பெண் அழுதுவிட்டால் நம்பிவிடுகிறார்கள்..நடிகையின் குற்றச்சாட்டுக்கு எரும சாணி விஜயகுமார் விளக்கம்

எரும சாணி விஜய் மீது இளம் நடிகை அனுகிரஹா குற்றச்சாட்டு வைத்து வீடியோ வெளியிட்ட நிலையில் தன்மீதான குற்றச்சாட்டுகளுக்கு விஜய் பதிலளித்து வீடியோ வெளியிட்டுள்ளார்

எரும சாணி விஜய்

Source : X

ஜியோ ஹாட்ஸ்டாரில் ஸ்ட்ரீம் ஆகி வரும் ரெஸார்ட் சீரில் தன்னை நடிக்க அழைத்து பின் உழைப்பு சுரண்டலுக்கு ஆளாக்கியதாக இளம் நடிகை அனுகிரஹா எரும சானி புழக் விஜய் மீது அதிரடி குற்றச்சாட்டு வைத்திருந்தார். நடிகையின் வீடியோ சமூக வலைதளத்தில் வைரலாகிய நிலையில் தற்போது குற்றம்சாட்டப்பட்ட விஜய் விளக்கமளித்து வீடியோ வெளியிட்டுள்ளார்.

குற்றச்சாட்டுகளுக்கு எரும சாணி விஜய் பதில் 

நான் இந்த குற்றச்சாட்டுக்கு விளக்கம் கொடுக்க வேண்டாம் என்று தான் நினைத்தேன். நாம் எந்த தப்பும் பண்ணவில்லை. சட்டப்படி இந்த நிகழ்வை சந்திக்கலாம் என முடிவு செய்திருந்தேன். அனுக்கிரஹா பணத்தை கொடுக்காமல் ஏமாற்றியதாக சொல்லியிருக்கிறார். நான் தயாரிப்பு நிறுவனம் தரப்பில் எல்லா விவரங்களையும் கேட்டேன். அந்த பெண்ணு நடித்த வரை பணம் கொடுக்கப்பட்டதற்கான கணக்கு உள்ளது. அந்த பெண் ரூ.25 ஆயிரம் அட்வான்ஸ் வேண்டும், எனக்கு ரொம்ப கஷ்டமாக இருக்கிறது என சொன்னார். எந்த தயாரிப்பு நிறுவனமும் அப்படி செய்ய மாட்டார்கள். ஆனால் மனிதாபிமானம் அடிப்படையில் வழங்கியிருக்கிறார்கள். அதில் ரூ.10 ஆயிரம் கொடுக்க வேண்டியிருக்கிறது. உண்மையா இல்லையான்னு அனுக்கிரஹாவை கேளுங்கள். 

ஒப்பந்தம் போட்டு என்னை முடக்கி விட்டதாக சொன்னார். இந்த வெப் சீரிஸில் 2 மாதம் நடித்த பிறகு தான் ஒப்பந்தம் கையெழுத்திட்டார். அப்போது மெயின் கேரக்டர் கிடையாது என்பது தெரியாமல் இருந்திருக்குமா?. 20 ஆண்டு கால அனுபவம் வாய்ந்த ஒரு தயாரிப்பு நிறுவனத்தை ஒரு பெண் அழுதுக்கொண்டு வைக்கும் சிறிய குற்றச்சாட்டை கண்ணை மூடிக்கொண்டு அனைவரும் நம்புகிறார்கள். 

பணம் விஷயத்தை தயாரிப்பு தரப்பில் தான் கேட்க வேண்டும். என்னுடைய வேலை கதை சொல்வது மட்டும் தான். பிடிக்கவில்லை என்றால் போய் விடுங்கள் என அப்பவே சொல்லி விட்டோம். ஒருமாதம் முன்னால் ஷூட்டிங் நாளில் எனக்கு ஒரு ஆடிஷன் இருக்கு, போக வேண்டும் என கேட்டதற்கு யாரும் எதுவும் சொல்லாமல் உங்களை அனுப்பி விட்டார்கள். அன்றைக்கு லேட்டாக திரும்பி வந்ததற்கு மன்னிப்பு கேட்டீர்கள். அன்று ஒரு சீன் நடித்ததற்கு பணமும் வாங்கினீர்கள். இந்த வெப் சீரிஸ் நடிக்க வரும்போது மலையாளத்தில் ஒன்று, இரண்டு குறும்படம் நடித்திருந்தீர்கள் அவ்வளவு தான். 

உங்களை ஒரு படத்தில் ஹீரோயினாக கமிட் செய்து விட்டார்கள் என்பதற்காக துணை வேடத்தில் நடிக்கும் இந்த வெப் சீரிஸ் கேரக்டரை எப்படி மாற்ற முடியும்?. ஒப்பந்தம் செய்யும் முன் தங்குமிடம் தொடங்கி எல்லாம் அப்பவே கேட்டிருக்க வேண்டும். எல்லா ஊடகமும் பண மோசடி என சொல்கிறார்கள். அனுக்கிரஹா மருத்துவமனையில் அனுமதிக்கப்பட்டது கூட தெரிவிக்கவில்லை. பாய் பிரண்ட் என சொல்லும் ஒருவர் பணம் கொடுக்கவில்லை என அனைவருக்கும் போன் செய்து சண்டை போட்டுள்ளார். 

ஹீரோயின் கேரக்டருக்கு தான் கேட்டு வந்தார்கள். ஆனால் இந்த கேரக்டர் இருக்கிறது என சொல்லவும் சரி நடிக்கிறேன் என ஒப்புக்கொண்டார்கள். நான் ஒரு பெண்ணாக இருந்து, அழுதால் மட்டுமே நியூஸாக போட்டிருப்பார்கள் என நினைக்கிறேன். நீங்கள் சொல்லும் குற்றச்சாட்டு சரியாக இருந்தால் போலீசில் புகார் அளிக்க வேண்டியது தானே?

ரீசார்ட் சர்ச்சை இன்னொரு கதையுடன் வந்த எருமை சாணி விஜய குமார் pic.twitter.com/zSALFYL3MD

— Anshitha🫶💖🍉 (@Anshithaprincey) April 27, 2026

இதையும் படிக்க

Vijay : சமரச பேச்சுக்கு செட் ஆகாத சங்கீதா...ஜீவனாம்சம் கொடுக்க அடுத்தடுத்து சொத்துக்களை விற்கும் விஜய்