நம்ம அயர்ன்மேனா இது..? மனசெல்லாம் ரணம் ஆயிடுச்சே..! வைரலாகும் வயதான புகைப்படம்..!
அயர்ன்மேன் கதாபாத்திரத்தில் நடித்த ராபர்ட் டவுனி ஜூனியரின் வயதான புகைப்படங்களை கண்டு ரசிகர்கள் மனம் வருந்தி வருகின்றனர்.
ராபர்ட் டவுனி ஜூனியர் என்ற பெயரைச் சொன்னால் யாருக்கு தெரிகிறதோ இல்லையோ, அயர்ன்மேன் அல்லது டோனி ஸ்டார்க் என்று சொன்னால் போதும் உலகெங்கும் உள்ள கோடிக்கணக்கான மார்வெல் ரசிகர்கள் அனைவருக்கும் தெரியும். இன்னும் சொல்லப் போனால் இந்த பூமியை தானோசிடம் இருந்து தன் உயிரை கொடுத்து காப்பாற்றியது அயர்ன்மேன்தான் என்று சொல்லும் அளவிற்கு அயர்மேன் மேல் கொண்ட பைத்தியம் கொண்ட ரசிகர்கள் தமிழ்நாட்டிலே உள்ளனர்.
அந்த அயர்ன்மேன் கதாபாத்திரத்தை அந்தளவு ரசிகர்களின் ஆழ்மனதில் ஒரு உறவாகவே மாறும் அளவிற்கு பதியும் அளவிற்கு பிரமாதமான நடிப்பை வெளிப்படுத்தியிருப்பார் ஹாலிவுட் நடிகர் ராபர்ட் டவுனி ஜூனியர். அவெஞ்சர்ஸ் படத்திற்கு பிறகு டூ லிட்டில் என்ற படத்தில் நடித்திருந்தார். அதன்பின்பு சில படங்களில் நடிக்க ஒப்பந்தமானார்.
இந்த நிலையில், ராபர்ட் டவுனி ஜூனியர் அவ்வப்போது தனது புகைப்படங்களை, வீடியோக்களை தனது டுவிட்டர் பக்கத்தில் பதிவிட்டு வருவதை வாடிக்கையாக வைத்திருந்தார். இந்த சூழலில், கடந்த சில வாரங்களுக்கு முன்பு அவர் தனது டுவிட்டர் பக்கத்தில் புகைப்படம் ஒன்றை பதிவிட்டிருந்தார். அந்த படத்தில் மிகவும் வயதாகி தலையின் முன்பக்கம் எல்லாம் வழுக்கை விழுந்த நிலையில், ராபர்ட் டவுனி ஜூனியர் உள்ளார். இந்த படத்தை தற்போது ரசிகர்கள் பகிர்ந்து தங்களது அயர்ன்மேனுக்கு வயதாகிவிட்டது என்று வேதனையுடன் பதிவிட்டு வருகின்றனர்.
இது அவரது இயல்பான புகைப்படம்தான் என்றாலும், மற்ற படங்களில் தொப்பி அணிந்திருப்பார். இந்த படத்தில் தொப்பியும் இல்லாமல், வயதான தோற்றத்தில் இருக்கும் ராபர்ட் டவுனி ஜூனியரை பார்க்கும் அயர்ன்மேன் ரசிகர்கள் சில நிமிடங்கள் திகைத்துதான் போயிருப்பார்கள் என்பதே உண்மை.
அவெஞ்சர்ஸ் திரைப்படங்களின் வரிசையின் அனைத்து கதாநாயகர்களையும் இணைத்து உலகளவில் அதிக வசூலை ஈட்டிய திரைப்படம் என்ற பெருமைக்கு சொந்தமான அவெஞ்சர்ஸ் எண்ட் கேம் திரைப்படத்தின் பிரதான நாயகனான அயர்ன்மேன் இறந்தபோது உலகெங்கும் உள்ள மார்வெல் ரசிகர்கள் கண்கலங்கினர். தற்போது, அந்த அயர்ன்மேன் வயதான தோற்றத்தில் இருப்பதை பார்க்கும்போது இன்னும் வருத்தமாகதான் உள்ளது. அயர்ன்மேன் கதாபாத்திரம் என்பது 90ஸ் கிட்ஸ்கள் இழந்தவற்றில் முக்கியமானது என்பதும் குறிப்பிடத்தக்கது.
1965ம் ஆண்டு பிறந்த ராபர்ட் டவுனி ஜூனியருக்கு தற்போது 57 வயதாகிறது என்பது குறிப்பிடத்தக்கது. அவர் 2008ம் ஆண்டு முதல் அயர்ன்மேனாக நடித்து வந்தார். மேலும், புகழ்பெற்ற ஷெர்லாக் ஹோம்ஸ் திரைப்படத்திலும் இவர்தான் நாயகன் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
