Actress Hansika : காமெடி கலந்த ஹாரர் படத்தில் அறிவியல் விஞ்ஞானியாக ஹன்சிகா.. இன்றுதான் இந்த தொடக்கம்..

ஃபோகஸ் ஃபிலிம்ஸ் மற்றும் மசாலா பிக்ஸ் தயாரிப்பில் இயக்குனர் ஆர். கண்ணன் தயாரித்து இயக்கும் புரொடக்ஷன் நொ. 10 திரைப்படத்தின் படப்பிடிப்பு பூஜையுடன் இன்று தொடங்கப்பட்டது.

ஆர். கண்ணன் இயக்கத்தில் ஹன்சிகா

ஃபோகஸ் ஃபிலிம்ஸ் மற்றும் மசாலா பிக்ஸ் தயாரிப்பில் இயக்குனர் ஆர். கண்ணன் தயாரித்து இயக்கும் புரொடக்ஷன் நொ. 10 திரைப்படத்தின் படப்பிடிப்பு பூஜையுடன் இன்று தொடங்கப்பட்டது.  

 

தமிழ் சினிமாவின் முக்கியமான இயக்குனர்களில் ஒருவரான ஆர். கண்ணன் இயக்கத்தில் நடிகை ஹன்சிகா மோத்வானி - நடிகர் ஷிரிஷ் சரவணன் நடிப்பில் உருவாக இருக்கும் இப்படத்திற்கு தற்காலிகமாக # புரொடக்ஷன் நொ. 10 என பெயரிடப்பட்டுள்ள இப்படத்தின் படப்பிடிப்பு இன்று பூஜையுடன் தொடங்கப்பட்டது. இந்த பூஜையில் கலந்து கொண்ட படக்குழுவினர் எடுத்து கொண்ட புகைப்படங்கள் சமூக வலைத்தளங்களில் பகிரப்பட்டுள்ளது. இது ஒரு சயின்ஸ் பிக்சன், ஹாரருடன் காமெடி கலந்த ஒரு திரைப்படமாக உருவாக உள்ளது. இப்படத்திற்காக பிரமாண்டமான அறிவியல் ஆய்வுக்கூடம் போன்ற ஒரு செட்டினை கிழக்கு கடற்கரை சாலையில் அமைத்துள்ளனர் என்றும் சிறந்த ஸ்பெஷல் எஃபெக்ட்களுக்காக  கண்ணன் VFX நிறுவனத்துடன் இணைந்துள்ளார் எனவும் கூறப்படுகிறது. 

Shooting of #ProductionNo10 from @MasalaPix starring @ihansika commenced Today

A Horror Comedy
Produced & Directed by @Dir_kannanR@actor_shirish @Brigidasagaoffl @Dhananjayang @balasubramaniem @silvastunt @johnsoncinepro @digitallynow pic.twitter.com/ZDy4c1iO2F

— Rajasekar (@sekartweets) October 10, 2022

இளம் விஞ்ஞானியாக ஹன்சிகா:

தமிழ் சினிமாவின் மிகவும் கியூட் ஹீரோயின், குட்டி குஷ்பூ என அழைக்கப்படும் ஹன்சிகா மோத்வானி தனது சிறப்பான கியூட்டான நடிப்பால் ஏராளமான ரசிகர்களை கொண்டவர். குழந்தை நட்சத்திரமாக தொடங்கிய தனது வாழ்க்கை பயணத்தை தெடர்ந்து இன்று தென்னிந்திய சினிமாவில் முன்னணி நடிகையாக வளம் வருபவர் ஹன்சிகா. இப்படத்தில் நடிகை ஹன்சிகா ஒரு இளம் அறிவியல் விஞ்ஞானி கதாபாத்திரத்தில் நடிக்க உள்ளார் என தெரிகிறது. ஹன்சிகா - இயக்குநர் ஆர். கண்ணன் கூட்டணியில் ஏற்கனவே வெளியான திரைப்படம் "சேட்டை". இப்படத்துக்கு ஒளிப்பதிவு செய்யவுள்ளார் பாலசுப்பிரமணியம்.

#Hansika has rocked Maha. She has carried the climax of the movie very well. Her emotions are so genuine and connected with the viewers. @ihansika #maha Hansika want to see more of u! pic.twitter.com/oH11jBcnxk

— STAR KOLLYWOOD (@STAR_KollyWood) July 22, 2022

இயக்குநர் யு.ஆர்.ஜமீல் இயக்கத்தில் நடிகர் சிம்பு - ஹன்சிகா நடிப்பில் சில மாதங்களுக்கு முன்னர் வெளியான "மஹா" திரைப்படம் பாக்ஸ் ஆபிஸில் எதிர்பார்த்த அளவு வெற்றி பெறாமல் தோல்வியை சந்தித்தது. இதற்கு முக்கிய காரணமாக விமர்சிக்கப்பட்டது படத்தின் பலவீனமான திரைக்கதை மற்றும் இயக்கம்.  ஆர். கண்ணன் இயக்கும் இந்த புதிய திரைப்படம் ஒரு வெற்றி படமாக அமையும் என எதிர்பார்க்கிறார் ஹன்சிகா.