Vikram vedha: ‛ரியல் விக்ரம் வேதா இப்படி தான்’ வீடியோ பதிவிட்ட நடிகர் ஹிருத்திக் ரோஷன்!
நடிகர் ஹிருத்திக் ரோஷன் தனது ட்விட்டர் பக்கத்தில் சுவாரசியமான வீடியோ பதிவு ஒன்றை பதிவிட்டுள்ளார். அந்த வீடியோவில் ஹ்ருத்திக் ரோஷன் சைஃப் அலிகானுக்கு நடனமாட சொல்லிக் கொடுக்கிறார்.
இயக்குநர்கள் புஷ்கர் காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத் நடிப்பில் 2017ஆம் ஆண்டு தமிழில் வெளியாகி ஹிட் அடித்த திரைப்படம் 'விக்ரம் வேதா’. இப்படம் இந்தியில் நடிகர்கள் ஹிருத்திக் ரோஷன், சைஃப் அலி கான் நடிப்பில் அதே பெயரில், புஷ்கர் காயத்ரி இயக்கத்தில் உருவாகியிருக்கிறது.
இந்தப்படம் வருகிற செப்டம்பர் 30ஆம் தேதி வெளியாகிறது. நடிகர் ஹிருத்திக் ரோஷன் தனது ட்விட்டர் பக்கத்தில் சுவாரசியமான வீடியோ பதிவு ஒன்றை பதிவிட்டுள்ளார்.
The Real Vikram Vedha behave like this 😄😂
— Hrithik Roshan (@iHrithik) September 27, 2022
Vedha forgotten the step , teaching Vikram all wrong 🤓 pic.twitter.com/ExOYLrqA8W
அந்த வீடியோவில் ஹ்ருத்திக் ரோஷன் சைஃப் அலிகானுக்கு நடனமாட சொல்லிக் கொடுக்கிறார். அதைப் பார்த்து சைஃப் அலிகானும் அவருடன் நடனமாடுகிறார். அந்த வீடியோவை பதிவிட்டு, நடிகர் ஹ்ருத்திக் ரோஷன் ரியல் விக்ரம் வேதா இப்படித்தான் நடந்து கொள்வார்கள் என்று வேடிக்கையாக பதிவிட்டுள்ளார். மேலும் வேதா டான்ஸ் ஸ்டெப்பை மறந்து விட்டு விக்ரமுக்கு தவறான டான்ஸ் ஸ்டெப்களை சொல்லிக் கொடுக்கிறார் என்று பதிவிட்டுள்ளார்.
விக்ரம் வேதா ஹிந்தி ரீமேக் இன்னும் இரண்டு நாட்களில் வெளியாக இருக்கும் நிலையில் சமூக வலைதளங்களில் இந்த வீடியோ வைரலாகி, படம் குறித்த எதிர்பார்ப்பை மேலும் அதிகரித்துள்ளது.
தம்பதிகளான புஷ்கர் - காயத்ரி ஆர்யா நடிப்பில் வெளியான ‘ஓரம் போ’ படம் மூலமாக திரையுலகத்திற்கு அறிமுகமாயினர். தொடர்ந்து நடிகர் சிவா நடிப்பில் உருவான 'வா - குவாட்டர் கட்டிங்' படத்தை இயக்கிய அவர்கள், கடந்த 2017 ஆம் ஆண்டும் விஜய் சேதுபதி, மாதவன் நடிப்பில் உருவான ‘விக்ரம் வேதா’ படத்தை இயக்கினர். மிகப்பெரிய வெற்றி பெற்ற இந்தப்படம் இவர்களது கேரியரில் மட்டுமல்லாது, விஜய் சேதுபதி கேரியரிலும் மிக முக்கியமான படமாக அமைந்தது.
A deadly game begins in 3 days!#VikramVedha
— INOX Leisure Ltd. (@INOXMovies) September 27, 2022
ADVANCE BOOKINGS OPEN! Book your tickets now!#VikramVedha hitting at your nearest #INOX cinemas on 30th September 2022. @iHrithik #SaifAliKhan @PushkarGayatri @radhika_apte pic.twitter.com/z3YZZKfkSq
சினிமா உலகில் அதிக கவனம் பெற்ற இந்தப்படம் இந்தியில் ரீமேக் செய்யப்படுவதாக தகவல் வெளியான நிலையில், அந்தத்தகவலை கடந்த மார்ச் மாதம் புஷ்கர் மற்றும் காயத்ரி உறுதிப்படுத்தினர். இந்தப்படத்தை தமிழில் ‘விக்ரம் வேதா’ படத்தை தயாரித்த YNOT Studios உடன் இணைந்து Plan C Studios மற்றும் Reliance Entertainment, T-Series Films நிறுவனங்கள் இணைந்து தயாரித்து உள்ளன. இந்தப்படத்தில் ஹிருத்திக் ரோஷன் விஜய்சேதுபதி நடித்த வேதா கதாபாத்திரத்திலும், சைஃப் அலி கான் மாதவன் நடித்த விக்ரம் கதாபாத்திரத்திலும் நடித்துள்ளனர். இவர்களுடன் ராதிகா ஆப்தே, ரோகித் சுரேஷ் உள்ளிட்ட பல நட்சத்திரங்கள் நடித்துள்ளனர். தமிழில் விக்ரம் வேதா படத்திற்கு இசையமைத்த சாம் சி.எஸ் இந்தி ரீமேக்கிற்கு பின்னணி இசை அமைத்துள்ளார். பாடல்களுக்கு விஷால் சேகர் இசையமைத்துள்ளார். 175 கோடி பட்ஜெட்டில் உருவாகியுள்ள இந்தப்படம் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
