Actor Hari Vairavan: ‘மன்னிச்சிரு வைரவா’.. வைரவன் இறப்புக்கு இரங்கல் தெரிவித்த பிரபலங்கள்.. சோகத்தில் கோலிவுட்!

வெண்ணிலா கபடி குழு படத்தில் நடித்த நடிகர் வைரவன் இன்று உடல்நலக்குறைவால் உயிரிழந்த நிலையில் அவரது மறைவுக்கு திரையுலகினர் பலரும் இரங்கல் தெரிவித்துள்ளனர். 

வைரவனுக்கு இரங்கல்

வெண்ணிலா கபடி குழு படத்தில் நடித்த நடிகர் வைரவன் இன்று உடல்நலக்குறைவால் உயிரிழந்த நிலையில் அவரது மறைவுக்கு திரையுலகினர் பலரும் இரங்கல் தெரிவித்துள்ளனர். 

வெண்ணிலா கபடி குழு படத்தில் கதாநாயகன் விஷ்ணுவின் நண்பர்களில் ஒருவராக நடித்தவர் ஹரிவைரவன். அதனைத்தொடர்ந்து, கார்த்தி நடித்த நான் மகான் அல்ல, குள்ளநரி கூட்டம் உள்ளிட்ட படங்களில் துணை கதாபாத்திரங்களில் நடித்து பிரபலமானார். ஆனால், அதன் பின்னர் அவருக்கு பெரிதாக சினிமா வாய்ப்புகள் கை கூட வில்லை. இதனால் வறுமையின் பிடியில் தள்ளப்பட்ட அவர், பொருளாதார ரீதியாக கடுமையான நெருக்கடிக்கு தள்ளப்பட்டார். அதனைத்தொடர்ந்து அவருக்கு உடல்நலக்குறைவு ஏற்பட்டு கடுமையாக பாதிக்கப்பட்டார். 

இன்று காலை தம்பி வைரவனின் மறைவு செய்தி கேட்டு பெரும் துயர் கொண்டேன். பிரிவின் மீளா துயரில் தவிக்கும் குடும்பத்தார் க்கு அந்த ஆத்தா மீனாட்சி எல்லா தைரியத்தையும் தர வேண்டுகிறேன். போய் வா தம்பி #ActorVairavan pic.twitter.com/ulBY4H5TLR

— Actor Soori (@sooriofficial) December 3, 2022

இதயநோயுடன், இரண்டு சிறுநீரகங்களும் அவருக்கு செயலிழந்தன. அதன்காரணமாக அவரின் கால்கள் வீங்கி நடக்க முடியாமல் அவதிப்பட்டார். இதனிடையே கடந்த செப்டம்பர் மாதம் அவரின் உடல்நிலை கடுமையாக பாதிக்கப்பட்டது. இதனைத்தொடர்ந்து வீடியோ வெளியிட்டு உதவிக்கேட்ட அவர், “ தனக்கு 11 ஆண்டுகளாக சர்க்கரை நோய் இருக்கிறது. இதனால் உடலின் பல பாகங்கள் வீக்கமடைந்து பாதிப்பு ஏற்பட்டுள்ளது. இதற்காக மேற்கொண்ட சிகிச்சைக்காகவே மொத்த நகைகளும், பணமும் காலியாகிவிட்டது என பேசினார். 

மேலும் தன்னைபபார்க்க தனது மனைவி மிகவும் சிரமப்படுகிறார். மருத்துவர்கள் எனக்கு 6 மாதம் எனக்கு கெடு விதித்து விட்டார்கள். நான் இறந்த பிறகு, எனது மனைவியையும் குழந்தைகளையும் யார் பார்த்துக்கொள்வார்கள் என்று வேதனையுடன் பேசியிருந்தார். இந்த வீடியோ சமூகவலைத்தளங்களில் வைரலான நிலையில், விஷ்ணு விஷால், விஜய்சேதுபதி உள்ளிட்ட பல பிரபலங்கள் உதவிக்கரம் நீட்டினர்.

அதனைத்தொடர்ந்து தனியார் மருத்துவமனையில் சேர்க்கப்பட்டு சிகிச்சை பெற்று வந்த அவர், அங்கு சிகிச்சை பலன்றி இன்று அதிகாலை 12.15 அளவில் மரணமடைந்தார். மதுரை மாவட்டத்தில் உள்ள அவரது சொந்த ஊரில் அவருக்கு இறுதிச்சடங்குகள் நடைபெற இருக்கிறது.

Sorry Vairavan
May your soul Rest In Peace

Memories with you from VennilaKabaduiKuzhu will last forever

— VISHNU VISHAL (VV) (@TheVishnuVishal) December 3, 2022

நடிகர் சூரி தனது ட்விட்டர் பக்கத்தில், இன்று காலை தம்பி வைரவனின் மறைவு செய்தி கேட்டு பெரும் துயர் கொண்டேன். பிரிவின் மீளா துயரில் தவிக்கும் குடும்பத்தாருக்கு அந்த ஆத்தா மீனாட்சி எல்லா தைரியத்தையும் தர வேண்டுகிறேன். போய் வா தம்பி என பதிவிட்டுள்ளார். 

இயக்குநர் சுசீந்திரன் வெளியிட்ட வீடியோவில் எங்களுடைய வெண்ணிலா கபடிக்குழு படத்தில் நடித்த வைரவனின் மறைவு அதிர்ச்சி அளிப்பதாகவும், அவரை பிரிந்து வாடும் குடும்பத்தினர் மற்றும் அனைவருக்கும் ஆழ்ந்த இரங்கலை தெரிவித்து கொள்கிறேன் என கூறியுள்ளார். 

நடிகர் விஷ்ணு விஷால் வெளியிட்ட பதிவில், மன்னிக்கவும் வைரவன்.உங்கள் ஆன்மா சாந்தியடையட்டும் வெண்ணிலா கபடிகுழுவின் நினைவுகள் என்றும் நிலைத்திருக்கும் என தெரிவித்துள்ளார். 

இதேபோல் நடிகர் ரவி வெங்கட்ராமன் வெளியிட்ட பதிவில், வைரவனுடன் குள்ளநரி கூட்டம் படத்தில் இணைந்து பணியாற்றியுள்ளேன். அவரது மறைவு செய்தி அதிர்ச்சியளிப்பதாக கூறியுள்ளார்.