![ABP Premium](https://cdn.abplive.com/imagebank/Premium-ad-Icon.png)
Prabudeva : இரண்டாவது மனைவியுடன் திருப்பதியில் பிரபுதேவா... முதல் முறையாக வெளியான புகைப்படம்..!
நடிகர் பிரபுதேவா தனது இரண்டாவது மனைவியுடன் திருப்பதிக்கு சுவாமி தரிசனத்திற்காக சென்ற போது எடுக்கப்பட்ட புகைப்படங்கள் சோஷியல் மீடியாவில் வைரலாகி வருகிறது.
![Prabudeva : இரண்டாவது மனைவியுடன் திருப்பதியில் பிரபுதேவா... முதல் முறையாக வெளியான புகைப்படம்..! Prabudeva was spotted with his second wife at thirupathi temple and the click goes viral online Prabudeva : இரண்டாவது மனைவியுடன் திருப்பதியில் பிரபுதேவா... முதல் முறையாக வெளியான புகைப்படம்..!](https://feeds.abplive.com/onecms/images/uploaded-images/2023/04/29/11865a9f4fe3d162a4cfaf89e3450e581682772795485224_original.jpg?impolicy=abp_cdn&imwidth=1200&height=675)
இந்தியாவின் மைக்கேல் ஜாக்சன் என கொண்டாடப்படும் நடிகர் பிரபு தேவா தனது அசத்தலான நடனத்தால் அனைவரையும் கவர்ந்தவர். ரப்பரில் செய்த உடலை போல வளைந்து வளைந்து ஆட கூடிய பிரபுதேவாவிற்கு உலகெங்கிலும் ரசிகர்கள் உள்ளனர். இவர் சமீபத்தில் தனது 50வது பிறந்தநாளை கொண்டாடினார்.
நடிகர் பிரபுதேவா தனது இரண்டாவது மனைவியுடன் திருப்பதிக்கு சுவாமி தரிசனத்திற்காக சென்றுள்ளார். அங்கு அவர் இரண்டாவது மனைவி ஹிமானி சிங்குடன் இருக்கும் புகைப்படம் சோசியல் மீடியாவில் வைரலாக பகிரப்பட்டு வருகிறது.
பிரபு தேவா முதல் திருமணம் :
நடிகர் பிரபுதேவாவுக்கு 1995ம் ஆண்டு ரம்லத் என்பவருடன் திருமணம் நடைபெற்றது. இந்த தம்பதியினருக்கு விஷால், ரிஷி ராகவேந்திரா தேவா மற்றும் ஆதித் தேவா என மூன்று மகன்கள். அதில் ஒரு மகன் புற்றுநோய் காரணமாக உயிரிழந்தார். 16 ஆண்டுகள் ரமலத்துடன் வாழ்ந்து வந்த பிரபுதேவா அவரை 2010ம் விவாகரத்து செய்தார். அதற்கு காரணமாக நயன்தாரா - பிரபுதேவா உறவு என சொல்லப்பட்டது.
பிசியோதெரபிஸ்ட் மனைவியானார்:
திருமணம் வரை சென்ற நயன்தாரா - பிரபுதேவா திருமணம் கடைசியில் நடைபெறாமல் போனது. அதற்கு பிறகு தனிமையில் வாழ்ந்த பிரபு தேவா 2020ம் ஆண்டு பிசியோதெரபிஸ்ட் டாக்டர் ஹிமானியை இரண்டாவதாக திருமணம் செய்துகொண்டார். பிரபுதேவா நாள்பட்ட முதுகு வலியால் அவதிப்பட்டு வந்த நிலையில் ஹிமானியிடம் சிகிச்சை பெற்று வந்தார். அந்த சமயத்தில் அவர்கள் இருவருக்கும் இடையில் ஏற்பட்ட பழக்கம் காதலாக மாறி பின்னர் திருமணம் செய்து கொண்டனர்.
சர்ப்ரைஸ் வீடியோ :
சமீபத்தில் நடைபெற்ற பிரபுதேவாவின் 50வது பிறந்தநாள் விழாவில் அவரது மனைவி ஹிமானி உணர்ச்சி பொங்க வீடியோ மூலம் கணவருக்கு வாழ்த்து தெரிவித்து இருந்தார். பிரபுதேவாவின் அன்பான அக்கறையான அணுகுமுறை, அவரின் நகைச்சுவை உணர்வு இவை அனைத்தையும் அவள் மிகவும் நேசிப்பதாகவும் திருமணமான இந்த மூன்று ஆண்டுகளாக அவள் மிகவும் மகிழ்ச்சியாக இருப்பதாகவும் அவரை திருமணம் செய்து கொண்டதை அதிர்ஷ்டமாக எண்ணுவதாகும் தெரிவித்து இருந்தார் ஹிமானி சிங். இந்த வீடியோ பிரபு தேவாவிற்கு சர்ப்ரைஸாக ஒளிபரப்பப்பட்டது.
தற்போது தனது மனைவி ஹிமானியுடன் திருப்பதி கோயிலில் காணப்பட்டார். அவர்களின் புகைப்படங்கள் சோசியல் மீடியாவில் வைரலாக பகிரப்பட்டு வருகிறது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)