RockyBhai Yash | மும்பை ஏர்போர்ட்டில் ஸ்டைலாக எண்ட்ரி கொடுத்த ‘ராக்கிபாய்’ யஷ்.. என்ன சொன்னார் தெரியுமா?

மும்பை விமான நிலையத்திற்கு ஸ்டைலாக வந்த கே.ஜி.எப் ஹீரோ யஷ் ரசிகர்களுடன் போட்டோக்கள் எடுத்துக்கொண்டார்.

யஷ்.

கன்னட சூப்பர் ஸ்டார் யாஷ், தனக்கென மிகப்பெரிய ரசிகர்கள் கூட்டத்தை கொண்டவர். குறிப்பாக இவரது நடிப்பில் இயக்குனர் பிரசாத் நீல் இயக்கிய, கே.ஜி.எஃப் முதல் பாகம், கன்னட திரையுலக ரசிகர்கள் மட்டும் இன்றி, தென்னிந்திய திரையுலக ரசிகர்கள் அனைவரையுமே கவர்ந்த ஒரு படைப்பாக இருந்தது.`கே.ஜி.எஃப்’ படம் கன்னட மொழியில் மட்டுமல்லாமல் தமிழ், தெலுங்கு, ஹிந்தி ஆகிய மொழிகளிலும் ஹிட் அடித்தது.

ட்ரெண்ட்செட்டரான கன்னட சூப்பர் ஸ்டார் யாஷ் எல்லாவற்றையும் எளிமையாகவும் ஸ்டைலாகவும் வைத்திருக்க விரும்புவார். அவர் இன்று மும்பை விமான நிலையத்திற்கு வந்திருந்தார். அவர் கருப்பு நிற டெனிம் ஜீன்ஸ் மற்றும் டோல்ஸ் & கபானா சன்கிளாஸுடன், பச்சை நிற டீ ஷர்ட் அணிந்திருந்தார். ஜீன்ஸ் மற்றும் சன்க்ளாஸ் விலை மட்டுமே சுமாராக இருபத்தைந்தாயிரத்திற்கு மேல் இருக்கும் என்று கூறப்படுகிறது. கே.ஜி.எஃப் திரைப்படத்திற்காக அவர் பெரிய தாடி வைத்து பின்னால் முடியை முடிந்து போனிடெயில் வைத்திருப்பது தற்போதைய ட்ரெண்ட் ஆகியுள்ளது. சில வருடங்களாகவே ராக்கி பாய் லுக்கை மெய்ன்டெயின் செய்து வருகிறார் யஷ். அதுவே அவருடைய அடையாளமாகவும் மாறிப்போய்விட்டது. விமான நிலையத்தில் ரசிகர்கள் கண்டுவிட்டதால், காரில் ஏறும் முன்பு ரசிகர்களுடன் செல்ஃபி எடுத்துக்கொண்டார். ரசிகர்களுக்கு Hi, Hello சொல்லி அவர்களுடன் கூல் செஃல்பியும் எடுத்துக்கொண்டார்

யஷின் ரசிகர்கள் கே.ஜி.எஃப்: அத்தியாயம் 2 ற்காக ஆவலுடன் காத்திருக்கிறார்கள். பிரசாந்த் நீல் இயக்கிய பேன் இந்தியா திரைப்படமான கே.ஜி.எப் இரண்டாம் பாகம் படத்தின் படப்பிடிப்பு முடிந்துவிட்டதாக கூறப்படும் நிலையில், போஸ்ட் புரொடக்ஷன் வேலைகளை நிறைய கால அவகாசம் எடுத்துக்கொண்டு முடித்து 14 ஏப்ரல் 2022 அன்று திரையரங்குகளில் வெளியிட திட்டமிடப்பட்டுள்ளது. கே.ஜி.எஃப் இரண்டாம் பாகத்தில் யஷ் மற்றும் இயக்குனர் பிரசாந்த் நீல் உறுதியளித்தபடி, பிரம்மாண்டமாகவும் சிறப்பாகவும் இருக்கும் என்று தெரிகிறது. கன்னடத்தில் எடுக்கப்பட்டு பெரிய பட்ஜெட்டில் தயாராகும் இப்படம் தெலுங்கு, ஹிந்தி, தமிழ் மற்றும் மலையாள மொழிகளிலும் டப் செய்து வெளியிடப்படுகிறது. கே.ஜி.எஃப்: அத்தியாயம் 1 ல்  நடித்த ஸ்ரீநிதி ஷெட்டி கதாநாயகியாக மீண்டும் நடிக்கிறார், அவர்களுடன் சஞ்சய் தத், ரவீனா டாண்டன் மற்றும் பிரகாஷ் ராஜ் ஆகியோர் புதிய நடிகர்களாக திரைப்படத்தில் இணைந்துள்ளார்கள். தொடர்ந்து அடுத்தடுத்த படங்களில் பிசியாக நடிக்க தயாராகி கொண்டிருக்கும் யஷ், சமீபத்தில்தான் பிரமாண்டமாக வீடு ஒன்றை கட்டி கிரஹப்பிரவேசம் செய்து குடியேறியுள்ளார் என்பது குறிப்பிடத்தக்கது.