Naai Sekar Returns Twitter Review : குழந்தைகளுக்கு கண்டிப்பா இந்த படம் பிடிக்கும்.. ஆனா.. கலவையான விமர்சனங்களை பெறும் நாய் சேகர்

Naai Sekar Returns twitter review : இப்படம் கலவையான விமர்சனத்தை பெற்ற நிலையில், தமிழ்நாட்டில் உள்ள ரசிகர்கள் பாசிட்டிவான விமர்சனங்களை முன் எடுத்து வைக்கின்றனர். 

நாய் சேகர் ரிட்டர்ன்ஸ்

வைகைப் புயல் என செல்லமாக ரசிகர்களால் அழைக்கப்படுபவர் வடிவேலு. காமெடியில் கலக்கி, ரசிகர்களை வயிறு குலுங்க சிரிக்க வைத்து வருடத்திற்கு பல படங்களில் நடித்து வந்தார் இவர். பின், 2012-ஆம் ஆண்டிலிருந்து  இவர் நடித்த , எலி, கத்தி சண்டை, சிவ லிங்கா, மெர்சல் ஆகிய படங்களில் பழைய வடிவேலுவின் காமெடி எல்லாம் வொர்க்-அவுட் ஆகாமல் மொக்கை வாங்கியது.

அந்த வரிசையில் இந்தாண்டு நாய் சேகர் ரிட்டர்ன்ஸ் திரைப்படத்தின் ட்ரைலரில், இந்தியாவின் முதல் நாய் கடத்தும் நபர்' என ட்ரெய்லரில் அறிமுகமாகியிருக்கிறார் வைகைப்புயல். பல ஆண்டுகளாக பழைய வடிவேலுவை பார்க்க வேண்டும் என தவமாய் தவமிருந்த ரசிகர்களுக்கு காமெடி விருந்தாக இப்படம் இருக்கும் என எதிர்பார்க்கபட்டிருந்த நிலையில், இந்த படம் இன்று வெளியாகியுள்ளது.

நாய் சேகர் ரிட்டர்னஸ் படத்தின் ட்விட்டர் விமர்சனம் :

இந்த வாரத்தின் வெள்ளிக்கிழமையில் வெளியான இப்படத்தை, பார்த்த ரசிகர்கள், கலவையான விமர்சனத்தை சோஷியல் மீடியாக்களில் பகிர்ந்து வருகின்றனர்.

#NaaiSekarReturns getting mixed reviews from the USA premiere show

— Radhakrishnan (@radhakrishsrm) December 9, 2022

அமெரிக்காவில் திரையிடப்பட்ட ப்ரீமியர் ஷோவில், இப்படம் கலவையான விமர்சனத்தை பெற்ற நிலையில், தமிழ்நாட்டில் உள்ள ரசிகர்கள், “பழைய வடிவேலு மீண்டும் வந்துவிட்டார்” என்ற பாசிட்டிவான விமர்சனங்களை முன் எடுத்து வைக்கின்றனர். 

#NaaiSekarReturns Review:

Average 🙏#Vadivelu was good 👍

Others had badly written characters 🥲

Music & BGM was decent 👍

Cinematography ✌️

Writing Works in Parts 🙂

Family Audiences May Like It ✌️

Rating: ⭐⭐💫/5#NaaiSekarReturnsReview #Vadivelu #Kollywood pic.twitter.com/d6OxakWycS

— Kumar Swayam (@KumarSwayam3) December 9, 2022

விமர்சகர்கள் சிலர், இப்படத்தில் வடிவேலுதான் முக்கிய தூணாக அமைந்து இருக்கிறார். பழைய வடிவேலுவை மீண்டும் கொண்டு வர இயக்குநர் முயற்சி செய்துள்ளார் ஆனால், அது வொர்க்-அவுட்டாகவில்லை என்று பதிவிட்டுள்ளனர்.

Positive Reviews🔥😍#NaaiSekarReturns

The king of comedy #Vadivelu is Back🤙

— 𝐊𝐚𝐫𝐭𝐡𝐢𝐤 🇮🇳 (@itskrishtweetz) December 9, 2022

மக்கள் தொடர்பாளர்களிடம் இருந்து வரும் விமர்சனங்களை விட, பொது மக்கள் கூறும் கருத்துக்களே நியாமாகவும் உண்மையாகவும் இருக்கும். அப்படி பார்த்தால், நாய் சேகர் படம், காமெடியாக இருப்பதாகவும் குடும்பத்துடன் பார்க்கலாம் என்றும் குழந்தைகளுக்கும் இப்படம் பிடிக்கும் என்றும் கூறிவருகின்றனர். அத்துடன் சந்தோஷ் நாராயணின் இசை பிரமாதமாக இருப்பதாக தெரிவித்துள்ளனர்.

படத்தில் நடித்த நட்சத்திரங்கள்

லைகா நிறுவனத்தின் தயாரிப்பில் இயக்குநர் சுராஜ் இயக்கத்தில் நடிகர் வடிவேலு முக்கிய கதாபாத்திரமான நாய் சேகர் எனும் லீட் ரோலில் நடித்துள்ளார். இவரின் மகளாக விஜய் டிவி பிரபலம் மற்றும் பாடகியான சிவாங்கி கிருஷ்ணகுமார் நடித்துள்ளார். மேலும் ரெட்டின் கிங்ஸ்லி, ஷிவானி நாராயணன், ஆனந்தராஜ், முனீஷ்காந்த், ஆர்.ஜே. விக்னேஷ்காந்த், லொள்ளு சபா சேஷு, யூடியூபர் பிரஷாந்த் உள்ளிட்டோர் இப்படத்தில் முக்கியக் கதாபாத்திரத்தில் நடித்துள்ளனர்.