Allu Arjun Speech | கமல், விஜய், சிம்பு... பட்டியல்போட்டு கொண்டாடிய புஷ்பா ஹீரோ..

புஷ்பா திரைப்படம் முழுக்க முழுக்க செம்மரக்கடத்தல், மற்றும்  மரம் கடத்தலை மையமாக வைத்தும்...  அவர்களுடைய வாழ்க்கையை எடுத்துக் கூறும் வகையிலும் எடுக்கப்பட்டுள்ளது.

அல்லு அர்ஜுன்

“நல்ல படத்தோடு இங்கு வர வேண்டும் என்பதற்காக இத்தனை ஆண்டுகள் காத்திருந்தேன்” என்று புஷ்பா பட விழாவில்  நடிகர் அல்லு அர்ஜூன் பேசினார்.

சுகுமார் இயக்கத்தில் அல்லு அர்ஜூன் நடிப்பில் உருவான திரைப்படம் ‘புஷ்பா’. மிகப்பெரிய பட்ஜெட்டில்  மைத்ரி மூவி மேக்கர்ஸ் நிறுவனம் இந்தப் படத்தை தயாரித்துள்ளது. ஃபகத் பாசில், ராஷ்மிகா மந்தனா உள்ளிட்ட பல முக்கிய பிரபலங்கள் இந்த படத்தில் ஒப்பந்தமாகி நடித்துள்ளனர். புஷ்பா படம் இரண்டு பாகங்களாக வெளியாக உள்ளது. இந்த படத்தின் முதல் பாகம் எப்போது வெளியாகும் என எதிர்பார்த்தவர்களுக்கு  இந்த ஆண்டு கிருஸ்துமஸ் விடுமுறையின் பொழுது படம் ரிலீஸ் ஆகும் என்ற அறிவிப்பை கொடுத்து இன்ப அதிர்ச்சி ஏற்படுத்தியது.  சமீபத்தில் வெளியான முதல் பாக படத்தின் டிரெய்லர் ரசிகர்களை வெகுவாக கவந்தது.  தமிழ், தெலுங்கு, கன்னடம் , மலையாளம், இந்தி என  ஐந்து மொழிகளில் உருவாகியுள்ளது.

இந்த நிலையில், சென்னையில் இன்று  ‘புஷ்பா’ படக்குழு செய்தியாளர்களை சந்தித்தது. அப்போது பேசிய அல்லு அர்ஜூன், தான் தமிழ்நாட்டில் பிறந்து 20 வருடங்கள் இங்குதான் வாழ்ந்ததாகவும், நல்ல படத்தோடு இங்கு வர வேண்டும் என்பதற்காக இத்தனை வருடங்கள் காத்திருந்ததாகவும் கூறினார். தான் பேசும் தமிழ் தவறாக இருந்தாலும் தமிழில்தான் பேசுவேன் என்றும், அதுதான் அழகாக இருக்கும் என்றும் பேசினார். மேலும், சென்னையில் பிறந்தவன் தான் என்றும், தமிழ்நாட்டில் தன் படம் வெற்றி பெற்றால்தான் சாதித்தது போல் உணர்வேன் என்றும் கூறினார். கடைசியாக தெலுங்கு பேசுற தமிழ் பையன் என தன்னை தன் நண்பர்கள் அழைப்பார்கள் எனவும் கூறினார்.

தொடர்ந்து பேசிய அல்லு அர்ஜூன், கமல் ஹாசன், விஜய், சிம்பு ஆகியோர் தமிழ் சினிமாவில் நன்றாக நடனம் ஆடுபவர்கள் என்றும் கூறினார். மேலும் படிக்க: Allu Arjun Angry: சலசலப்பு.. ரசிகர்கள் காயம்.. நிகழ்ச்சியை கேன்சல் செய்து பாதி வழியில் திரும்பிய புஷ்பா ஹீரோ..

முன்னதாக, புஷ்பா படத்திற்காக கடுமையாக உழைத்த படக்குழுவின் முக்கியமான 40 உறுப்பினர்களுக்கு தலா 11.66 கிராம் மதிப்புள்ள தங்க நாணயத்தை அல்லு அர்ஜூன் வழங்கியுள்ளார். அத்துடன், அனைத்து தயாரிப்பு  ஊழியர்களுக்கும் 10 லட்சம் ரூபாய் ரொக்க பரிசாக கொடுத்துள்ளார்.

புஷ்பா திரைப்படம் முழுக்க முழுக்க செம்மரக்கடத்தல், மற்றும்  மரம் கடத்தலை மையமாக வைத்தும்...  அவர்களுடைய வாழ்க்கையை எடுத்துக் கூறும் வகையிலும் எடுக்கப்பட்டுள்ளது.  இப்படத்தில் அல்லு அர்ஜுன் லாரி டிரைவராகவும், மரம் கடத்துபவராகவும் முற்றிலும் வித்தியாசமான தோற்றத்தில் நடித்துள்ளார் என்பது குறிப்பிடத்தக்கது.மேலும் படிக்க: Allu Arjun fans: ‛இனி அசம்பாவிதம் நடக்காமல் பார்த்துக் கொள்கிறேன்’ -வருத்தம் தெரிவித்த அல்லு அர்ஜூன்!

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண