Anurag Kashyap : ’உங்களுக்கு எப்போ பீரியட்ஸ்’ என கேட்ட அனுராக் காஷ்யப்... ஷாக் கொடுத்த லஸ்ட் ஸ்டோரிஸ் 2 நடிகை

'சேக்ரட் கேம்ஸ் 2' படத்தில் அனுராக் காஷ்யப்புடன் நெருக்கமான காட்சியில் நடித்தது குறித்து விவரித்தார் லஸ்ட் ஸ்டோரிஸ் நடிகை அம்ருதா சுபாஷ்.

அனுராக் காஷ்யப் பற்றி அம்ருதா சுபாஷ்

சமீபத்தில் வெளியான 'லஸ்ட் ஸ்டோரிஸ் 2' மற்றும் கொன்கோனா சென் ஷர்மாவின் "தி மிரர்" படத்தில் நடித்ததன் மூலம் பிரபலமானவர் நடிகை அம்ருதா சுபாஷ். தற்போது இவர் 'சேக்ரட் கேம்ஸ் 2' இடத்தில் பிரபலமான பாலிவுட் திரைப்பட தயாரிப்பாளர் அனுராக் காஷ்யப்புடன் இணைந்து நடிக்கிறார். அனுராக் காஷ்யப்பின் 'சேக்ரட் கேம்ஸ் 2' சிறந்த இணைய நிகழ்ச்சிகளில் ஒன்றாக பாராட்டப்பட்டு வருகிறது. சினிமாவின் மாவீரன் என கருதப்படும் அனுராக் காஷ்யப் தனது நடிகர்களிடம் இருந்து சிறந்த நடிப்பை வெளிக்கொண்டு வருவதில் திறமையானவர். அந்த வகையில் அனுராக் காஷ்யப்புடன் தனது செக்ஸ் காட்சியில் நடித்தது குறித்த தனது அனுபவத்தை சமீபத்தில் நடைபெற்ற நேர்காணல் ஒன்றில் விவரித்தார் அம்ருதா சுபாஷ். 

 

'சேக்ரட் கேம்ஸ் 2' படத்தில் நெருக்கமான காட்சியில் அனுராக் காஷ்யப்புடன் நடிப்பதற்கு முன்னர், அவர் தனது குழு மூலம்  என்னுடைய பீரியட் டேட்களை பற்றி கேட்டறிந்தார். மேலும் அந்த தேதிகளில் உங்களால் நெருக்கமான காட்சிகளில் நடிக்க முடியுமா என்பதையும் கேட்டறிந்து கொண்டார். அது போன்ற காட்சியை படமாக்குவதற்கு வசதியாக இருக்க வேண்டும் என்பதால் இந்த தேதி குறித்து அவர் கேட்டுள்ளார். 

ஒரு பெண்ணாக அல்லது ஆணாக இருப்பது என்பது விவாதத்திற்கு அப்பாற்பட்டது என்றாலும் அவர் நன்கு புரிந்து கொண்டு அக்கறையுடன் தான் தனது குழு மூலம் இந்த கேட்டறிந்து பாலியல் காட்சிகளை திட்டமிட்டுள்ளார். இப்படத்தில் உளவுத்துறை உளவாளியாக நவாசுதீன் சித்திக் நடித்த கணேஷ் கைடோண்டேவை மாற்றிய ரா ஏஜெண்டாக நடித்திருந்தார் அம்ருதா சுபாஷ். மேலும் அவர் நடிப்பில் 'தி மிரர்' படத்திலும் சிறப்பான நடிப்பை வெளிப்படுத்தியதற்காக பாராட்டுகளை பெற்றார். 

மேலும் அம்ருதா கூறுகையில் "தி மிரர் படத்தில் நடித்தது பாராட்டப்பட்டாலும் கதையில் நடித்த போது தனது கதாபாத்திரத்தை புரிந்து கொள்ள முடியாமல் போனது. சில நேரங்களில் முழுமையாக புரியாமல் போவதும் ஒரு வகையில் நல்லது தான் என குறிப்பிட்டுள்ளார்.  

பாலிவுட் திரையுலகில் மிகவும் பிரபலமான மற்றும் பல வெற்றி படங்களை கொடுத்தவர் தயாரிப்பாளர் அனுராக் காஷ்யப். இவர் தமிழ் சினிமா ரசிகர்கள் மத்தியிலும் மிகவும் பிரபலமானவர். நயன்தாரா, விஜய் சேதுபதி, அதர்வா முரளி நடிப்பில் வெளியான 'இமைக்கா நொடிகள்' படத்தில் வில்லனாக நடித்ததன் மூலம் தமிழ் ரசிகர்களின் கவனத்தை ஈர்த்தார். மேலும் தற்போது லோகேஷ் கனகராஜ் இயக்கத்தில் விஜய் நடிக்கும் 'லியோ' படத்திலும் அனுராக் காஷ்யப் இணைந்துள்ளதாக தகவல் வெளியானது.