இயக்குநர் எச் வினோத் பிறந்தநாளுக்கு வெளியான ஜனநாயகன் மேக்கிங் வீடியோ..ஹைப் ஏத்துறாங்களே!

விஜயின் ஜனநாயகன் படத்தை இயக்கிவரும் எச் வினோத் பிறந்தநாளை முன்னிட்டு படக்குழு ஜனநாயகன் படப்பிடிப்பு வீடியோவை படக்குழு வெளியிட்டுள்ளது

ஜன நாயகன் , எச் வினோத் , விஜய்

Source : X

நடிகர் விஜயின் 69 ஆவது மற்றும் கடைசி படமான ஜனநாயகன் படத்தின் போஸ்ட் ப்ரோடக்‌ஷன் பணிகள் தீவிரமாக நடைபெற்று வருகின்றன. கேவிஎன் ப்ரோடக்‌ஷன்ஸ் தயாரிக்கும் இப்படத்தை எச் வினோத் இயக்கி வருகிறார். பூஜா ஹெக்டே , பாபி தியோல் , மமிதா பைஜூ , கெளதம் மேனன் , பிரகாஷ் ராஜ் , பிரியாமணி ஆகியோர் இப்படத்தில் நடித்து வருகிறார்கள். அனிருத் இசையமைத்து வருகிறார் . 2026 ஆம் ஆண்டு பொங்கலை முன்னிட்டு ஜனவரி 9 ஆம் தேதி ஜனநாயகன் திரைப்படம் திரையரங்குகளில் வெளியாக இருக்கிறது. இப்படத்தின் இயக்குநர் எச் வினோத் இன்று தனது பிறந்தநாளைக் கொண்டாடுகிறார். இந்நிலையில் இயக்குநர் எச் வினோத்க்கு வாழ்த்து தெரிவித்து சிறப்பு வீடியோ ஒன்றை வெளியிட்டுள்ளது ஜன நாயகன் படக்குழு

ஜனநாயகன் படக்குழு வெளியிட்ட வீடியோ

சதுரங்க வேட்டை படத்தின் மூலம் தமிழ் திரையுலகில் கவனமீர்த்தவர் எச் வினோத். தொடர்ந்து கார்த்தியை வைத்து இவர் இயக்கிய தீரன் அதிகாரம் ஒன்று திரைப்படம் மிகப்பெரிய கமர்சியல் வெற்றிபெற்றது. பின் அஜித்தை வைத்து நேர்கொண்ட பார்வை , வலிமை , துணிவு என அடுத்தடுத்து மூன்று படங்களை இயக்கினார். சுவாரஸ்யமான அரசியல் கதைகளை இயக்குவதில் எச் வினோத் தனக்கென ஒரு தனி அடையாளத்தை உருவாக்கினார். அடுத்தபடியாக கமல் நடிக்கும் படத்தை அவர் இயக்க இருப்பதாக அறிவிப்பு வெளியானது. இப்படத்திற்கான முதற்கட்ட பணிகள் தொடங்க இருந்த நிலையில் படம் கைவிடப்பட்டு விஜயின் கடைசி படமான ஜன நாயகன் படத்தை எச் வினோத் இயக்கவிருப்பதாக அறிவிப்பு வெளியானது. விஜய் படத்தை இயக்குவது குறித்து பல்வேறு இயக்குநர்கள் இடையே கடும் போட்டி நிலவியது என்றாலும் இறுதியாக தனது அரசியல் பயணத்திற்கு கைகொடுக்கும் விதத்தில் ஏற்ற இயக்குநராக எச் வினோத்தை தேர்வு செய்தார் விஜய். 

இன்று எச் வினோத் பிறந்தநாளை முன்னிட்டு ஜன நாயகன் படக்குழு சிறப்பு வீடியோ ஒன்று வெளியாகியுள்ளது. விஜயை வைத்து தனது பாணியில் ஒரு சிறப்பான பொலிட்டிக்கல் த்ரில்லர் படத்தை எச் வினோத் வழங்குவார் என ரசிகர்கள் ஆவலாக எதிர்பார்த்து காத்திருக்கின்றன

Another year, yet Vin-oth-er reason to celebrate him 🤗

Team #JanaNayagan wishes our Director #HVinoth a very Happy Birthday ❤️#HappyBirthdayHVinoth
▶️ https://t.co/boneRRSepC#Thalapathy @actorvijay sir @hegdepooja @anirudhofficial @thedeol @_mamithabaiju @prakashraaj… pic.twitter.com/8WpHPwplNr

— KVN Productions (@KvnProductions) September 5, 2025