Bigg Boss Season 5 | இளநீர் குடிப்பேன்.. பிக்பாஸுக்கு போறேனா? இளநீர் குடிப்பேன்.. மெளனம் கலைத்த பிரபலம்..!

சம்யுக்தாவின் தோழியும், மாடலுமான பிரதாய்னி சுர்வா தனது இன்ஸ்டாகிராம் பக்கத்தில் ஒரு போஸ்டை பதிவு செய்துள்ளார்.

பிரதாயினி சுர்வா

பாலிவுட் பக்கம் அறிமுகமாகி மிகப்பெரிய ஹிட் அடித்த ரியாலிட்டி ஷோ பிக்பாஸ். இந்த தொடரின் தமிழ் பதிப்பு கடந்த 2017-ஆம் ஆண்டு ,விஜய் தொலைக்காட்சியில் அறிமுகமானது. அதற்கு கிடைத்த வெற்றியை தொடர்ந்து தற்போது 5-வது சீசன் விரைவில் ஒளிபரப்பாக உள்ளது. இது குறித்து எதிர்பார்ப்புகள் அதிகரித்து  வரும் சூழலில் , போட்டியாளர்களாக எந்தெந்த பிரபலங்கள் பங்கேற்பார்கள் என சமூக வலைதளங்களில் மிகப்பெரிய டிஸ்கசனே நடைப்பெற்று வருகிறது. இந்நிலையில் நடிகை ஷகீலாவின் மகள், திருநங்கை மிலா, விஜய் டிவி தொகுப்பாளர் பிரியங்கா, குக் வித் கோமாளி புகழ் ‘சுனிதா’, சமூக வலைத்தளத்தை ஆட்டிப்படைக்கும் ஜி.பி.முத்து, சின்ன தம்பி சீரியல் புகழ் பவானி ரெட்டி, நடிகை சூசன், சர்பட்டா பரம்பரை புகழ் சந்தோஷ் பிரதாப், பிக்பாஸ் 4 வது சீசனில் கலந்துக்கொண்ட சம்யுக்தாவின் நெருங்கிய தோழி பிரதாய்னி சுர்வா உள்ளிட்டவர்கள் பங்கேற்பதாக செய்திகள் வெளியாகி வருகின்றன.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Television (@vijaytelevision)

ஆனால் இது இன்னும் உறுதிப்படுத்தப்படாத தகவலாகவே இருப்பதால் ரசிகர்கள் குழப்ப நிலையில் உள்ளனர். இந்நிலையில் சம்யுக்தாவின் தோழியும், மாடலுமான   பிரதாய்னி சுர்வா தனது இன்ஸ்டாகிராம் பக்கத்தில் ஒரு போஸ்டை பதிவு செய்துள்ளார். அதில் பிக்பாஸ் சீசன் 5 -இல் பங்கேற்க இருக்கும் போட்டியாளர்கள் குறித்த விவரங்கள் அடங்கிய மீம் ஒன்றிற்கு ரியாக்ட் செய்வது போன்ற வீடியோ அமைந்துள்ளது. மற்ற போட்டியாளர்கள் பிக்பாஸ் வீட்டினுள் இருக்கும்பொழுதுதான் ரிலாக்ஸாக அமர்ந்து காத்து வாங்கிக்கொண்டிருப்பேன் என அந்த வீடியோவில் நடித்து காட்டியுள்ளார். மேலும் “உண்மையான போட்டியாளர்களுக்கு வாழ்த்துக்கள் “ என வீடியோவின் கடைசியில் குறிப்பிட்டுள்ளார்.  அந்த வீடியோவிற்கு கேப்ஷனாக “உங்கள் அன்பிற்கு நன்றி! நான் இங்குதான் இருப்பேன், இளநீரைக் குடித்துக்கொண்டு” என குறிப்பிட்டுள்ளார்.இதன் மூலம் அவர் போட்டியில் பங்கேற்கவில்லை என்பது கிட்டத்தட்ட உறுதியாகிவிட்டது.

 

 

 

 

 

View this post on Instagram

 

 

 

 

 

 

 

 

 

 

 

A post shared by PRADAINI SURVA OFFICIAL (@pradainisurva)

பிக்பாஸ் நிகழ்ச்சியை இந்திய திரையுலகின் முன்னணி நடிகரும், மக்கள் நீதிமய்யத்தின் தலைவருமான கமல்ஹாசன்  முதல் சீசனில் இருந்தே தொகுத்து வழங்கி வருகிறார். சமீபத்தில்தான் பிக்பாஸ் சீசன் 5 - இன் ப்ரோமோக்கள் வெளியானது.கடந்த செப்டம்பர் 3-ம் தேதி, முதல் ப்ரோமோ வெளியான நிலையில்,செப்டம்பர் 11-ஆம் தேதி இரண்டாவது ப்ரமோ வெளியானது, தேதி குறிப்பிடாமல் விரைவில் என வெளியான அந்த ப்ரமோக்கள் இணையத்தில் வைரலாகின. சென்னையில் உள்ள பூந்தமல்லியில் மிகப்பெரிய ஹவுசிங் செட்டப்பில் இந்த நிகழ்ச்சி நடைபெறுவது வழக்கம். மிகுந்த எதிர்பார்ப்பை ஏற்படுத்தியுள்ள பிக்பாஸ்  சீசன் 5 போட்டியில் பங்கேற்க உள்ள போட்டியாளர்களின் அதிகாரப்பூர்வ பட்டியல் விரைவில் வெளியாகும் என்றும் எதிர்பார்க்கப்படுகிறது.