Naai Sekar Returns: ஹாப்பி பர்த்டே வடிவேலு.. வெளியானது நாய் சேகர் ரிட்டன்ஸ் படத்தின் போஸ்டர்!
Naai Sekar Returns New Poster: நடிகர் வடிவேலுவின் பிறந்தநாளையொட்டி நாய் சேகர் ரிட்டன்ஸ் படத்தின் போஸ்டர் வெளியாகிவுள்ளது.
நகைச்சுவை நடிகர் வைகை புயல் வடிவேலுவின் பிறந்தநாளையொட்டி நாய் சேகர் ரிட்டன்ஸ் படத்தின் போஸ்டர் வெளியாகிவுள்ளது.
தமிழில் பிரம்மாண்ட படைப்புகளை வழங்கி வரும் லைகா புரடக்சன்ஸ் சுபாஸ்கரன் தயாரிப்பில், இயக்குநர் சுராஜ் இயக்கத்தில், நீண்ட இடைவேளைக்கு பிறகு வைகைப்புயல் வடிவேலு நாயகனாக நடித்து வரும், “நாய் சேகர் ரிட்டன்ஸ்” படத்தின் படப்பிடிப்பு இறுதி கட்டத்தை எட்டியிருந்த நிலையில் படத்தின் போஸ்டர் வெளியாகிவுள்ளது. லைகா தயாரிப்பு நிறுவனத்தில் வெளியான இந்த போஸ்டரில், “ பிறந்த நாள் வாழ்த்துக்கள் காமடி ஐகான் வைகை புயல் வடிவேலு. இந்தாண்டு வெற்றிகரமான ஆண்டாக அமைய வாழ்த்துக்கள்” என்ற கேப்ஷனுடன் பதிவிடப்பட்டுள்ளது.
View this post on Instagram
முன்னதாக, வடிவேலு நாயகனாக நடிக்கும் , “நாய் சேகர் ரிட்டன்ஸ்” படத்தின் மோஷன் போஸ்டர் வெளியிடப்பட்டது. இப்படத்தின் பெரும்பாலான காட்சிகள் சென்னை, மைசூர் முதலான பகுதிகளில் நடத்தப்பட்டது. தற்போது சென்னை பிரசாத் ஸ்டூடியோவில் மிக பிரமாண்டமான செட் அமைக்கப்பட்டு, மும்பை நடன கலைஞர்கள் பங்கேற்க, கோலகலமாக ஒரு பாடல் படமாக்கப்பட்டு வருகிறது.
நடிகரும் நடன இயக்குநருமான பிரபுதேவா இப்பாடலுக்கு நடனம் அமைக்கிறார். வில்லு படத்தை தொடர்ந்து, 14 வருடங்களுக்கு பிறகு பிரபுதேவா மற்றும் நடிகர் வடிவேலு கூட்டணி இப்பாடலில் இணைந்து பணியாற்றுவது குறிப்பிடத்தக்கது. படத்தின் இரண்டு கட்ட படப்பிடிப்பு முடிந்த நிலையில், இறுதிகட்ட படப்பிடிப்பு தற்போது தீவிரமாக நடந்து வருகிறது. படத்தின் தயாரிப்பு பணிகள் லைகா புரடக்சன்ஸ் தலைமை அதிகாரி GKM தமிழ்குமரன் தலைமையில் நடைபெற்று வருகிறது. விரைவில் படத்தின் ஃபர்ஸ்லுக், இசை, டிரெயலர் குறித்த அறிவிப்பு அதிகாரப்பூர்வமாக வெளியாகுமென தயாரிப்புகுழு தெரிவித்துள்ளது. இயக்குநர் சுராஜ் எழுதி இயக்கும் இத்திரைப்படத்தை லைகா புரடக்சன்ஸ் சார்பில் சுபாஸ்கரன் தயாரிக்கிறார். இசையமைப்பாளர் சந்தோஷ் நாரயணன் இசையமைக்கிறார்.
View this post on Instagram
நடிகர் வடிவேலுவின் பிறந்தநாளையொட்டி பல பிரபலங்களும், ஊடகங்களும் வாழ்த்து தெரிவித்து வருகின்றது.
தலைப்பு செய்திகள்
ட்ரெண்டிங் செய்திகள்
