Veera Simha Reddy: திடீரென திரையரங்கில் தீப்பற்றி எரிந்த தீ.... பாலகிருஷ்ணா ரசிகர்கள் தான் காரணமா?

தெலுங்கு தேசத்தில் வீர சிம்ஹா ரெட்டி படம ஓடிக்கொண்டிருக்கும்போது ஸ்கீரின் திடீரென பற்றி எரியும் காட்சி வெளியாகி இணையத்தில் பரபரப்பைக் கிளப்பியுள்ளது.

வீர சிம்ஹா ரெட்டி பட ஷோவில் பற்றி எறிந்த தீ

கோலிவுட் பொங்கல் போல் டோலிவுட்டில் சங்கராந்தி ஸ்பெஷலாக இன்று வீர சிம்ஹா ரெட்டி வெளியாகியுள்ளது.

மைத்ரி மூவி மேக்கர்ஸ் சார்பில் இயக்குநர் கோபிசந்த் மல்லினேனி இயக்கத்தில் நந்தமுரி பாலகிருஷ்ணா நடித்துள்ள படம் ‘வீர சிம்ஹா ரெட்டி’. இந்த படத்தில் ஹீரோயின்களாக ஸ்ருதிஹாசன், வரலட்சுமி சரத்குமார், ஹனி ரோஸ் ஆகியோர் நடித்துள்ளனர். இப்படத்திற்கு தமன் இசையைமத்துள்ள நிலையில் பாடல்கள் ரசிகர்களிடத்தில் பெரும் வரவேற்பை பெற்றுள்ளது. 

இந்த சங்கராந்திக்கு டோலிவுட்டில் பாலகிருஷ்ணாவின் வீர சிம்ஹா ரெட்டியும் சிரஞ்சீவியின் வால்டர் வீரய்யா படமும் நேருக்கு நேர் மோதும் நிலையில், இன்று வீர சிம்ஹா ரெட்டி படம் முதலில் ரிலீசானது. உலகம் முழுவதும் ரிலீசான இந்தப் படத்தை பாலகிருஷ்ணா ரசிகர்கள் இன்று காலை முதல் கொண்டாடித் தீர்த்து வருகின்றனர்.

இந்நிலையில் தெலுங்கு தேசத்தில் வீர சிம்ஹா ரெட்டி படம ஓடிக்கொண்டிருக்கும்போது ஸ்கீரின் திடீரென பற்றி எரியும் காட்சி வெளியாகி இணையத்தில் பரபரப்பைக் கிளப்பியுள்ளது.

 

#VeeraSimhaReddy

Safety Patichandi pic.twitter.com/Vg3F10At4T

— Milagro Movies (@MilagroMovies) January 12, 2023

முதல் நாள் காட்சிகளில் ஆர்வமிகுதியில் ரசிகர்கள்  திரையரங்குகளில் எல்லை மீறி அதகளம் செய்து கொண்டிருக்கும் நிலையில், தீ வைத்தது ரசிகர்களின் வேலையாக இருக்குமோ என சந்தேகிக்கப்படுகிறது.

இதேபோல் அமெரிக்காவின் கன்சாஸ் மாகாணத்தைச் சேர்ந்த திரையரங்கு ஒன்றில் பாலகிருஷ்ணா ரசிகர்கள் திரையரங்கில் உற்சாக மிகுதியில் நம் ஊரில் நடந்து கொள்வது போல் திரையரங்கில் அதகளம் செய்ததால்  படம் பாதியிலேயே நிறுத்தப்பட்டது.

படம் பார்த்துக் கொண்டிருக்கையில் பாலய்யாவுக்கு விசில் பறக்கவிட்டதுடன் காகிதங்களைக் கிழித்து பாலகிருஷ்ணா ரசிகர்கள் பறக்கவிட்ட நிலையில், கடுப்பான தியேட்டர் உரிமையாளர்கள் உள்ளூர் காவல் துறையினரை வரவழைத்து எச்சரித்தனர்.

 

Veera Simha Reddy show stopped due to throwing papers and cheering loudly in USA 🤯#VeeraSimhaReddy pic.twitter.com/T1oqAouqwQ

— Kerala Trends (@KeralaTrends2) January 12, 2023

தொடர்ந்து படம் பாதியிலேயே நிறுத்தப்பட்டதுடன் பாதிலேயே ரசிகர்கள் வெளியேறினர். இந்நிலையில், தங்கள் திரையரங்கில் இதுபோல இப்படி ஒரு சம்பவம் முன்னதாக நடந்ததில்லை என திரையரங்க உரிமையாளர் கோபமாக ரசிகர்களுடன் பேசும் வீடியோ இணையத்தில் வைரலாகி வருகிறது.

சங்கராந்தி ஸ்பெஷல் வரிசையில் டோலிவுட் மெகா ஸ்டார் சிரஞ்சீவி மற்றும் முன்னணி நடிகர் ரவி தேஜா இணைந்து நடித்துள்ள ‘வால்டர் வீரய்யா’ படம் நாளை ஜனவரி 13ஆம் தேதியும், வாரிசு படத்தின் தெலுங்கு டப்பிங்கான வாரசுடு படம் நாளை மறுநாள் ஜனவரி 14ஆம் தேதியும் ரிலீசாகிறது.

நேற்று துணிவு படத்தின் தெலுங்கு டப்பிங்கான தெகிம்பு படம் ரிலீசாகி தெலுங்கு ஆடியன்ஸிடம் வரவேற்பைப் பெற்று வருவது குறிப்பிடத்தக்கது.