![ABP Premium](https://cdn.abplive.com/imagebank/Premium-ad-Icon.png)
Watch Video: “வயச சாக்கு சொல்லாதீங்க” - கடுமையான உடற்பயிற்சி வீடியோவுடன் மாளவிகா சொன்ன விஷயம்!
தற்போது 44 வயதாகும் மாளவிகா, ‘ஸ்வேதா கொன்னூர் மேனன்’ எனும் தன் ஒரிஜினர் பெயரில் கடந்த சில ஆண்டுகளாக தன் இன்ஸ்டா பக்கத்தில் படுஆக்டிவ்வாக இருந்து வருகிறார்.
![Watch Video: “வயச சாக்கு சொல்லாதீங்க” - கடுமையான உடற்பயிற்சி வீடியோவுடன் மாளவிகா சொன்ன விஷயம்! actress malavika shweta konnur menon shares work out video and left fans speechless Watch Video: “வயச சாக்கு சொல்லாதீங்க” - கடுமையான உடற்பயிற்சி வீடியோவுடன் மாளவிகா சொன்ன விஷயம்!](https://feeds.abplive.com/onecms/images/uploaded-images/2024/02/12/df6c912da09dfd6aa1ee140dffcd5e161707729768582574_original.jpg?impolicy=abp_cdn&imwidth=1200&height=675)
90களின் மத்தியில் இளைஞர்களின் கனவுக்கன்னியாக விளங்கிய நடிகைகளுள் ஒருவர் மாளவிகா. நடிகர் அஜித் குமார் ஜோடியாக சுந்தர். சி இயக்கிய ‘உன்னைத் தேடி’ திரைப்படத்தின் மூலம் தமிழ் சினிமாவில் அறிமுகமான மாளவிகா, தொடர்ந்து தமிழ், தெலுங்கு, கன்னடம், மலையாளம் என பல மொழிப் படங்களில் நடித்தார்.
க்யூட் பப்ளி ஹீரோயினாக அறிமுகமான மாளவிகாவுக்கு என்ன தான் அடுத்தடுத்து ஹீரோயினாக வெற்றிப் ப்டங்கள் அமையாவிட்டாலும், “கருப்பு தான் எனக்கு பிடிச்ச கலரு“, “வாள மீனுக்கும் விலாங்கு மீனுக்கும்’ ஆகிய எவர்க்ரீன் பாடல்கள் ஹிட் அடித்து அனைத்து தரப்பு ரசிகர்களிடமும் இவரைக் கொண்டு சேர்த்தன.
கடந்த 2007ஆம் ஆண்டு சுமேஷ் என்பவரைத் திருமணம் செய்து கொண்டு செட்டில் ஆன மாளவிகாவுக்கு இரண்டு மகன்கள் உள்ளனர். தொடர்ந்து திருமணத்துக்குப் பிறகு வெகு சில படங்களில் கெஸ்ட் ரோலில் நடித்து வந்த மாளவிகா கொஞ்சம் கொஞ்சமாக சினிமாவை விட்டு விலகினார்.
இந்நிலையில் தற்போது 44 வயதாகும் மாளவிகா, ‘ஸ்வேதா கொன்னூர் மேனன்’ எனும் தன் ஒரிஜினர் பெயரில் கடந்த சில ஆண்டுகளாக தன் இன்ஸ்டா பக்கத்தில் படுஆக்டிவ்வாக இருந்து வருகிறார். மேலும், தன் தினசரி பக்கங்கள், அழகான குடும்ப வாழ்க்கை, உடற்பயிற்சிகள் மேற்கொள்ளும் புகைப்படங்கள், வீடியோக்கள் பகிர்ந்து ரசிகர்களுடன் உரையாடி வருகிறார்.
அந்த வகையில் “பெண்களுக்கு வயது ஒரு தடையல்ல” என வலியுறுத்தி தற்போது கடுமையான உடற்பயிற்சி மேற்கொள்ளும் வீடியோ ஒன்றை மாளவிகா பகிர்ந்துள்ளார்.
“உங்கள் இலக்கை அடைவதற்கு வயதை சாக்கு சொல்லாதீங்க.. உங்கள் வயது சவால்களை முன்வைத்தாலும், அது கடக்க முடியாத தடையெல்லாம் இல்லை..
உங்கள் பயணத்தைத் தழுவி, மாற்றியமைத்து, முன்னோக்கி செல்லுங்கள். உங்கள் உடலை வடிவமைக்கும் பவர் உங்களிடம் தான் உண்டு. உங்களை நேசிக்கவும், எந்த வயதிலும் வலுவாகவும் உங்களுக்கு சக்தி உள்ளது. உறுதியுடன் பின்னோக்கி செல்லாமல், நம்மை நம்ப வேண்டும்.
எனவே, சாக்குப்போக்குகளை விட்டுவிட்டு ஒன்றாக முன்னேறுவோம்” எனப் பதிவிட்டுள்ளார்.
View this post on Instagram
மாளவிகாவின் இந்த வீடியோவுக்கு அவரது ரசிகர்கள் இதயங்களைப் பகிர்ந்து வருகிறார்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)