமணம் செய்ய உள்ளதாக தகவல்கள் தெரிவிக்கின்றன. உறுதிப்படுத்தப்பட்ட தகவல்களாக இல்லாவிட்டாலும் , சமூக வலைதளங்களில் பலரும் இதனை பகிர்ந்து வருகின்றனர். ஆனால்,சமந்தா மற்றும் ராஜ் தரப்பில் இருந்து இதுகுறித்து எந்தவொரு அதிகாரப்பூர்வ அறிவிப்பும் தற்போது வரை இல்லை. அதேநேரம், ஷ்யாமலா இந்த வலியை கடந்து செல்ல வேண்டும், விவாகரத்தான பிறகு அடுத்தவர் வாழ்க்கையில் தலையிட வேண்டாமே” என பலரும் ஸ்யாமலி டேவை குறிப்பிட்டு சமூக வலைதளங்களில் பதிவிட்டு வருகின்றனர்.

சமந்தா - ராஜ் குறித்து இதுவரை அறிந்தது..

சமந்தாவும், ராஜும் காதலித்து வருவதாக கடந்த பல மாதங்களாகவே செய்திகள் வெளியான வண்ணம் உள்ளன. இதுதொடர்பாக அவர்கள் அமைதி காத்து வந்த நிலையில், இருவரும் கட்டி அணைத்தபடி எடுத்த புகைப்படங்களை கடந்த மாதம் தனது இன்ஸ்டாகிராம் கணக்கில் சமந்தா வெளியிட்டார். இதன் மூலம் அவர்கள் காதலித்து வருவது கிட்டத்தட்ட உறுதியானதாக்க கூறப்பட்டது. இருவரும் தி ஃபேமிலி மேன் மற்றும் சிட்டாடல்: ஹனி பன்னி ஆகிய வெப்தொடர்களில் சேர்ந்து பணியாற்றியது குறிப்பிடத்தக்கது.  உதவி இயக்குனரான ஷ்யாமலி டேவை ராஜ் திருமணம் செய்து இருந்த நிலையில், தற்போது பிரிந்துள்ளதாக கூறப்படுகிறது. மறுபுறம் சமந்தா தெலுங்கு திரையுலகின் முன்னணி நடிகரான நாக சைதன்யாவை திருமணம் செய்து விவாகரத்து பெற்றது குறிப்பிடத்தக்கது. 

மருத்துவ சிகிச்சையில் சமந்தா:

விவாகரத்திற்குப் பிறகு சமந்தா தொடர்ந்து திரைப்படங்களில் நடித்து வந்தார். ஆனால், திடீரென ஏற்பட்ட தோல் தொடர்பான உடல்நலக்குறைப்பாடு காரணமாக, நடிப்பில் இருந்து சற்றே விலகியுள்ளார். தொடர்ந்து சிகிச்சையும் பெற்று வருகிறார். விளம்பரப் படங்களில் நடித்தபடியும், சிறிய பட்ஜெட் படங்களை தயாரித்தும் வரும் சமந்தா விரைவிலேயே படங்களிலும் மீண்டும் நடிக்க தொடங்குவார் என கூறப்படுகிறது.