![metaverse](https://cdn.abplive.com/imagebank/metaverse-top.png)
Lal Salaam Shooting: “இன்னைக்கு ஷூட்டிங் தொடங்குறோம்” ... மாஸ் அப்டேட் விட்ட லால் சலாம் படக்குழு..!
இயக்குநர் ஐஸ்வர்யா ரஜினிகாந்த் கைவண்ணத்தில் உருவாகும் என அறிவிக்கப்பட்டுள்ள “லால் சலாம்” படத்தின் படப்பிடிப்பு இன்று முதல் தொடங்கியுள்ளதாக அறிவிக்கப்பட்டுள்ளது.
![Lal Salaam Shooting: “இன்னைக்கு ஷூட்டிங் தொடங்குறோம்” ... மாஸ் அப்டேட் விட்ட லால் சலாம் படக்குழு..! Lal Salaam Shoot starts today Superstar Rajinikanth Aishwarya Vishnu Vishal Vikranth Lal Salaam Shooting begins Lal Salaam Shooting: “இன்னைக்கு ஷூட்டிங் தொடங்குறோம்” ... மாஸ் அப்டேட் விட்ட லால் சலாம் படக்குழு..!](https://feeds.abplive.com/onecms/images/uploaded-images/2023/03/07/2e3ec98f623a1cf9192e5720a2af7d901678176875776572_original.jpg?impolicy=abp_cdn&imwidth=1200&height=675)
இயக்குநர் ஐஸ்வர்யா ரஜினிகாந்த் கைவண்ணத்தில் உருவாகும் என அறிவிக்கப்பட்டுள்ள “லால் சலாம்” படத்தின் படப்பிடிப்பு இன்று முதல் தொடங்கியுள்ளதாக அறிவிக்கப்பட்டுள்ளது.
2012 ஆம் ஆண்டு தனுஷ் நடித்த 3 படத்தின் மூலம் நடிகர் ரஜினிகாந்தின் மூத்த மகள் ஐஸ்வர்யா ரஜினிகாந்த் இயக்குநராக அறிமுகமானார். இந்த படம் ரசிகர்களிடையே மிகப்பெரிய வரவேற்பை பெற்றது. தொடர்ந்து 2015 ஆம் ஆண்டு கௌதம் கார்த்திக் நடிப்பில் வெளியான வை ராஜா வை படத்தை இயக்கியிருந்தார். அடுத்ததாக நீண்ட இடைவெளிக்குப் பின் 'ஓ சாத்தி சால்' எனும் ஹிந்தி திரைப்படம் மூலம் பாலிவுட்டில் இயக்குனராக அறிமுகமாவதாகவும் அறிவித்தார்.
இதற்கிடையில் தமிழில் ஐஸ்வர்யா ரஜினிகாந்தின் 3வது படம் இயக்குவது குறித்த அறிவிப்பு வெளியானது. லைகா புரொடக்ஷன்ஸ் தயாரிக்கும் இந்த படத்தில் விஷ்ணு விஷால் மற்றும் விக்ராந்த் இருவரும் இணைந்து ஹீரோவாக நடிக்கின்றனர். அதேசமயம் யாரும் எதிர்பாராதவிதமாக சூப்பர்ஸ்டார் ரஜினிகாந்த் சிறப்பு தோற்றத்தில் நடிக்க உள்ளார்.மேலும் லால் சலாம் படத்திற்கு ஏ.ஆர்.ரஹ்மான் இசையமைக்கும் நிலையில், விஷ்ணு ரங்கசாமி ஒளிப்பதிவாளராகவும், கலை இயக்குனராக ராமு தங்கராஜ் மற்றும் படத்தொகுப்பாளராக பிரவீன் பாஸ்கரும் பணியாற்றுகின்றனர்.
ஸ்போர்ட்ஸ் டிராமாவை மையமாக வைத்து இப்படத்தின் கதை உருவாக்கப்பட்டுள்ளது. மேலும் இந்த படத்தின் மூலம் 33 வருடங்களுக்குப் பிறகு நடிகை ஜீவிதாவும் இணையவுள்ளதாக கூறப்படுகிறது. இந்நிலையில் லால் சலாம் படத்தின் படப்பிடிப்பு இன்று தொடங்கியுள்ளதாக புதிய போஸ்டர் ஒன்றை படக்குழு வெளியிட்டுள்ளது. மேலும் ரசிகர்களுக்கு ஹோலி வாழ்த்துக்களும் தெரிவிக்கப்பட்டுள்ளது. லால் சலாம் படத்தின் முதற்கட்ட படப்பிடிப்பு திருவண்ணாமலையில் நடைபெறவுள்ளதாகவும்ம், இங்கு ரஜினி மற்றும் ஜீவிதா சம்பந்தப்பட்ட காட்சிகள் எடுக்கப்படவுள்ளதாகவும் தகவல்கள் வெளியாகியுள்ளது.
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)