Maanadu First Single | ‛மாஷாஅல்லாஹ்...’ ட்விட்டரில் ட்ரெண்டிங் அடிக்கும் மாநாடு!

ரசிகர்கள் பல நாளாக எதிர்பார்த்த அந்த ஒரு மாஸ் அப்டேட்டை நேற்று வெளியிட்டு அசத்தியுள்ளார் இசையமைப்பாளர் யுவன்

மாநாடு முதல் சிங்கிள்

சிம்புவின் மாநாடு திரைப்படத்தின் முதல் சிங்கிள் புதன் கிழமை வெளியாகும், அதுவும் அந்த தகவலை யுவன் தான் வெளியிடுவார் என்று முன்வே அறிவித்திருந்தார் இந்த படத்தின் தயாரிப்பாளர் சுரேஷ் காமாட்சி. வெங்கட் பிரபு இயக்கத்தில், சுரேஷ் காமாட்சி தயாரிப்பில் உருவாகி வரும் திரைப்படம் தான் மாநாடு. அரசியல் கதைக்களத்தில் சிம்பு இறங்கியுள்ள இந்த திரைப்படம் அவரது ரசிகர்களின் மத்தியில் பெரும் எதிர்பார்ப்பை ஏற்படுத்தியுள்ளது குறிப்பிடத்தக்கது. ரசிகர்களின் உச்சகட்ட எதிர்பார்ப்பில் இந்த படம் உள்ளது. 

#maanaadufirstsingle #maanaadu #aVPpolitics #mashaAllah #abudulkhaliq #Silambarasan_TR #maanaadusinglefrom21st @vp_offl @SilambarasanTR_ @sureshkamatchi @madhankarky @U1Records on Twitter spaces pic.twitter.com/Hzxk4dPqyK

— Raja yuvan (@thisisysr) June 9, 2021

இந்நிலையில் அறிவிக்கப்பட்டதை போலவே மாநாடு படத்தின் முதல் சிங்கள் குறித்த தகவலை வெளியிட்டுள்ளார் யுவன். மாஷாஅல்லாஹ் என்ற அந்த முதல் சிங்கள் பாடல் வரும் ஜூன் மாதம் 21ம் தேதி வெளியாகும் என்று அதிகாரப்பூர்வமாக கூறியுள்ளார் இசையமைப்பாளர் யுவன். இந்நிலையில் Maanadu First Single என்ற ஹாஷ் டேக் தற்போது ட்விட்டர் தலத்தில் ட்ரெண்டிங்கில் உள்ளது குறிப்பிடத்தக்கது. யுவன் இசையில் வெளியாகவுள்ள இந்த பாடல் இப்போதே பெரும் எதிர்பார்ப்பை ஏற்படுத்தியுள்ளது. 

மேலும் மாநாடு படத்தின் இசை உரிமையை யுவன் சங்கர் ராஜாவின் U1 ரெகார்டஸ் நிறுவனம் பெற்றுள்ளதும் குறிப்பிடத்தக்கது. இயக்குநர் வெங்கட் பிரபு இயக்கும் இப்படத்தின் மீதான சிம்பு ரசிகர்களின் எதிர்பார்ப்பு  அதிகரித்திருக்கிறது. சிம்புவின் நடிப்பில் அண்மையில் வெளியான படங்கள் அவருக்கு எதிர்பார்த்த வெற்றியை கொடுக்கவில்லை என்பது குறிப்பிடத்தக்கது. இந்நிலையில் வெங்கட் பிரபு இயக்கத்தில் அவர் நடிக்கும் மாநாடு படம் நிச்சயம் சிம்புவிற்கு கைகொடுக்கும் என நம்பப்படுகிறது. இந்த படத்தில் கல்யாணி பிரியதர்ஷன் சிம்புவிற்கு ஜோடியாக நடித்துள்ளார்.

June 21 at 12.06 pm .your time start now @SilambarasanTR_ 🌷🌷 https://t.co/YHJ8EWmcmq

— sureshkamatchi (@sureshkamatchi) June 9, 2021

மேலும் எஸ்.ஜே.சூர்யா, வெங்கட் பிரபுவின் தம்பி பிரேம்ஜி உள்ளிட்ட பல நடிகர்கள் இணைந்துள்ளனர். படத்திற்கான ஒளிப்பதிவு பணியை ரிச்சர்ட் எம் நாதன் கவனிக்க, சுரேஷ் காமாட்சி இந்த படத்தை தயாரிக்கிறார். படத்தில் "அப்துல் மாலிக்" என்ற கதாப்பாத்திரத்தில் சிம்பு நடித்துள்ளார் என்பது குறிப்பிடத்தக்கது. படம் முழுக்க முழுக்க அரசியல் களம் கொண்டு பயணிக்க உள்ளது பெரும் எதிர்பார்ப்பை உண்டாக்கியுள்ளது.  எதிர்பார்த்தபடியே முதல் சிங்கள் டிரெண்டிங்கில் இடம் பிடிக்கும் அளவிற்கு ஹிட் ஆனதால், படக்குழு மகிழ்ச்சியில் உள்ளது.