Indian 2: இந்தியன் 2 படத்தின் நீளம் குறைப்பு.. 20 நிமிடக் காட்சிகள் நீக்கம்? காரணம் இதுதானா?

இந்தியன் 2 படத்தின் நீளம் கொஞ்சம் குறைத்திருக்கலாம் என்று ரசிகர்கள் கருத்து தெரிவித்து வரும் நிலையில், படத்தின் நீளம் 20 நிமிடங்கள் குறைக்கப்பட்டிருப்பதாகத் தகவல்கள் வெளியாகியுள்ளன

இந்தியன் 2 , கமல்ஹாசன் , ஷங்கர்

Source : Other

இந்தியன் 2

உலக நாயகன் கமல்ஹாசன் நடித்து ஷங்கர் இயக்கியுள்ள இந்தியன் 2 படம் கடந்த ஜூலை 12 ஆம் தேதி உலகளவில் 3000 திரையரங்குகளில் வெளியாகியது. ரகுல் ப்ரீத் சிங், எஸ்.ஜே. சூர்யா, பாபி சிம்ஹா, விவேக், ஆர்த்தியாக பிரியா பவானி சங்கர், பிரம்மானந்தம், சமுத்திரக்கனி, காளிதாஸ் ஜெயராம், இன்ஸ்பெக்டராக நெடுமுடி வேணு, டெல்லி கணேஷ், மனோபாலா, ஜெகன், தம்பேஷ், குல்ஷன் குரோவர், ஜாகீர் உசேன், பியூஷ் மிஸ்ரா, பியூஷ் மிஸ்ரா மிஸ்ரா, ஜெயபிரகாஷ், ஜி. மாரிமுத்து, ஜார்ஜ் மேரியன், வினோத் சாகர், யோகராஜ் சிங், ரேணுகா, கல்யாணி நடராஜன், சி. ரங்கநாதன், பெனடிக்ட் காரெட், ரவி வெங்கட்ராமன், சேரன்ராஜ், மற்றும் டெமி-லீ டெபோ உள்ளிட்ட பல்வேறு நட்சத்திரங்கள் இப்படத்தில் நடித்துள்ளார்கள். அனிருத் இசையமைத்துள்ளார் . 

இந்தியன் 2 படத்தின் நீளம் குறைப்பு

இந்தியன் முதல் பாகத்தின் பிரமாண்ட வெற்றிக்குப் பிறகு இரண்டாம் பாகத்தில் மேல் பெரும் எதிர்பார்த்து இருந்து வந்தது. ஷங்கர் மற்றும் கமலின் கூட்டணியில் உருவாகி இருக்கும் இந்தியன் 2 திரைப்படம் ரசிகர்களிடம் கலவையான விமர்சனங்களைப் பெற்று வருகிறது. படத்தின் கதை சுவாரஸ்யாமானதாக இருப்பதாகவும் கமல், சித்தார்த் மற்றும் பிற நடிகர்களின் நடிப்பு நன்றாக இருப்பதாகவும் ரசிகர்கள் தெரிவித்து வருகிறார்கள். ஆனால் படத்தின் நீளம் அதிகம் இருப்பதால் பார்வையாளர்களுக்கு தொய்வு  ஏற்படுத்துவதாக சமூக வலைதளத்தில் கருத்து தெரிவித்து வருகிறார்கள். 

இந்நிலையில், படத்தின் நீளம் குறித்து தொடர்ச்சியான கருத்துக்கள் அதிகரித்து வந்ததால் இந்தியன் 2 படத்தின் நீளம் குறைக்கப் பட்டிருப்பதாகத் தகவல் வெளியாகியுள்ளது. இது குறித்து படக்குழு சார்பில் அதிகாரப்பூர்வ தகவல்கள் வெளியாகவில்லை. படம் வெளியாகி 2 நாட்களுக்குப் பிறகு நீளத்தை குறைப்பது குறித்த விவாதம் சமூக வலைதளத்தில் விவாதம் நடைபெற்று வருகிறது.

2 நாள் வசூல் நிலவரம்

இந்தியன் 2 திரைப்படத்தின் 2 நாள் வசூல் நிலவரம் தொடர்பான தகவல்கள் வெளியாகியுள்ளன. பாக்ஸ் ஆஃபிஸ் தரவுகளைப் பகிரும் சாக்னிக் தளம் பகிர்ந்துள்ள தகவலின்படி, இந்தியன் 2 திரைப்படம் இந்தியா முழுவதும் முதல் நாளில் 25.6 கோடிகள், இரண்டாவது நாளில் 16.7 கோடிகள் என மொத்தம் 42.3 கோடிகளை வசூலித்துள்ளது. இந்தியா முழுவதும் தமிழில் மட்டும் 29.5 கோடிகள், இந்தியில் 2.4 கோடிகள், தெலுங்கில் 10.4 கோடிகளை வசூலித்துள்ளதாகவும் தகவல் வெளியாகியுள்ளது.

---

மேலும் படிக்க : Aadujeevitham: ஓடிடியில் வெளியாகும் ஆடு ஜீவிதம் - தி கோட் லைஃப் படம்.. ரிலீஸ் தேதி, தளம் இதுதான்!