Virumandi Abirami : நடிகைகள் வானத்துல இருந்து வரல.. மிதக்க தேவையில்ல.. அபிராமி சொன்ன லைஃப் சீக்ரெட்ஸ்
இவர் சமீபத்தில் ஒரு பேட்டியில் தனது கணவர் குறித்தும், அவர் பலவருட நண்பர் என்பது குறித்தும் மேலும் அவர்களின் குழந்தை குறித்தும் பேசி உள்ளார்.
1995 ஆம் ஆண்டு மலையாளத்தில் வெளியான ‘கதாபுருஷன்’ என்ற படத்தில் குழந்தை நட்சத்திரமாக சினிமா உலகிற்கு அறிமுகமானவர் நடிகை அபிராமி. இவருடைய உண்மையான பெயர் திவ்யா கோபி குமார். இவர் 2001 இல் அர்ஜுன் நடிப்பில் வெளியான ‘வானவில்’ படத்தின் மூலம் தமிழ் சினிமாவிற்கு அறிமுகமானார். அவரது முதல் படத்திலேயே மிகப் பெரிய வரவேற்பு கிடைத்தது. பின்னர் இவர் தமிழ், தெலுங்கு, மலையாளம், கன்னடம் என பல மொழி படங்களில் நடித்துள்ளார்.
விருமாண்டி
2004 ஆம் ஆண்டு உலக நாயகன் கமல்ஹாசன் நடிப்பில் வெளிவந்த விருமாண்டி திரைப்படத்தில் நடிகை அபிராமி கதாநாயகியாக நடித்திருந்தார். இந்த படத்தின் மூலம் மிகப் பெரிய அளவில் மக்களிடையே கவனம் பெற்றார். இவை மட்டுமின்றி தமிழில் மிடில் கிளாஸ் மாதவன், தோஸ்த், சமுத்திரம், சார்லி சாப்ளின், கார்மேகம், சமஸ்தானம், ஆகிய பல படங்களிலும் நடித்தார். அதற்கு பின்னர் சரியாக இவருக்கு பட வாய்ப்புகள் ஏதும் இல்லாததால் ஏசியாநெட் சேனலில் தொகுப்பாளராக இருந்தார்.
திருமண வாழ்க்கை
இவர் 2009 ஆம் ஆண்டு டிசம்பர் 27 ஆம் தேதி கேரளாவில் புகழ்பெற்ற மலையாள எழுத்தாளரான பவனனின் பேரனான ராகுல் பவனன் என்பவரை திருமணம் செய்து கொண்டார். இவர் திருமணத்திற்குப் பின்னும் நடிப்பதை நிறுத்தாமல் மூன்று படங்களில் நடித்து இருந்தார். இவர் தமிழில் கடைசியாக 36 வயதினிலே படத்தில் நடித்தார். ஆனால், அதற்கு பின்னர் இவர் கன்னடம், மலையாளத்தில் சில படங்களில் மட்டும் தோன்றி இருந்தாலும் தமிழ் பக்கம் வரவில்லை. இவர் சமீபத்தில் ஒரு பேட்டியில் தனது கணவர் குறித்தும், அவர் பலவருட நண்பர் என்பது குறித்தும் மேலும் அவர்களின் குழந்தை குறித்தும் பேசி உள்ளார்.
கணவர் பற்றி
ஆமாம் எங்களோட 14 வயசுல இருந்து நாங்க நண்பர்கள். நாங்க ரெண்டு பேருமே வெவ்வேற தளத்துல இருந்தாலும், எங்க ரெண்டுபேருக்கும் பொதுவான ஒரு தளத்தை கண்டுபிடிக்குறது ரொம்ப ஸ்வாரஸ்யமான விஷயம். நாங்க வீட்ல இருக்கும்போது அப்படிதான் இருக்கும். பொதுவாகவே நடிகைகளுக்கு ஒரு மன ஓட்டம் இருக்கும். நீங்க பூமிக்கு மேல பறந்துட்டு இருக்கீங்க. ஆனா அவ்வளவெல்லாம் இல்ல, கீழ வாங்கன்னு கூட்டிட்டு வர்றதுக்கு ஒருத்தர் இருந்தா நல்லாருக்கும்ல, அதுதான் எனக்கு அவர்.
குழந்தைகள்?
உங்களுக்கு குழந்தைகள் இருக்கிறார்களா என்று கேட்டபோது, "எனக்கு ஒரு நாலு கால் பெண் குழந்தை இருக்காங்க. ஒரு நாய்க்குட்டி வளர்க்கிறேன். பேரு மேங்கோ. நாங்க ஒரு சின்ன அழகான குடும்பம். நான், என் கணவர், எங்க குட்டி நாய் நாங்க சந்தோஷமா இருக்கோம்", என்று ஆரோக்கியா பால் விளம்பரம் போல கூறுகிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
