LEO Success Meet LIVE: லியோ படத்தின் வெற்றி விழா.. குட்டிக்கதை சொல்லி ரசிகர்களை கட்டிப்போட்ட விஜய்..!
LEO Success Meet LIVE Updates: நடிகர் விஜய் நடித்த “லியோ” படத்தின் வெற்றி விழா நடைபெறும் நிலையில், அதுகுறித்த அப்டேட்களை உடனுக்குடன் தெரிந்துகொள்ள ஏபிபி நாடு பக்கத்தில் இணைந்திருங்கள்.
LIVE
Background
நடிகர் விஜய் நடித்துள்ள “லியோ” படத்தின் வெற்றி விழா (LEO Success Meet) சென்னை நேரு உள்விளையாட்டரங்கில் நடைபெறும் நிலையில், அதுகுறித்த புகைப்படங்கள், வீடியோக்கள் இணையத்தில் வைரலாகியுள்ளது.
LEO Success Meet LIVE
கடந்த அக்.19ஆம் தேதி வெளியான லியோ திரைப்படம் கலவையான விமர்சனங்களைப் பெற்றாலும் 12 நாள்களைக் கடந்து நல்ல வசூலை ஈட்டி வருகிறது.
லோகேஷ் கனகராஜ் இயக்கத்தில் இரண்டாம் முறை விஜய் இணைந்த நிலையில், த்ரிஷா, சஞ்சய் தத், அர்ஜூன், மன்சூர் அலிகான், கௌதம் மேனன், மிஸ்கின், சாண்டி, பிரியா ஆனந்த், மடோனா செபஸ்டியன், ஜனனி, மேத்யூ தாமஸ் எனப் பெரும் நட்சத்திரப் பட்டாளமே நடித்திருந்தனர். அனிருத் இப்படத்துக்கு இசையமைத்த நிலையில், பாடல்களும் பின்னணி இசையும் நல்ல வரவேற்பைப் பெற்றன.
இந்நிலையில், நேற்று காலை லியோ படம் 12 நாள்களில் வசூலித்த தொகை பற்றிய அதிகாரப்பூர்வ அறிவிப்பு வெளியானது. அதன்படி லியோ படம் இதுவரை ரூ.540 கோடிகளுக்கும் மேல் வசூலித்துள்ளதாக படக்குழு அதிகாரப்பூர்வமாக அறிவித்துள்ளது.
இதனிடையே பட வெளியீட்டுக்கு முன் லியோ இசை வெளியீட்டு விழாவுக்கான பணிகள் மேற்கொள்ளப்பட்டு பின் யாரும் எதிர்பார்த்திரா வகையில் ரத்தானது. நேரு உள்விளையாட்டு அரங்கில் நடைபெறுவதாக இருந்த விழா ரத்தான நிலையில், நடிகர் விஜய்யின் வழக்கமான குட்டி ஸ்டோரி, அவரது மாஸான வருகை என அனைத்தும் இல்லாமல் போனது விஜய் ரசிகர்களை கடும் அதிருப்தியில் ஆழ்த்தியது.
இந்நிலையில் தற்போது படம் வெளியாகி நல்ல வசூலைக் குவித்துள்ளதால் வெற்றி விழா(LEO Success Meet) நடைபெறும் என கோலிவுட் வட்டாரங்களில் கடந்த சில நாள்களாக தகவல்கள் வெளியாகி வந்தன.
அதன்படி, செவன் ஸ்க்ரீன் ஸ்டுடியோஸ் நிறுவனம், வெற்றி விழா நடத்த திட்டமிட்டுள்ளதாகவும், இதற்காக தமிழ்நாடு காவல்துறையிடம் அனுமதி கேட்டதாகவும் சமீபத்தில் லோகேஷ் கனகராஜ் தெரிவித்தார். தொடர்ந்து, லியோ படத்தின் வெற்றிவிழாவுக்கு காவல் துறை பல்வேறு நிபந்தனைகளுடன் அனுமதி வழங்கியது.
இதனிடையே வெங்கட் பிரபுவுடன் விஜய் கைகோர்த்துள்ள தளபதி 68 படத்துக்காக மொத்த படக்குழுவும் பாங்காங் சென்றுள்ளதாகவும், இதனால் விஜய் இந்த நிகழ்வில் பங்கேற்பது சந்தேகம்தான் என்றெல்லாம் தகவல்கள் வெளியாகி வந்தன.
இந்நிலையில் இந்த வதந்திகளுக்கு முற்றுப்புள்ளி வைக்கும் வகையில் 7 ஸ்க்ரீன் நிறுவனம் நேற்று மாலை பதிவிட்டது. அதன்படி, “தளபதியோட குட்டி ஸ்டோரி இல்லாம எப்டி நண்பா? லியோ சாரி, பார்த்திபனோட மொத்த குடும்பம், படக்குழு உங்களுக்காக வராங்க.. லியோவின் கர்ஜனை.. ப்ளடி ஸ்வீட் வெற்றி. இந்த வாட்டி மிஸ் ஆகாது” எனப் பதிவிட்டுள்ளது.
லியோ தயாரிப்பு நிறுவனம் இந்தப் பதிவுடன் வீடியோ ஒன்றையும் பகிர்ந்துள்ள நிலையில் இணையத்தில் இந்தப் பதிவு லைக்ஸ் அள்ளி வருகிறது.
LEO Success Meet LIVE: நமக்கு பெரிய வேல இருக்கு நண்பா...ரசிகர்களுக்கு விஜய் மெசேஜ்....
இறுதியாக ரசிகர்களிடம் நடிகர் விஜய் வைத்துள்ள வேண்டுகோளுடன் நிகழ்ச்சி முடிவடைந்துள்ளது. “ சமீப காலங்களில் இணையதளத்தில் அதிகம் கோபத்தை வெளிப்படுத்துகிறீர்கள்...அது எல்லாம் நமக்கு வேண்டாம் நண்பா. நமக்கு பெரிய வேலைகள் இருக்கு....” . இதன் மூலம் பல போராட்டங்களுக்குப் பிறகு விஜய் ரசிகர்கள் இன்று நிம்மதியாக உறங்கலாம்.
LEO Success Meet LIVE: எது முடியாதோ அத முயற்சி செய்வதுதான் வெற்றி....இதுதான் தளபதியின் குட்டி ஸ்டோரி
இதுதான் தளபதி விஜயின் குட்டி ஸ்டோரி ‘ இரண்டு வேட்டைக்கார்கள் காட்டிற்கு செல்கிறார்கள். ஒரு வேட்டைக்காரர் வில் அம்பையும் இன்னொரு வேட்டைக்காரர் ஈட்டு எடுத்துக் கொண்டும் போகிறார்கள். வில் அம்பு எடுத்துச் செல்பவர் முயலை வேட்டையாடுகிறார். ஈட்டியை எடுத்துச் செல்பவர் யானை வேட்டையாட முயற்சி செய்து தோற்றுப் வெறுங்கையோடு திரும்புகிறார். இந்த இரண்டு நபர்களில் யார் வெற்றிபெற்றது என்று கேட்டால் யானையை வேட்டையாட முயற்சி செய்தவர் தான் வெற்றி பெற்றார். எப்போதும் நமக்கு எளிமையாக முடியும் ஒன்றை செய்வதைவிட நமக்கு கடினமான ஒன்றை முயற்சி செய்வதே வெற்றி” என்று தனது குட்டி ஸ்டோரியில் பெரிய கருத்தை பேசி இருக்கிறார் விஜய்
Exclusive: Thalapathy Kutty Story 🤩🔥#LeoSuccessMeet pic.twitter.com/RXav1r3dJC
— Vijay Social Teamⱽˢᵀ (@TST_Offcl) November 1, 2023
LEO Success Meet LIVE: டெளவ் டொ டொ டெளவ்....மேடையில் நான் ரெடிதான் பாடலை பாடி நடனமாடிய விஜய்
மேடையில் பேசிய விஜய் முன்னதாக நான் ரெடிதான் பாடலை பாடி ரசிகர்களை உற்சாகப் படுத்தி இருக்கிறார்.
Naa Ready taan Varava 🥳🔥#LeoSuccessMeet pic.twitter.com/s0BGMh35jd
— Vijay Social Teamⱽˢᵀ (@TST_Offcl) November 1, 2023
LEO Success Meet LIVE: மக்கள் தான் மன்னர்கள் நான் தளபதி...பிரச்சனையை சிம்பிளாக முடித்துவிட்டாரே விஜய்
” புரட்சித் தலைவர்னா ஒருத்தர் தான். நடிகர் திலகம்னா ஒருத்தர் தான். சூப்பர்ஸ்டார்னா ஒருத்தர் தான். உலகநாயகன் ஒருத்தர் தான். மக்கள் தான் மன்னர்கள் நான் தளபதி. நீங்கள் ஆணையிடுங்கள் நான் செய்யுறேன் .” விஜய்
LEO Success Meet LIVE: இன்னும் ஹாலிவுட் மட்டும் தாம் மிச்சம்...லோகேஷ் கனகராஜ் குறித்து நடிகர் விஜய்...
இயக்குநர் லோகேஷ் கனகராஜ் குறித்து பேசிய விஜய் “ லோகேஷ் கனகராஜ் மாநகரம் படத்த திரும்பி பார்க்க வெச்சாரு. கைதி படத்த திரும்பி திரும்பி பார்க்க வெச்சாரு...மாஸ்டர் விக்ரம் படத்த மொத்த இந்தியாவையும் பார்க்க வெச்சாரு. இப்பொ லியோல இன்னும் ஹாலிவுட் மட்டும் தான் மிச்சம் இருக்கு...” என்று விஜய் பேசியுள்ளார்
தலைப்பு செய்திகள்
ட்ரெண்டிங் செய்திகள்
