Bala Arrest : சிறுத்தை சிவா தம்பி பாலா கைது..முன்னாள் மனைவி மற்றும் மகளை டார்ச்சர் செய்ததாக புகார்

Actor Bala Arrest : இயக்குநர் சிறுத்தை சிவாவின் சகோதரரான நடிகர் பாலா இன்று கேரளா எர்ணாகுளத்தில் வைத்து கேரள போலீஸால் கைது செய்யப்பட்டுள்ளார்.

நடிகர் பாலா கைது

Source : Twitter

பாலா

2003 ஆம் ஆண்டு தமிழில் வெளியான அன்பு படத்தின் மூலம் அறிமுகமானவர் நடிகர் பாலா . இவர் இயக்குநர் சிறுத்தை சிவாவின் இளைய சகோதரனாவார். காதல் கிசு கிசு , கலிங்கா , அண்ணாத்த , வீரம் உள்ளிட்ட படங்களில் நடித்துள்ளார். தமிழ் மட்டுமில்லாமல் மலையாளத்திலும் பல படங்களில் நடித்துள்ளார். பாலா கடந்த 2019 ஆம் ஆண்டு அம்ருதா என்பவரை திருமணம் செய்துகொண்டார். இவர்கள் இருவருக்கும் பெண் குழந்தை இருக்கிறார். கருத்து வேறுபாடு காரணமாக அம்ருதாவிடம் இருந்து விவாகரத்து பெற்ற பாலா 2021 ஆம் ஆண்டு எலிசபெத் என்பரை இரண்டாம் திருமணம் செய்துகொண்டார். 

முன்னாள் மனைவி அளித்த புகார்

இரண்டாவது திருமணம் செய்துகொண்ட போதும் தனது முன்னாள் மனைவியோடு பாலாவுக்கு கருத்து வேறுபாடு இருந்து வந்துள்ளது. இந்நிலையில் பாலாவின் முன்னாள் மனைவி அம்ருதா பாலா மீது காவல்துறையில் புகாரளித்தார். தன்னையும் தனது மகளையும் பின்தொடர்ந்து தொந்தரவு செய்ததாக இந்த புகாரில் அவர் தெரிவித்திருந்தார். இந்த புகாரின் அடிப்படையில் இன்று அக்டோபர் 14 ஆம் தேதி பாலாவை எர்ணாகுளத்தில் அவரது வீட்டில் வைத்து கேரள காவல் துறை கைது செய்தது. கடவந்தரா காவல் நிலையத்தில் வைத்து விசாரித்து வரும் காவல்துறையினர் இன்று மாலை அவரை நிதிமன்றத்தில் ஆஜர்படுத்த இருப்பதாக தெரிவித்துள்ளார்கள்.

கண்ணீருடன் மகள் வெளியிட்ட வீடியோ 

#WATCH | Kochi, Kerala: Malayalam actor Bala, arrested by the police on the complaint of his ex-wife Amrutha Suresh alleging that he insulted her through social media and violated divorce conditions, being taken from Ernakulam General Hospital after his medical examination. pic.twitter.com/uYXKJeQsth

— ANI (@ANI) October 14, 2024

பாலா மற்றும் அம்ருதாவின் மகளான அவந்திகா கடந்த சில நாட்கள் முன்பு வீடியோ வெளியிட்டிருந்தார். இந்த வீடியோவில் அவர் “ என் அம்மா என் மீது அளவுகடந்த பாசம் வைத்திருப்பதாக பல பேட்டிகளில் தெரிவித்திருக்கிறார். ஆனால் அது உண்மை இல்லை. என்னையும் என் குடும்பத்தையும் அவர் டார்ச்சர் செய்திருக்கிறார். குடித்துவிட்டு என் அம்மாவை அடித்து கொடுமை படுத்தி இருக்கிறார். இன்றும் என்னால் அந்த வலியை உணர முடிகிறது. தயவு செய்து என் வாழ்க்கையில் குறுக்கிடாதீர்கள் “ என்று கூறியிருந்தார். இந்த வீடியோ வெளியானதைத் தொடர்ந்து நடிகர் பாலா கண்ணீருடன் பதில் வீடியோ ஒன்றையும் வெளியிட்டிருந்தார்.