Legend Saravanan in Leo: விஜய்யின் லியோ படத்தில் லெஜண்ட் சரவணனா? காஷ்மீரில் முகாமிட்டுள்ள அண்ணாச்சி..!

காஷ்மீரில் இருந்து லெஜண்ட் சரவணன் வெளியிட்டு வரும் டிவிட்டர் பதிவுகளால், அவர் விஜயின் லியோ படத்தில் நடித்து வருவதாக கூறப்படுகிறது.

விஜய் - லெஜண்ட் சரவணன்

காஷ்மீரில் இருந்து லெஜண்ட் சரவணன் அடுத்தடுத்து வெளியிட்டு வரும் ட்விட்டர் பதிவுகளால், அவர் விஜயின் லியோ படத்தில் நடித்து வருகிறாரா? என்ற சந்தேகம் ரசிகர்களுக்கு எழுந்துள்ளது. 

காஷ்மீரில் லியோ திரைப்பட படப்பிடிப்பு:

நடிகர் விஜய் நடிப்பில் மிகுந்த எதிர்பார்ப்புகளுக்கு மத்தியில் இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் தளபதி 67. லியோ என்று பெயரிடப்பட்டுள்ள இதன் படப்பிடிப்பு பணிகள் காஷ்மீரில் தீவிரமாக நடைபெற்று வருகிறது. இந்நிலையில் தொழிலதிபரும், திரைப்பட நடிகருமான லெஜண்ட் சரவணன் காஷ்மீர் சென்றுள்ளார். அதோடு அங்கிருந்து அவர் அடுத்தடுத்து பல்வேறு ட்வீட்களையும் வெளியிட்டு வருகிறார்.

”லியோ” படத்தில் லெஜண்ட் சரவணன்?

லியோ படத்தின் படப்பிடிப்பு நடைபெறும் காஷ்மீர் பகுதிக்கு லெஜண்ட் சரவணன் சென்று இருப்பதால், அந்த படத்தில் இவரும் நடிக்கிறார் என சில தகவல் வெளியானது. சமூக வலைதளங்களிலும் இந்த தகவல் வைரலானது. அதற்கேற்றார் போல ”லெஜண்ட் இன் காஷ்மீர்” என அண்மையில் டிவிட்டர் பக்கத்தில் சரவணன் பதிவிட்டு இருந்தார்.

விரைவில் அப்டேட்:

அதைதொடர்ந்து தற்போது, ”காத்திருப்பு நெருங்குகிறது.. சுவாரசியமான அறிவிப்புகள் சில தினங்களில்” எனவும் சரவணன் குறிப்பிட்டுள்ளார். இந்த பதிவை தற்போது பலரும் சமூக வலைதளங்களில் பகிர்ந்து, லெஜண்ட் சரவணன் லியோ படத்தில் நடித்து வருவதாகவும், அதுதொடர்பான அறிவிப்பு தான் விரைவில் வெளியாக உள்ளது என தெரிவித்து வருகின்றனர்.

ஒருவேளை லியோ படத்தில் அவர் நடித்தால் என்ன மாதிரியான கதாபாத்திரம் அவருக்கு வழங்கப்படலாம் எனவும் ரசிகர்கள் விவாதம் செய்து வருகின்றனர். இந்த திரைப்படத்தில் 3-க்கும் அதிகமான வில்லன்கள் இடம்பெறுவதாக கூறப்படும் நிலையில், சரவணனும் வில்லனாக நடிப்பரோ எனவும் சிலர் சந்தேகங்களை கிளப்பி வருகின்றனர்.

லியோ திரைப்படம்:

கடந்த 2021 ஆம் ஆண்டு வெளியான மாஸ்டர் படத்திற்கு பிறகு நடிகர் விஜய் - இயக்குநர் லோகேஷ் கனகராஜ் - தயாரிப்பாளர் லலித் குமார் மீண்டும் 2வது முறையாக கூட்டணி சேர்ந்துள்ளனர். இந்த படத்திற்கு ‘லியோ’ என பெயரிடப்பட்டுள்ளது. 

அனிருத் இசையமைக்கும் இப்படத்தில் திரிஷா நாயகியாக நடிக்க பிரபல பாலிவுட் நடிகர் சஞ்சய் தத், நடிகை பிரியா ஆனந்த், நடிகர் மன்சூர் அலிகான், மலையாள இளம் நடிகர் மேத்யூ தாமஸ், டான்ஸ் மாஸ்டர் சாண்டி, நடிகர் அர்ஜூன், இயக்குநர் மிஷ்கின் மற்றும் இயக்குநர் கௌதம் மேனன் ஆகியோர் இப்படத்தில் நடிக்கின்றனர்.  

ஒளிப்பதிவாளராக மனோஜ் பரமஹம்சா, சண்டைப் பயிற்சியாளராக அன்பறிவ், எடிட்டிங் ஃபிலோமின் ராஜ், கலை இயக்குநராக சதீஷ் குமார், நடன இயக்குநராக தினேஷ் மாஸ்டர், வசனங்களை லோகேஷ் கனகராஜ், ரத்னகுமார், தீரஜ் வைத்தி  ஆகியோர் பணியாற்றுகின்றனர். முன்னதாக கடந்த பிப்ரவரி 3 ஆம் தேதி லியோ படத்தின் டைட்டில் வீடியோ வெளியானது. இது படத்தில் மிரட்டலான ஆக்‌ஷன் காட்சிகள் இடம் பெறவுள்ளதை காட்டும் வண்ணம் இருந்தது. இதைதொடர்ந்து இந்த திரைப்படம், வரும் அக்டோபர் மாதம் 19ம் தேதி வெளியாக உள்ளது.