Maanadu Meherezylaa | மாநாடு பாடல் டீசர் இன்று ரீலிஸ்!
சிம்புவின் மாநாடு திரைப்படத்தின் முதல் பாடல் டீஸர் குறித்த அப்டேட் ஒன்றை தற்போது வெளியிட்டுள்ளார் யுவன் சங்கர் ராஜா.
வெங்கட் பிரபு இயக்கத்தில், சுரேஷ் காமாட்சி தயாரிப்பில் உருவாகி வரும் திரைப்படம் தான் மாநாடு. அரசியல் கதைக்களத்தில் சிம்பு நடித்துள்ள இந்த திரைப்படம் அவரது ரசிகர்களின் மத்தியில் பெரும் எதிர்பார்ப்பை ஏற்படுத்தியுள்ளது குறிப்பிடத்தக்கது. ரசிகர்களின் உச்சகட்ட எதிர்பார்ப்பில் இந்த படம் உள்ளது.
இந்நிலையில் அறிவிக்கப்பட்டதை போலவே மாநாடு படத்தின் முதல் சிங்கள் டீஸர் குறித்த தகவலை வெளியிட்டுள்ளார் இசையமைப்பாளர் யுவன். Meherezylaa என்ற அந்த முதல் சிங்கள் பாடல் வரும் ஜூன் மாதம் 21ம் தேதி வெளியாகும் என்று முன்பே அதிகாரப்பூர்வமாக அறிவிக்கப்பட்டது. இந்நிலையில் அந்த முதல் சிங்கள் பாடலின் டீஸர் இன்று மாலை 6 மணிக்கு வெளியாகும் என்று படக்குழு அறிவித்துள்ளது. இதனை தொடர்ந்து மாநாடு என்ற ஹாஷ்டேக் ட்விட்டரில் ட்ரெண்டிங்கில் உள்ளது. கடந்த சில நாட்களாக மாநாடு குறித்த பல அப்டேட் வெளியாகி வருவது சிம்பு மற்றும் யுவன் ரசிகர்களை குஷிப்படுத்தியுள்ளது.
First single teaser of Maanaadu is releasing today at 6PM! 😇@SilambarasanTR_ @vp_offl @sureshkamatchi @kalyanipriyan#Meherezylaa #Maanaadu pic.twitter.com/Sk0uDYGzPb
— Raja yuvan (@thisisysr) June 19, 2021
மேலும் மாநாடு படத்தின் இசை உரிமையை யுவன் சங்கர் ராஜாவின் U1 ரெகார்டஸ் நிறுவனம் பெற்றுள்ளதும் குறிப்பிடத்தக்கது. இயக்குநர் வெங்கட் பிரபு இயக்கும் இப்படத்தின் மீதான சிம்பு ரசிகர்களின் எதிர்பார்ப்பு அதிகரித்திருக்கிறது. சிம்புவின் நடிப்பில் அண்மையில் வெளியான படங்கள் அவருக்கு எதிர்பார்த்த வெற்றியை கொடுக்கவில்லை என்பது குறிப்பிடத்தக்கது. இந்நிலையில் வெங்கட் பிரபு இயக்கத்தில் அவர் நடிக்கும் மாநாடு படம் நிச்சயம் சிம்புவிற்கு கைகொடுக்கும் என நம்பப்படுகிறது. இந்த படத்தில் கல்யாணி பிரியதர்ஷன் சிம்புவிற்கு ஜோடியாக நடித்துள்ளார்.
Rajinikanth Health: அமெரிக்கா புறப்பட்ட ரஜினி: தாமதமான சிகிச்சையும்... தனுஷ் உடன் சந்திப்பும்!
#maanaadufirstsingle #maanaadu #aVPpolitics #mashaAllah #abudulkhaliq #Silambarasan_TR #maanaadusinglefrom21st @vp_offl @SilambarasanTR_ @sureshkamatchi @madhankarky @U1Records on Twitter spaces pic.twitter.com/Hzxk4dPqyK
— Raja yuvan (@thisisysr) June 9, 2021
மேலும் எஸ்.ஜே.சூர்யா, வெங்கட் பிரபுவின் தம்பி பிரேம்ஜி உள்ளிட்ட பல நடிகர்கள் இணைந்துள்ளனர். படத்திற்கான ஒளிப்பதிவு பணியை ரிச்சர்ட் எம் நாதன் கவனிக்க, சுரேஷ் காமாட்சி இந்த படத்தை தயாரிக்கிறார். படத்தில் "அப்துல் மாலிக்" என்ற கதாப்பாத்திரத்தில் சிம்பு நடித்துள்ளார் என்பது குறிப்பிடத்தக்கது. படம் முழுக்க முழுக்க அரசியல் களம் கொண்டு பயணிக்க உள்ளது பெரும் எதிர்பார்ப்பை உண்டாக்கியுள்ளது. எதிர்பார்த்தபடியே முதல் சிங்கள் டிரெண்டிங்கில் இடம் பிடிக்கும் அளவிற்கு ஹிட் ஆனதால், படக்குழு மகிழ்ச்சியில் உள்ளது.
தலைப்பு செய்திகள்
ட்ரெண்டிங் செய்திகள்
