Actress Shriya Saran: இப்படி இருந்தேன்.. கர்ப்பகாலத்தில் எடுத்த க்யூட் ஃபோட்டோ பகிர்ந்த ஸ்ரேயா

தான் கர்ப்பமாக இருந்தபோது எந்தப் புகைப்படங்களும் பகிராமல் ரகசியம் பேணி வந்த ஸ்ரேயா, முதன்முறையாக தான் கருவுற்றிருந்தபோது எடுத்த புகைப்படத்தைப் பகிர்ந்துள்ளார்.

ஸ்ரேயா

2021 முதல் 2023 வரையிலான வாழ்க்கை... க்யூட் புகைப்படங்கள் பகிர்ந்த ஷ்ரேயா!

தமிழ், தெலுங்கு சினிமாக்களில் முன்னணி கதாநாயகியாக வலம்வந்து தனக்கென பெரும் ரசிகர் பட்டாளத்தைக் கொண்டிருப்பவர் நடிகை ஸ்ரேயா சரண். 

2001ஆம் ஆண்டு இஷ்டம் எனும் தெலுங்கு படத்தில் அறிமுகமான நடிகை ஸ்ரேயா, 2003ஆம் ஆண்டு ‘எனக்கு 20 உனக்கு 18’ திரைப்படம் மூலம் தமிழில் அறிமுகமானார். அதன் பின் தமிழ், தெலுங்கு, இந்தி என வலம் வந்தவருக்கு தமிழில், பெரும் திருப்புமுனையாக அமைந்த திரைபடம் சிவாஜி த பாஸ்.

நடிகர் ரஜினிகாந்துடன் முதன்முறையாக ஜோடி சேர்ந்த ஸ்ரேயா கோலிவுட்டின் ஹாட் டாப்பிக்காக மாறினார். ஆனால் அதன் பின் கந்தசாமி, குட்டி என ஒரு சில திரைப்படங்கள் தவிர தமிழில் அவருக்கு சொல்லிக்கொள்ளும்படியான திரைப்படங்கள் அமையவில்லை.

எனினும் தெலுங்கு உள்ளிட்ட பிற மொழிகளில் தொடர்ந்து நடித்து தன் ரசிகர் பட்டாளத்தைத் தக்கவைத்து வந்த ஸ்ரேயா, 2018ஆம் ஆண்டு ஆண்ட்ரே கோஸ்சீவ் எனும் ரஷ்ய டென்னிஸ் வீரரை திருமணம் செய்து கொண்டார். தொடர்ந்து 4 ஆண்டுகள் கழித்து கருவுற்ற நடிகை ஸ்ரேயா, சென்ற ஆண்டு ‘ராதா’ எனும் பெண் குழந்தைக்குத் தாயானார்.

ஸ்ரேயா தான் கருவுற்றிருந்தது குறித்து ரகசியமாகப் பேணிவந்த நிலையில், திடீரென தனக்கு குழந்தை பிறந்ததை அறிவித்து தன் ரசிகர்களை இன்ப அதிர்ச்சிக்குள்ளாக்கினார்.

அதன் பின் மீண்டும் ஃபிட்டாகி தற்போது அடுத்த ரவுண்டில் காலடி எடுத்து வைத்து மீண்டும் சினிமாவில் கலக்கி வருகிறார்.இந்நிலையில், முன்னதாக 2021ஆம் ஆண்டு முதல் 2023ஆம் ஆண்டு வரையிலான க்யூட் ஃபோட்டோக்களை தன் இன்ஸ்டா பக்கத்தில் ஸ்ரேயா பகிர்ந்துள்ளார். 

இந்தப் புகைப்படங்கள் இணையத்தில் வைரலாகியுள்ளன. மேலும் தான் கர்ப்பமாக இருந்தபோது எந்தப் புகைப்படங்களும் பகிராமல் ரகசியம் பேணி வந்த ஸ்ரேயா, முதன்முறையாக தான் கருவுற்றிருந்தபோது எடுத்த புகைப்படத்தைப் பகிர்ந்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shriya Saran (@shriya_saran1109)

இறுதியாக பிரமாண்ட பட்ஜெட்டில் உருவாகியிருந்த கப்ஸா படத்தில் ஸ்ரேயா நடித்திருந்தார். இந்தப் படம் கலவையான விமர்சனங்களைப் பெற்றது. அடுத்ததாக மியூசிக் ஸ்கூல் எனும் படத்தில் ஸ்ரேயா நடிக்க உள்ளார். இந்தத் திரைப்படம் இந்தி, தெலுங்கு, தமிழ் ஆகிய மொழிகளில் உருவாகி வருவது குறிப்பிடத்தக்கது.

மேலும் படிக்க: Ayalaan : கார்த்தி, தனுஷை தொடர்ந்து தீபாவளி ரிலீஸில் களம் காணும் சிவகார்த்திகேயன்.. மகிழ்ச்சியில் “அயலான்” ரசிகர்கள்..!