சக்கைப் போடு போடும் குடும்பஸ்தன்...4 நாட்கள் பாக்ஸ் ஆபிஸ் நிலவரம்

மணிகண்டன் நடித்துள்ள குடும்பஸ்த்தன் திரைப்படம் 4 நாட்களில் 8.75 கோடி வசூல் செய்துள்ளதாக தகவல்கள் வெளியாகியுள்ளது

மணிகண்டன் , குடும்பஸ்த்தன் , குடும்பஸ்த்தன் பாக்ஸ் ஆபிஸ்

Source : Twitter

குடும்பஸ்த்தன்

அறிமுக இயக்குநர் ராஜேஷ்வர்  காளிசாமி இயக்கத்தில் சினிமாக்காரன் தயாரிப்பு நிறுவனம் சார்பாக எஸ்.வினோத்குமார் தயாரிப்பில், நடிகர் மணிகண்டன் நாயகனாக நடித்திருக்கும்  படம் குடும்பஸ்தன்.  சான்வே மேகனா, குரு சோமசுந்தரம், இயக்குநர் சுந்தர்ராஜன், பிரசன்னா பாலச்சந்திரன், "ஜெய ஜெய ஜெய ஹே" புகழ் கனகம்மா, ஜென்சன் உள்ளிட்ட பல நடிகர்கள்  நடித்திருக்கின்றனர். வைசாக் இசையமைத்துள்ளார். இப்படம் கடந்த ஜனவரி 24 ஆம் தேதி திரையரங்கில் வெளியாகி வெற்றிநடை போட்டு வருகிறது.

ஹாட்ரிக் வெற்றியை பதிவுசெய்த மணிகண்டன்

ஜெய் பீம் படத்தில் ராஜாகண்ணுவாக நடித்து ஒரு சிறப்பான நடிப்பை வெளிப்படுத்தியவர் மணிகண்டன். தொடர்ந்து இவர் நடித்த குட் நைட் , லவ்வர் ஆகிய படங்களும் விமர்சனம் மற்றும் வசூல் ரீதியாக வெற்றிபெற்றன. குடும்ப ரசிகர்கள் தொடர்புபடுத்திக் கொள்ளும் விதமான எளிமையான கதைகளை தேர்வு செய்து நடித்து வருகிறார் மணிகண்டன். இந்த படன்களில் தன்னுடைய நடிப்பையும் மிக சிறப்பாக வெளிப்படுத்துகிறார். மணிகண்டன் படம் என்றாலே நம்பி பார்க்கலாம் என்கிற நம்பகத்தன்மை மக்களிடம் உருவாகியுள்ளது. அந்த வகையில் தற்போது வெளியாகியுள்ள குடும்பஸ்த்தன் திரைப்படமும் குடும்பங்களை கவர்ந்துள்ளது. 

ஒரு சாதாரண மிடில் கிளால் மேன் ஒரு மாதத்தை ஓட்டுவதற்கு எதிர்கொள்ளும் சவால்களையே படமாக்கியுள்ளார்கள். சின்ன சின்ன உணர்ச்சிகளுக்கு முக்கியத்துவம் அளித்து நகைச்சுவை மற்றும் எமோஷன் கலந்து உருவாகியுள்ள இப்படம் அனைத்து தரப்பு ரசிகர்களாலும் பாராட்டுக்களை பெற்று வருகிறது.

குடும்பஸ்த்தன் பட வசூல்

குடும்பஸ்த்தன் திரைப்படத்தின் வசூல் நாளுக்கு நாள் அதிகரித்தபடியே உள்ளது. முதல் 4 நாட்களில் இப்படம் ரூ 8.75 கோடி வசூலித்துள்ளதாக தகவல்கள் வெளியாகியுள்ளன. விடுமுறை மட்டுமில்லாமல் வேலை நாட்களிலும் படத்திற்கு நல்ல கூட்டம் இருந்து வருவதால் படத்தின் வசூல் கனிசமாக அதிகரிக்கும் என எதிர்பார்க்கப் படுகிறது. 

#Kudumbasthan has collected an impressive ₹8.75+ Cr in just 4 days! 🚀

With its engaging storyline and powerful performances, the film is winning hearts and dominating the box office. Congratulations to the entire team! 👏✨#Kudumbasthan #Manikandan #KudumbasthanBlockbuster… pic.twitter.com/LHzluRShJg

— R Man Rahman (@BlueThakkali) January 28, 2025