Devara Box Office : விஜயின் The Goat படத்துக்கு சவால் விடும் தேவரா.. இரண்டு நாள் வசூல் எவ்வளவு தெரியுமா?

Devara Box Office: ஜூனியர் என்.,டி.ஆர் நடித்துள்ள தேவரா படத்தின் முதல் இரண்டு நாள் வசூல் குறித்த தகவல்கள் வெளியாகியுள்ளன.

தி கோட் , தேவரா , தேவரா வசூல்

Source : Twitter

தேவரா

கொரட்டலா சிவா இயக்கத்தில் ஜூனியர் என்.டி.ஆர் நடித்துள்ள தேவரா படம் இன்று திரையரங்குகளில் வெளியாகி இருக்கிறது. பிரகாஷ் ராஜ் , சைஃப் அலிகான் , ஜான்வி கபூர் , கலையரசன் , ஷைன் டாம் சாக்கோ உள்ளிட்டவர்கள் இப்படத்தில் நடித்துள்ளார்கள். அனிருத் இசையமைத்துள்ளார். 

ஆங்கிலேய ஆட்சிக்காலத்தில் இந்தியாவில் இருந்து விலை மதிப்பற்ற செல்வங்கள் வெளிநாடுகளுக்கு கடத்தப்படுகின்றன. இந்த செல்வங்களை எல்லாம் கப்பலில் இருந்து கடத்தி மறுபடியும் நாட்டிற்கே கொண்டு வருவதையே லட்சியமாக கொண்டவர்கள் ரத்தினகிரி மலையில் வாழும் நான்கு கிராம மக்கள். சுதந்திரத்துக்கு பிறகு கவனிப்பார் அற்றுபோன பிழைப்பிற்காக கடத்தலில் ஈடுபடுகிறார்கள் தேவரா , பைரா மற்றும்  அவனது நண்பர்கள்.

கடத்தப்பட்ட ஆயுதங்கள் தீவிரவாத செயலுக்கு பயண்படுவது தெரிந்து இனிமேல் கடலுக்கு யாரும் செல்லக்கூடாது என முடிவு செய்கிறார் தேவரா. இது பிடிக்காத பைரா உள்ளிட்ட அவனது சகாக்கள் தேவராவை கொலை செய்ய திட்டமிடுகிறார்கள். இதனால் தேவரா கடலுக்குள் சென்று பதுங்குகிறான். கடலுக்குள் கடத்தலுக்காக செல்லுபவர்கள் பினமாக திரும்பி வருகிறார்கள். ஒரு நாள் தேவரா திரும்பி வருவான் அப்போது அவனை கொலை செய்ய காத்திருக்கிறான் பைரா. தேவராவை வெளியே வரவழைக்க அவன் மகனான வராவை தனது கும்பலுடன் கடலுக்கு அனுப்புகிறான். தேவரா திரும்பி வந்தாரா. அவனை கொல்ல நினைக்கும் பைராவின் ஆசை நிறைவேறியதா என்பதே தேவரா முதல் பாகத்தின் கதை.

தேவரா பாக்ஸ் ஆபிஸ்

தேவரா படத்தின் முதல் இரண்டு நாள் வசூல் குறித்த அதிகாரப்பூர்வ தகவல்கள் வெளியாகியுள்ளன. இரண்டு நாட்களில் உலகளவில் தேவரா படம் ரூ 243 கோடு வசூலித்துள்ளது. படத்திற்கு அனைத்து தரப்பு ரசிகர்களிடம் இருந்தும் பாசிட்டிவான விமர்சனங்கள் வந்துகொண்டிருக்கும் நிலையில் வரக்கூடிய வாரங்களில் படத்தின் வசூல் அதிகரிக்கும் என்று எதிர்பார்க்கப்படுகிறது. 

கடந்த செப்டம்பர் 5 ஆம் தேதி வெளியான விஜயின் தி கோட் திரைப்படம் முதல் நாளில் உலகளவில் 126 கோடி வசூலித்தது. முதல் நான்கு நாட்களில் படம்  288 கோடி வசூலித்தது. படம் வெளியாகி 25 நாட்கள் கடந்துள்ள நிலையில் படம் 500 கோடி வசூல் இலக்கை நோக்கி மெல்ல நகர்ந்துகொண்டிருக்கிறது. ஜூனியர் என்.டி. ஆரின் தேவரா விஜயின் தி கோட் படத்தின் நான்கு நாள் வசூலை இரண்டு நாட்களில் வசூலித்துள்ளது குறிப்பிடத் தக்கது.