மேலும் அறிய

Pandian Stores : பணத்தால் பாண்டியன் ஸ்டோர்ஸ் குடும்பத்திற்குள் வந்த பிரச்சினை..! அடுத்து நடக்கப்போவது என்ன?

முல்லையின் மருத்துவ செலவால் பாண்டியன் ஸ்டோர்ஸ் குடும்பத்திற்குள் புதிய சிக்கல்கள் ஏற்பட்டிருப்பது ரசிகர்கள் இடையே சோகத்தை ஏற்படுத்தியுள்ளது.

By : சுகுமாறன் | Updated at : 07 May 2022 10:19 PM (IST)

பாண்டியன் ஸ்டோர்ஸ்

விஜய் தொலைக்காட்சியில் ஒளிபரப்பாகும் சீரியல்களில் மிகவும் முக்கியமான தொடர் பாண்டியன் ஸ்டோர். நடுத்தர குடும்பம் எதிர்கொள்ளும் சிக்கல்களை பற்றி பேசுவதால் இந்த தொடருக்கு என்று ஏராளமான ரசிகர்கள் உள்ளனர்.

தற்போது முல்லையின் மருத்துவ செலவு குறித்த எபிசோட்கள் ஒளிபரப்பாகி வருகிறது. முல்லையின் மருத்துவ செலவுக்காக ரூபாய் 5 லட்சம் வரை மிகஷம் கஷ்டப்பட்டு திரட்டிய நிலையில் அந்த சிகிச்சை பலனளிக்கவில்லை. டி.ஆர்.பி. ரேட்டிங் சறுக்கிய நிலையில் இயக்குனர் பாண்டியன் ஸ்டோர் குடும்பத்திற்குள்ளே பணத்தை விளையாட விட்டு ரசிகர்களை தன்வசம் இழுக்க முயற்சித்துள்ளார்.

Pandian Stores : பணத்தால் பாண்டியன் ஸ்டோர்ஸ் குடும்பத்திற்குள் வந்த பிரச்சினை..! அடுத்து நடக்கப்போவது என்ன?

முல்லைக்கு குழந்தை பிறக்க எடுத்த முயற்சிகள் தோல்வியில் முடிந்த நிலையில், முல்லை மனம் உடைகிறார், வீட்டிற்கு வரும் முல்லையை அனைவரும் சமாதானப்படுத்துகின்றனர். முல்லைக்கு கண்ணன், கயல், பாண்டியன் என அனைவரும் சமாதானம் செய்கின்றனர். முல்லை மன வேதனையிலே தனது அறைக்கு சென்றுவிட ஜீவா மீண்டும் முல்லையின் ட்ரீட்மெண்ட் பற்றி பேசுகிறார்.

அப்போது, ஏற்கனவே 5 லட்சம் கடன் வாங்கியாச்சு. இதற்கு மேல் கடன் வாங்க முடியாது என்று மீனா சொல்ல, ஐஸ்வர்யாவும் அவருக்கு ஆதரவுக்குரல் கொடுக்கிறார். இதை கதிர் கேட்டு விடுகிறார். தனது மனைவியின் மருத்துவ செலவுக்கு தனது குடும்பத்தில் இருப்பவர்களே கணக்கு பார்க்கிறார்களே என்று வேதனை அடைகிறார். ஆனால், மூர்த்தியும், தனமும் பணமெல்லாம் ஒரு பிரச்சினை இல்லை என்று முல்லைக்கு ஆதரவாக பேசுகின்றனர்.