Thalaivar 170: “கேமரா..கிளாப்..ஆக்‌ஷன்” .. ஸ்மார்ட் லுக்கில் ரஜினி.. தொடங்கியாச்சு “தலைவர் 170” ஷூட்டிங்..!

Thalaivar 170 Update:நடிகர் ரஜினிகாந்த் நடிக்கவுள்ள 170வது படத்தின் ஷூட்டிங் தொடங்கியுள்ளதாக லைகா நிறுவனம் அதிகாரப்பூர்வமாக அறிவித்துள்ளது.

ரஜினிகாந்த்

நடிகர் ரஜினிகாந்த் நடிக்கவுள்ள 170வது படத்தின் ஷூட்டிங் தொடங்கியுள்ளதாக லைகா நிறுவனம் அதிகாரப்பூர்வமாக அறிவித்துள்ளது.

தமிழ் சினிமாவின் சூப்பர் ஸ்டாரான ரஜினிகாந்தின் 170வது படத்தை லைகா நிறுவனம் மிக பிரமாண்டமான முறையில் தயாரிக்கிறது. ஜெய் பீம் படத்தின் மூலம் கவனிக்கத்தக்க இயக்குநர்களில் ஒருவராக மாறிப்போன டி.ஜே.ஞானவேல் இப்படத்தை இயக்குகிறார். அனிருத் இசையமைக்கும் இந்த படத்தில் துஷாரா விஜயன், மஞ்சு வாரியர், ரித்திகா சிங், ராணா டகுபதி, ஃபஹத் ஃபாசில், அமிதாப்பச்சன் உள்ளிட்ட பலரும் நடிக்கின்றனர். இந்த படம் அடுத்தாண்டு தீபாவளிக்கு வெளியாகும் என கூறப்படுகிறது. 

Lights ☀️ Camera 📽️ Clap 🎬 & ACTION 💥

With our Superstar @rajinikanth 🌟 and the stellar cast of #Thalaivar170🕴🏼 the team is all fired up and ready to roll! 📽️

Hope you all enjoyed the #ThalaivarFeast 🍛 Now it's time for some action! We'll come up with more updates as the… pic.twitter.com/gPUXsPmvEQ

— Lyca Productions (@LycaProductions) October 4, 2023

இப்படியான நிலையில் தலைவர் 170 என இப்படத்திற்கு தற்காலிகமாக பெயர் வைக்கப்பட்டுள்ளது. இந்த படத்தின் ஷூட்டிங்கிறாக ரஜினிகாந்த் நேற்று கொச்சி புறப்பட்டுச் சென்றார். கடந்த 3 நாட்களாக இப்படத்தின் அப்டேட் வெளியாகி வந்த நிலையில் இன்றைய தினம் ரஜினியின் கெட்டப் வெளியிடப்பட்டுள்ளது. மேலும் அதில்,  “கேமரா..கிளாப்..ஆக்‌ஷன்”  என்ற வாசகத்தோடு ஷூட்டிங் இன்று முதல் தொடங்குவதாக தெரிவிக்கப்பட்டுள்ளது. அதேசமயம் படப்பிடிப்பு நடக்கும் போது இன்னும் பல அப்டேட்களுடன் வருவோம் என்றும், நீங்கள் அனைவரும் தலைவர் படத்தை ரசிப்பீர்கள் என நம்புகிறோம். இது ஆக்‌ஷனுக்கான நேரம்” என கூறப்பட்டுள்ளது. இந்த போஸ்டரில் ரஜினி ஸ்மார்ட் லுக்கில் இருப்பது ரசிகர்களுக்கு பெரும் மகிழ்ச்சியை ஏற்படுத்தியுள்ளது.