Chennai Rain: சென்னையில் கொட்டப்போகும் கனமழை: நெருங்கி வரும் காற்றழுத்த தாழ்வு பகுதி

Chennai Rain Updates December 17,18,19: வங்கக் கடலில் நிலை கொண்டுள்ள காற்றழுத்த தாழ்வு பகுதி, சென்னையை நோக்கி நகர வாய்ப்புள்ளதாக தகவல்கள் தெரிவிக்கின்றன.

மழை மேக காட்சி ( மாதிரி படம் - செயற்கை நுண்ணறிவு முறை )

Source : AI

சென்னயில் 3 நாட்களுக்கு கனமழை பெய்ய வாய்ப்பு உள்ளதாக வானிலை மையம் தெரிவித்துள்ளது. இந்நிலையில், காற்றழுத்தம் , எங்கு உள்ளது, எப்படி நகரும், எந்த மாவட்டங்களில் கனமழை பெய்ய வாய்ப்பு உள்ளது என்பது குறித்து பார்ப்போம்.

காற்றழுத்த தாழ்வு பகுதி:

தென்மேற்கு வங்கக்கடல் பகுதிகளில் நிலவும் காற்றழுத்த தாழ்வு பகுதி, அடுத்த இரு தினங்களில், மேலும் வலுப்பெற்று, மேற்கு வடமேற்கு திசையில், தமிழக கடலோரப் பகுதிகளை நோக்கி நகரக் கூடும் என வானிலை மையம் கணித்துள்ளது.

அதாவது, காற்றழுத்த தாழ்வுப்பகுதியானது, சென்னை கடல் பகுதியை ஒட்டி வந்து, வடக்கு நோக்கி நகர கூடும் என வானிலை வட்டாரங்கள் தகவல் தெரிவிக்கின்றன. 

 

சென்னை வானிலை: அடுத்த 24 மணி நேரம்:

அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும், நகரில் ஒரு சில இடங்களில் இடி-மின்னலுடன் கூடிய மிதமான கனமழை பெய்யக்கூடும்.

அதிகபட்ச வெப்பநிலை 28 டிகிரி செல்சியஸை ஒட்டியும் குறைந்தபட்ச வெப்பநிலை 23-24 டிகிரி செல்சியஸை ஒட்டியும் இருக்கக்கூடும் என வானிலை மையம் சார்பில் தெரிவிக்கப்பட்டுள்ளது.

17:12:2024: இன்று மழை பெறும் மாவட்டங்கள்

வட கடலோர தமிழகத்தில் அநேக இடங்களிலும் இதர தமிழகத்தில் ஒரு சில இடங்களிலும் புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.

குறிப்பாக சென்னை செங்கல்பட்டு, திருவள்ளூர், காஞ்சிபுரம், விழுப்புரம் மற்றும் கடலூர் ஆகிய மாவட்டங்களில் ஓரிரு இடங்களில் மற்றும் புதுவையில் கனமழை பெய்ய வாய்ப்புள்ளதாக வானிலை மையம் தெரிவித்துள்ளது.

18:12:2024: நாளை மழை பெறும் மாவட்டங்கள்

வட கடலோர தமிழகத்தில் அநேக இடங்களில், இதர தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும், இடி மின்னலுடன் கூடிய லேசானது முதல் மிதமான மழை பெய்யக்கூடும்.

சென்னை, செங்கல்பட்டு, திருவள்ளூர், காஞ்சிபுரம் மாவட்டங்களில் ஓரிரு இடங்களில் கன முதல் மிக கனமழையும், விழுப்புரம் மற்றும் கடலூர் மாவட்டங்களில் ஓரிரு இடங்களில் மற்றும் புதுவையில் கனமழையும் பெய்ய வாய்ப்புள்ளது

19-12-2024: நாளை மறுநாள்

தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். 

சென்னை, செங்கல்பட்டு, திருவள்ளூர் மற்றும் காஞ்சிபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

காற்றழுத்தம் நிலை கொள்ளும் மாதிரி வரைபடம்:

20-12-2024:

தமிழகத்தில் ஒரு சில இடங்களிலும் புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.

21:12.2014 முதல் 23:14-2024:

வடை தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்