Actress Amalapaul : அமலாபால் ஹாப்பி அண்ணாச்சி..! முடிவுக்கு வந்த நீண்டநாள் எதிர்பார்ப்பு!!
நடிகை அமலாபால் நடிப்பில் உருவாகி நீண்டநாட்களாக கிடப்பில் உள்ள அதோ அந்த பறவை படம் விரைவில் வெளியாக உள்ளதாக தகவல்கள் வெளியாகியுள்ளது.
தமிழ் திரையுலகின் முன்னணி நடிகை அமலாபால். சிந்து சமவெளி படம் மூலமாக தமிழில் அறிமுகமான அமலாபால் தெய்வத்திருமகள், தலைவா, வேலையில்லா பட்டதாரி உள்பட பல படங்களில் நடித்துள்ளார். இயக்குனர் ஏ.எல். விஜய்யை திருமணம் செய்த பிறகு அவருடன் ஏற்பட்ட கருத்து வேறுபாடு காரணமாக அவரை விவகாரத்து செய்தார்.
விவாகரத்திற்கு பிறகு ஆடை திரைப்படத்தில் நடித்தார். இந்த படத்தில் அமலாபால் நிர்வாணமாக நடித்திருந்தார். இந்த படத்திற்கு தனக்கு மார்க்கெட் எகிறும் என்று அமலாபால் எதிர்பார்த்தார். ஆனால், படம் பெரியளவில் வெற்றி பெறவில்லை. இதனால், அமலாபால் முயற்சிக்கு முழு பலன் கிட்டவில்லை. மேலும், அமலாபாலுக்கு அடுத்தடுத்து பட வாய்ப்புகள் குவியும் என்ற எதிர்பார்ப்பும் ஏமாற்றத்தில் முடிந்தது.
கடந்த சில மாதங்களாக போதிய பட வாய்ப்புகள் இல்லாமல் தவித்து வரும் அமலாபால் நடிப்பில் உருவாகி நீண்ட நாட்கள் கிடப்பில் கிடந்த அதோ அந்த பறவை போல படத்தை ரிலீஸ் செய்யும் பணிகள் தீவிரம் அடைந்துள்ளன. அவரது அதோ அந்த பறவை போல படத்தை யாரும் ரிலீஸ் செய்ய முன்வராத சூழலில் வி ஸ்கொயர் என்டர்டெயின்மெண்ட் நிறுவனம் படத்தை ரிலீஸ் செய்ய உள்ளதாக தகவல் வெளியாகியுள்ளது.
கே.ஆர். வினோத் இயக்கத்தில் உருவாகியுள்ள இந்த படத்தில் அமலாபால் ஒரு அடர்ந்த வனத்திற்குள் சிக்கிக்கொள்வது போலவும், அதில் இருந்து எப்படி மீள்கிறார் என்பது போலவும் திரைக்கதை உருவாக்கப்பட்டுள்ளது. இந்த படத்திற்கு ஜேக்ஸ் பிஜோய் இசையமைத்துள்ளார். ஆஷிஷ் வித்யார்தி முக்கிய கதாபாத்திரத்தில் நடித்துள்ளார். 2020ம் ஆண்டே இந்த படத்தின் ட்ரெயிலர் வெளியாகியது என்பது குறிப்பிடத்தக்கது.
இந்த படத்திற்கு பிறகு அமலாபாலுக்கு பட வாய்ப்புகள் வரும் என்று அவர் நம்புவதாக தகவல்கள் கூறப்படுகிறது. மேலும், அமலாபாலிற்கு ஏராளமான வெப்சீரிஸ்களில் நடிக்க வாய்ப்புகள் வருவதாகவும் தகவல்கள் வெளியாகியுள்ளது.
மேலும் படிக்க : Singer sonu nigam: தமிழுக்கு ஆதரவாக இந்தியில் இருந்து ஒரு குரல்! இந்திக்கு எதிராக கொந்தளித்த பாலிவுட் பாடகர்!
மேலும் படிக்க : எப்போதுமே ஐதராபாத்..வயிற்றில் அடிக்காதீங்க.! அஜித்துக்கு நேரடியாக வேண்டுகோள் விடுத்த செல்வமணி!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
