KH234 Update: கமல் படத்தின் இணையும் பொன்னியின் செல்வன் நடிகர்கள்.... தெறிக்கவிடும் மணிரத்னம் பட அப்டேட்..!

மணிரத்னம் இயக்கத்தில் கமல்ஹாசன் நடிக்கும் KH234 படத்தில் துல்கர் சல்மான் மற்றும் த்ரிஷா நடிக்க இருக்கும் தகவல் வெளியாகி இருக்கிறது

KH234, கமல்ஹாசன், துல்கர் சல்மான், த்ரிஷா,ஜெயம் ரவி. (Image source: Twitter)

KH234

மணிரத்னம் இயக்க இருக்கும் KH234 படத்தின் டைட்டில் இன்று மாலை 5 மணியளவில் வெளியாக இருக்கிறது. நாயகன் படத்தைத் தொடர்ந்து 35 ஆண்டுகளுக்குப் பிறகு இந்தப் படத்தில் கமல்ஹாசனும் மணிரத்னமும் இணைய இருக்கிறார்கள் . ஏ.ஆர் ரஹ்மான் இந்தப் படத்திற்கு இசையமைக்கிறார். இந்நிலையில் இந்தப் படத்தில் கமலுடன் நடிகர் துல்கர் சல்மான் இணைய இருப்பதாக படக்குழு அறிவித்துள்ளது. மணிரத்னம் இயக்கத்தில் துல்கர் சல்மான் நடித்த ஓகே காதல் கண்மணி படத்தைத் தொடர்ந்து இந்தப் படத்தில் நடிக்கிறார் துல்கர் சல்மான் என்பது குறிப்பிடத்தக்கது. துல்கர் சல்மான் தவிர்த்து இந்தப் படத்தில் கமலுடன்  நடிகை த்ரிஷாவும் நடிக்க இருக்கிறார். ஆயுத எழுத்து , பொன்னியின் செல்வன் படத்தை மணிரத்னம் இயக்கத்தில் த்ரிஷா மூன்றாவது முறையாக நடித்துள்ளார். மேலும் கமலுடன் மன்மதன் அம்பு, தூங்காவனம் உள்ளிட்டப் படங்களில் த்ரிஷா நடித்துள்ளார்

 

Excited to collaborate with @dulQuer on this epic journey...#TitleAnnouncementToday5pm#Ulaganayagan #KamalHaasan #HBDUlaganayagan #HBDKamalSir@ikamalhaasan #ManiRatnam @arrahman #Mahendran @bagapath @MShenbagamoort3 @RKFI @MadrasTalkies_ @RedGiantMovies_ @turmericmediaTM… pic.twitter.com/A2mlRiXcy9

— Raaj Kamal Films International (@RKFI) November 6, 2023

With utmost delight, we greet and welcome the dazzling actor @trishtrashers in our exciting journey#TitleAnnouncementToday5pm #KH234 #Ulaganayagan #KamalHaasan #HBDKamalSir #HBDUlaganayagan@ikamalhaasan #ManiRatnam @arrahman #Mahendran @bagapath @dulQuer @MShenbagamoort3… pic.twitter.com/wMgDpcxPZ2

— Raaj Kamal Films International (@RKFI) November 6, 2023

ஜெயம் ரவி

இவர்களைத் தவிர்த்து இந்தப் படத்தில் நடிகர் ஜெயம் ரவி நடிக்கிறார். பொன்னியின் செல்வன் படத்தில் அருண்மொழி வர்மணாக நடித்த ஜெயர் ரவி இரண்டாவது முறையாக மணிரத்னம் இயக்கத்தில் நடிக்கிறார் என்பது குறிப்பிடத் தக்கது.

We're beyond excited to announce our collaboration with @actor_jayamravi on this awe-inspiring journey…#TitleAnnouncementToday5pm #KH234 #Ulaganayagan #KamalHaasan #HBDKamalSir #HBDUlaganayagan@ikamalhaasan #ManiRatnam @arrahman #Mahendran @bagapath @trishtrashers @dulQuer… pic.twitter.com/RcKV6POws4

— Raaj Kamal Films International (@RKFI) November 6, 2023

  நாயகன்

1987 ஆம் ஆண்டு மணிரத்னம் இயக்கி கமல் நடித்து வெளியான நாயகன் படம் கேங்ஸ்டர் திரைப்படம் ஒரு கிளாசிக் படமாக ரசிகர்களால் கருதப்படுகிறது. ஹாலிவுட்டில் வெளியான காட்ஃபாதர் படத்தை தழுவி எடுக்கப் பட்ட  நாயகன் திரைப்படம் தமிழ் ரசிகர்களுக்கு ஏற்ற வகையில் திரைக்கதை மாற்றி அமைக்கப் பட்டது. இளையராஜாவின் இசையில் வெளியானை படத்தின் அனைத்துப் பாடல்களும் மிகப்பெரிய ஹிட் அடித்தன. இதனைத் தொடர்ந்து பல ஆண்டுகளுக்கு கமல் மற்றும் மணிரத்னம் கூட்டணியை எதிர்பார்த்த ரசிகர்களின் காத்திருப்பு நிறைவடைந்திருக்கிறது. கிட்டதட்ட 35 ஆண்டுகளுக்குப் பிறகு உருவாக இருக்கும் இந்தப் படத்தின் கதை என்ன மாதிரியானதாக இருக்கும் என்று ரசிகர்கள் எதிர்பார்த்து வருகிறார்கள்.

கமல் பிறந்தநாளுக்கு வெளியாகும் அடுத்தடுத்த அப்டேட்கள்

இந்நிலையில் நாளை நவம்பர் 7 ஆம் தேதி தன்னுடைய 69 ஆவது பிறந்தநாளைக் கொண்டாட இருக்கிறார் கமல்ஹாசன். இந்த நாளைக் கொண்டாடும் வகையில் கமல் தற்போது  நடித்து வரும் படங்களில் அப்டேட்கள் அடுத்தடுத்து வெளியாக இருக்கின்றன. கமல் நடித்து ஷங்கர் இயக்கியிருக்கும் இந்தியன் 2 படத்தின் அறிமுக வீடியோ சமீபத்தில் வெளியானதைத் தொடர்ந்து தற்போது இன்று மணிரத்னம் இயக்கும் படத்தின் டைட்டில் வெளியாக இருக்கிறது. 

கல்கி 2898 ஏடி

நாக் அஸ்வின் இயக்கத்தில் பிரபாஸ், அமிதாப்பச்சன், தீபிகா படுகோன், திஷா பதானி, பசுபதி உள்ளிட்ட பலரும் நடிக்கும் படம் ‘கல்கி 2898 ஏடி’. மெகா பட்ஜெட்டில் பான் இந்தியா படமாக உருவாகும் இந்த படத்தில் கமல்ஹாசன் வில்லனாக நடிக்கிறார். சந்தோஷ் நாராயணன் இப்படத்துக்கு இசையமைக்கிறார். இந்த படத்தின் அப்டேட் அல்லது போஸ்டர் நாளை வெளியாகலாம் என எதிர்பார்க்கப்படுகிறது. 

கமல்ஹாசன் 233

தீரன் அதிகாரம் ஒன்று, சதுரங்க வேட்டை, வலிமை, துணிவு ஆகிய படங்களை இயக்கியுள்ள ஹெச்.வினோத் இயக்கத்தில் கமல்ஹாசன் படம் ஒன்றில் நடிக்கவுள்ளார். இப்படத்தின் அறிவிப்பு வெளியான நாளில் இருந்து எந்த அப்டேட்டும் வெளியாகவில்லை. இதனால் கமல் பிறந்தநாளன்று கண்டிப்பாக அப்டேட் வெளியாகலாம் என எதிர்பார்க்கப்படுகிறது.