Maamannan Poster: மென் இன் பிளாக்... வடிவேலு, உதயநிதியுடன் கருப்பு உடையில் ஃபஹத்... மாமன்னன் புது போஸ்டர்!

மாமன்னன் திரைப்படம் வரும் ஜூன் 29ஆம் தேதி வெளியாகலாம் எனக்கூறப்படும் நிலையில் இதுகுறித்த அதிகாரப்பூர்வ அறிவிப்பு எதுவும் வெளியாகவில்லை.

மாமன்னன் போஸ்டர்

மாமன்னன் படத்தில் நடிகர்கள் வடிவேலு, ஃபஹத் ஃபாசில், உதயநிதி ஸ்டாலின், ஆகியோர் இடம்பெற்றிருக்கும் போஸ்டர் வெளியாகி ரசிகர்களின் கவனத்தை ஈர்த்துள்ளது.

மாரி செல்வராஜின் 3ஆவது படம்

‘பரியேறும் பெருமாள்’, ‘கர்ணன்’ படங்களின் மூலம் தமிழ் சினிமாவின் கவனத்தைத் திருப்பி  முக்கிய இயக்குநர்களில் ஒருவராக உருவெடுத்த மாரி செல்வராஜ், அடுத்ததாக இயக்கியுள்ள திரைப்படம் ‘மாமன்னன்’. 

நடிகரும் அமைச்சருமான உதயநிதி ஸ்டாலின் இந்தப் படத்தில் ஹீரோவாக நடித்துள்ள நிலையில், ஏற்கெனவே இதுதான் சினிமாவில் தன் கடைசி படம் என அறிவித்துவிட்டார். ரெட் ஜெயண்ட் நிறுவனம் இந்தப் படத்தைத் தயாரிக்கும் நிலையில், கீர்த்தி சுரேஷ் கதாநாயகியாக நடித்துள்ளார்.

மேலும் இந்தப் படத்தில் முக்கியக் கதாபாத்திரங்களில் நடிகர்கள் ஃபஹத் பாசில், வடிவேலு ஆகியோர் நடித்துள்ளனர். ஏ.ஆர்.ரஹ்மான் இந்தப் படத்தில் முதன்முறையாக மாரி செல்வராஜ் உடன் கூட்டணி வைத்துள்ள நிலையில், தேனி ஈஸ்வர் ஒளிப்பதிவு செய்துள்ளார்.

நிறைவடைந்த படப்பிடிப்பு

சென்ற ஆண்டு மார்ச் மாதம் தொடங்கி சேலத்தின் சுற்றுவட்டாரப் பகுதிகள், சென்னை என படப்பிடிப்பு நடைபெற்று வந்த நிலையில், படப்பிடிப்பு முடிந்து தற்போது போஸ்ட் ப்ரொடக்‌ஷன் பணிகள் நடைபெற்று வருகின்றன.

இந்நிலையில்,  இப்படத்தின் அப்டேட்கள் இந்த வாரம் வரும் என முன்னதாக மாரி செல்வராஜ் தெரிவித்திருந்தார். அதன்படி படத்தின் ஃபர்ஸ்ட் லுக் போஸ்டர்கள் வெளியாகி இணையத்தில் வரவேற்பைப் பெற்று வருகின்றன.

புது போஸ்டர்

அந்த வரிசையில் தற்போது மற்றுமொரு போஸ்டர் வெளியாகியுள்ளது. நடிகர்கள் வடிவேலு, ஃபஹத் ஃபாசில், உதயநிதி ஸ்டாலின் மூவரும் கருப்பு உடை அணிந்து இந்தப் போஸ்டரில் இடம்பெற்றுள்ள நிலையில், சற்று முன் இந்தப் போஸ்டர் வெளியாகியுள்ளது.

 

#பிறப்பொக்கும்_எல்லா_உயிர்க்கும்#MAAMANNAN@mari_selvaraj @arrahman #Vadivelu @KeerthyOfficial #FahadhFaasil @thenieswar@editorselva @dhilipaction @kabilanchelliah@kalaignartv_off @MShenbagamoort3 @teamaimpr pic.twitter.com/6tcoXphnns

— Udhay (@Udhaystalin) May 1, 2023

இதேபோல், கையில் துப்பாக்கியுடன் வெள்ளை வேட்டி  சட்டையில் வடிவேலுவும், கையில் வாளுடன் உதயநிதி ஸ்டாலினும், பிறப்பொக்கும் எல்லா உயிர்க்கும் எனும் கேப்ஷன் உடனும் நேற்று ஒரு போஸ்டர் வெளியாகி வரவேற்பைப் பெற்றது. 

மாமன்னன் திரைப்படம் வரும் ஜூன் 29ஆம் தேதி வெளியாகலாம் எனக்கூறப்படும் நிலையில் இதுகுறித்த அதிகாரப்பூர்வ அறிவிப்பு எதுவும் வெளியாகவில்லை.

முன்னதாக மாமன்னன் படம் பற்றி செய்தியாளர் சந்திப்பில் பேசிய இயக்குநர் மாரி செல்வராஜ், இசையமைப்பாளர் ஏ.ஆர்.ரஹ்மான் தன்னுடைய படத்தை, அரசியலைப் புரிந்து கொண்டு அதற்கு ஆதரவாக பேசுவதாகவும் பயணிப்பதாகவும் மகிழ்ச்சி தெரிவித்திருந்தார். மேலும் நடிகர் வடிவேலுவை வேறு ஒரு தளத்தில் காண்பிக்க முயற்சித்துள்ளதாகவும், தமிழ் ரசிகர்களுக்கு இது சர்ப்ரைஸாக இருக்கும் என்றும் தெரிவித்திருந்தது குறிப்பிடத்தக்கது.