Bigg Boss Ultimate: வெளியானது பிக்பாஸ் அல்டிமேட் போட்டியாளர்கள் லிஸ்ட்.. போடு ! பத்த வைக்க வத்திக்குச்சி ரெடியா இருக்கு !
நடிகை ஓவியா பங்கேற்பதாக தகவல் இருந்தநிலையில் கடைசி நேரத்தில் மறுத்து விட்டதாகவும் தெரிகிறது.
பிக்பாஸ் தமிழ் 5 நிகழ்ச்சி கடந்த வாரம் முடிவடைந்த நிலையில், பிக்பாஸ் தயாரிப்பாளர்கள் புது முயற்சியாக பிக்பாஸுக்கென்று பிரத்யேக OTT தளத்தை தொடங்கி உள்ளனர். 13 போட்டியாளர்களுடன் 42 நாட்களுக்கு தொகுத்து வழங்கும் வகையில், இந்த நிகழ்ச்சியை மறுவடிவமைக்கும் பணியில் நிகழ்ச்சி ஏற்பாட்டாளர்கள் ஈடுபட்டுள்ளதாகவும் தகவல்கள் தெரிவிக்கின்றன.
இந்த புதிய நிகழ்ச்சியில் பிக்பாஸில் டைட்டில் வெற்றியாளர்களைத் தவிர அனைத்து பிக்பாஸ் சீசன் போட்டியாளர்களும் பங்கேற்பார்கள் என்றும் கூறப்பட்டுள்ளது. இந்தநிலையில், டிஸ்னி பிளஸ் ஹாட்ஸ்டார் ஓடிடி தளம் போன்று பிக்பாஸுக்கென்று பிரத்யேக ஓடிடி தளம் வெளியிடப்பட்டது. பிக் பாஸ் அல்டிமேட் 24x7 பிக் பாஸ் தமிழ் OTT என்னும் பெயரில் இதற்கான லோகோவை சிவகார்த்திகேயன் இறுதி போட்டியன்று வெளியிட்டார்.
டிஸ்னி+ ஹாட்ஸ்டார் தனது முதல் OTT பிரத்தியேகமான பிக்பாஸ் தமிழ் சீசனை ஜனவரி 30 முதல் 24x7 ஸ்ட்ரீமிங் செய்யப்படும் என அறிவிக்கப்பட்டது. 2022 ஆம் ஆண்டு முதல், மிகப்பெரிய OTT அறிமுகத்துடன்,கமல்ஹாசன் BiggBossUltimate-ஐயும் தொகுத்து வழங்கவுள்ளார் என்று தகவல் வெளியானது.
இந்நிலையில், BiggBossUltimate க்குள் செல்லும் நபர்கள் குறித்து விஜய் டிவி ப்ரோமோ மூலம் அறிவித்து வருகிறது. அதன்படி, பிக்பாஸ் அல்டிமேட்டின் முதல் போட்டியாளராக சினேகன் அறிவிக்கப்பட்டு, அவரைத்தொடர்ந்து, ஜூலி, வனிதா, சுரேஷ் சக்கரவர்த்தி, அபிராமி, தாடி பாலாஜி, அனிதா சம்பத் என 6 பேர் வீட்டிற்குள் வருகிறார்கள் என்று தகவல் தெரிவித்தது.
இதையடுத்து, தற்போது மீதமுள்ள 7 போட்டியாளர்கள் யார் என்ற பட்டியல் கிடைத்துள்ளது. அதில், கடந்த 5 வது சீசனில் பங்கேற்ற ஸ்ருதி, பாலா,தாமரை, ரேகா, அனிதா சம்பத், ஐஸ்வர்யா தத்தா,சாரிக் ஆகியோர் வீட்டிற்குள் செல்ல இருப்பதாக தகவல் வெளியாகியுள்ளது. முன்னதாக, நடிகை ஓவியா பங்கேற்பதாக தகவல் இருந்தநிலையில் கடைசி நேரத்தில் மறுத்து விட்டதாகவும் தெரிகிறது.
View this post on Instagram
பிக்பாஸ் அல்டிமேட் இன்று மாலை 6.30 மணிக்கு தொடங்கவிருக்கிறது. இதுகுறித்த ப்ரோமோவை நேற்று வெளியானது. இதனால் பிக்பாஸ் ரசிகர்கள் உற்சாகமடைந்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
