watch video |ஷூட்டிங் ஸ்பாட்டில் அல்லு அர்ஜூன் கொடுத்த அட்வைஸ்...வைரலாகும்’புஷ்பா’ மேக்கிங் வீடியோ!

“ எனக்கு ஒரு சின்ன கோரிக்கை...நாம ரொம்ப காலமா இந்த பகுதியில் ஷூட்டிங் பண்ணிட்டு வர்றோம் ...”

அல்லு_அர்ஜூன்

தெலுங்கில் முக்கிய பிரபலமாக இருந்து வரும் அல்லு அர்ஜூன் மற்றும் சுகுமார் கூட்டணியில் உருவாகி வரும் திரைப்படம்தான் ‘புஷ்பா’. இந்த படத்தில் ராஷ்மிகா மந்தனா நாயகியாக நடிக்கிறார். முன்னதாக படத்தின் புகைப்படங்கள் மற்றும் பாடல்கள் வெளியாகி இணையத்தை கலக்கின. அல்லு அர்ஜூன் மற்றும் ராஷ்மிகாவின் மாறுபட்ட தோற்றங்கள் படத்தின் மீதான எதிர்பார்பை அதிகப்படுத்தியது. கொரோனா ஊரடங்கு காலத்தால் தள்ளிப்போன படங்களுள் ‘புஷ்பா’ திரைப்படமும் ஒன்று. இதனால் படத்தை விரைந்து முடிக்க வேண்டும் என கதாநாயகன் , இயக்குநர் உள்ளிட்ட படக்குழுவினர் தினமும் 20 மணி நேரம் ஓயாது உழைத்து வருகின்றனர் எனவும் செய்திகள் வெளியானது. படம் வருகிற டிசம்பர் மாதம் 17 ஆம் தேதி திரையரங்கு வெளியீட்டிற்கு தயாராகி வருவதும் குறிப்பிடத்தக்கது. 

The team's blood and sweat to give you the best 🤘

You will witness it tomorrow 🔥

PUSHPA TRAILER ON DEC6TH 🔥

▶️ https://t.co/w1qMAYWlQx#PushpaTheRise #ThaggedheLe 🤙#PushpaTheRiseOnDec17@alluarjun @iamRashmika @aryasukku @ThisIsDSP @adityamusic @PushpaMovie pic.twitter.com/39OcTjAXXV

— Mythri Movie Makers (@MythriOfficial) December 5, 2021

இந்த நிலையில் தயாரிப்பு நிறுவனமான மைத்ரி மூவி மேக்கர்ஸ் , புஷ்பா படத்தின் மேக்கிங் வீடியோ ஒன்றை பகிர்ந்துள்ளனர். அது இணையத்தில் வைரலாக பரவி வருகிறது. படத்தின் பெரும்பாலான காட்சிகள், ஆந்திராவின் கிழக்கு கோதாவரி மாவட்டத்தில் உள்ள ராம்பச்சோடாவரம் மற்றும் மரேடுமில்லி என்னும்  அடர்ந்த காடுகளில் படமாக்கப்பட்டுள்ளது.இந்நிலையில் தயாரிப்பு நிறுவனம் பகிர்ந்த வீடியோவில் அல்லு அர்ஜூன் மைக்கை பிடித்துக்கொண்டு தனது படக்குழுவிடன் பேசுகிறார் “ எனக்கு ஒரு சின்ன கோரிக்கை...நாம ரொம்ப காலமா இந்த பகுதியில ஷூட்டிங் பண்ணிட்டு வற்றோம் ... அதனால் நாம பயன்படுத்தின பிளாஸ்டிக் பாட்டில் , கப்ஸ், பேப்பர் எதுவாக இருந்தாலும் , குப்பைத்தொட்டியில போட்டோமா என்பதை  தயவு செய்து சரிப்பார்த்துக்கொள்ளுங்கள்!  நாம முதன் முதலாக நுழைந்த பொழுது எவ்வளவு சுத்தமாக இந்த இடம் இருந்ததோ ..அதே போலத்தான் திரும்ப செல்லும் பொழுதும் இருக்க வேண்டும்.” என தெரிவித்துள்ளார்.

#PushpaTrailerDay@alluarjun @iamRashmika @aryasukku @ThisIsDSP @adityamusic @PushpaMovie pic.twitter.com/s0e5Qbu8hE

— Mythri Movie Makers (@MythriOfficial) December 5, 2021

இந்த வீடியோவை கண்ட  அவரது ரசிகர்கள் அல்லு அர்ஜுனின் சமூக சிந்தனையை கொண்டாடி வருகின்றனர். புஷ்பா படத்தின் டிரைலர் இன்று மாலை 6.03 மணியளவில் வெளியாக இருப்பது குறிப்பிடத்தக்கது. புஷ்பா திரைப்படம் இரண்டு பாகங்களாக உருவாகி வருகிறது என்பது குறிப்பிடத்தக்கது.
படத்தில் செம்மரக்கட்டையை கடத்தும் லாரி ஓட்டுநராக புஷ்பராஜ் என்ற கதாபாத்திரத்தில் அல்லு அர்ஜூன் நடிக்கிறார். பஹத் பாசில் வில்லனாக நடிக்க இவர்களுடன் ஜெகபதி பாபு, பிரகாஷ்ராஜ், தனஞ்செய், சுனில், ஹரிஷ் உத்தமன், கிஷோர், அனசுயா பரத்வாஜ், ஸ்ரீதேஜ் ஆகியோர் நடிக்கின்றனர். சமந்தா குத்துபாடல் ஒன்றிற்கு நடனம் ஆடுகிறார். படம் தமிழ் , தெலுங்கு , இந்தி உள்ளிட்ட 5 மொழிகளில் வெளியாக இருப்பது குறிப்பிடத்தக்கது.