Sathish on Vijay: நடிகர் சதீசுக்கு பர்த்டே சர்ப்ரைஸ் தர நினைத்த விஜய்.. சர்ப்ரைசே காமெடி ஆன சுவாரஸ்யம்..! நடந்தது என்ன?

சதீஷ் பிறந்தநாளை சர்ப்ரைஸாக கொண்டாட எண்ணிய நடிகர் விஜய் வீட்டில் நடந்த காமெடியான மொமெண்ட் பற்றி நிகழ்ச்சி ஒன்றில் நடிகர் சதீஷே பகிர்ந்துள்ளார்.

விஜய் - சதீஷ்

ஏழ்மையான குடும்ப பின்னணியில் இருந்து சினிமாவுக்கு வந்தவர் நடிகர் சதீஷ். நடிகர் கிரேசி மோகனிடம் பல ஆண்டுகள் பணியாற்றியுள்ளார். வசனகர்த்தாவாக தனது திரை பயணத்தை தொடர்ந்த சதீஷ் எதிர்நீச்சல் படத்தில் சிவகார்த்திகேயன் நண்பராக  நடிகராக அறிமுகமானார். முதல் படத்திலேயே காமெடியால் ரசிகர்கள் மத்தியில் பிரபலமான சதீஷ் பின்னர் ஏராளமான படங்களில் நகைச்சுவை நடிகராக நடித்து பின்னர் 'நாய் சேகர்' படம் மூலம் ஹீரோவாகவும் நடித்தார்.  

விஜய் - சதீஷ் நட்பு:

கத்தி, பைரவா, வாரிசு உள்ளிட்ட திரைப்படங்களில் நடிகர் விஜய் உடன் இணைந்து நடித்தவர் நடிகர் சதீஷ். விஜய் - சதீஷ் காம்போ ஒரு வித்தியாசமான மேஜிக் கிரியேட் செய்யும். அவர்கள் இடையில் நல்ல நட்பும் உள்ளது. நடிகர் விஜய் சதீஷ் பிறந்தநாளுக்கு வாழ்த்து கூறுவது வழக்கம். அப்படி அவரின் பிறந்தநாள் சமயத்தில் நடைபெற்ற ஒரு சுவாரஸ்யமான நிகழ்வு குறித்து நிகழ்ச்சி ஒன்றில் பகிர்ந்து இருந்தார் நடிகர் சதீஷ். 

 

 

சொதப்பிய பர்த்டே சர்ப்ரைஸ் :

சதீஷ் பிறந்தநாளை சர்ப்ரைஸாக கொண்டாட வேண்டும் என்ற எண்ணத்தில் பிளான் செய்து அவரை வீட்டிற்கு அழைத்துள்ளார் நடிகர் விஜய். சதீஷ், விஜய் வீட்டிற்கு அடிக்கடிச் செல்லும் போது அவர்கள் வீட்டில் வேலை செய்யும் ஒரு அம்மா சாப்பிட ஸ்வீட் அல்லது வேறு ஏதாவது கொண்டு வந்து கொடுப்பது வழக்கம். அதே போல அன்றும் நான் வீட்டிற்கு சென்ற போது அதே போல ஒரு சம்பவம் நடைபெற்றது. 

பர்த்டே கேக் எல்லாம் ரெடி செய்து வைத்து என்னை சர்ப்ரைஸ் செய்யலாம் என்ற நோக்கத்தில் அவர் வீட்டில் வேலை செய்பவரிடம் சொல்ல உடனே அந்த அம்மா அந்த கேக்கை பீஸ் போட்டு ஒரு கப்பில் கொண்டு வந்து கொடுத்தார். அதை பார்த்த விஜய் சார் என்ன நடக்கிறது என புரியாமல் பார்த்தார். எனது பிளேட்டில் SAT மட்டும் தான் இருந்தது. அது SAT கிடையாது SAD என நினைத்து கொண்டேன். இந்த காமெடியை நினைத்து ஒரே சிரிப்பு சிரிப்பாக  இருந்தது என விஜய்யுடன் நடைபெற்ற ஒரு ஸ்வாரஸ்யமான நிகழ்வை பகிர்ந்து கொண்டார். 

 

 

மீண்டும் ஹீரோவான சதீஷ் :

ஒயிட் கார்ப்பட் ஃபிலிம்ஸ் நிறுவனத்தின் சார்பில் K.விஜய் பாண்டி தயாரிப்பில் வெங்கி இயக்குனராக அறிமுகமும் படத்தில் ஹீரோவாக நடிக்கிறார் சதீஷ். சதீஷ் ஜோடியாக சிம்ரன் குப்தா நடிக்கும் இப்படத்துக்கு வித்தைக்காரன் என பெயரிடப்பட்டுள்ளது. நாய் சேகர் படத்திற்கு பிறகு ஹீரோவாக சதீஷ் நடிக்கும் இரண்டாவது  படம் இதுவாகும். ஜான் விஜய், ஆனந்த்ராஜ் உள்ளிட்டோர் முக்கியக் கதாபாத்திரத்தில் நடிக்கிறார்கள். செஸ் விளையாட்டை மையமாக கொண்டு வெளியாகும் இப்படத்தின் பர்ஸ்ட் லுக் போஸ்டர் சமீபத்தில் வெளியானது. நடிகர் சதீஷ், இயக்குநர் வெங்கி உள்ளிட்டோர் நடிகர் விஜய்யை நேரில் சந்தித்து வாழ்த்து பெற்றனர் என்பது குறிப்பிடத்தக்கது.