விஜய்க்கு வேட்டுவைக்க வந்த வைகைப் புயல்...மீண்டும் திமுக பிரச்சாரத்தில் வடிவேலு

பல வருடங்களாக அரசியலில் இருந்து விலகி இருந்த நடிகர் வடிவேலு மீண்டும் திமுகவுக்கு ஆதரவு தெரிவித்து பேசியுள்ளது பரபரப்பை ஏற்படுத்தியுள்ளது

வடிவேலு , விஜய் , தவெக , திமுக

Source : Twitter

சட்டமன்ற தேர்தல் 2026

2026 ஆம் ஆண்டு ஏப்ரல் மாதம் தமிழ்நாடு , கேரளா , புதுச்சேரி மற்றும் மேற்கு வங்க மாநிலங்களில் சட்டபேரவைத் தேர்தல் நடைபெற இருக்கிறது. தமிழ்நாட்டைப் பொறுத்தவரை இந்த முறையும் திமுக பெரும்பான்மை வாக்குகளைப் பெற்று ஆட்சி அமைக்கும் என்று எதிர்பார்க்கப்படுகிறது. அதே நேரத்தில் விஜயின்  தமிழக வெற்றிக் கழகம் திமுகவுக்கு கடும் நெருக்கடியைக் கொடுப்பார் என எதிர்பார்க்கலாம். சட்டப்பேரவை தேர்தலில் 200 தொகுதிகளை வெற்றி இலக்காக முதலமைச்சர் முக ஸ்டாலின் அறிவித்துள்ளார். இந்நிலையில் பல வருடங்களாக அரசியலில் இருந்து விலகி இருந்த நடிகர் வடிவேலு மீண்டும் திமுகவுக்கு ஆதரவு தெரிவித்து பேசியுள்ளது பரபரப்பை ஏற்படுத்தியுள்ளது.

மீண்டும் களத்தில் இறங்கிய வடிவேலு

தமிழ் சினிமாவில் முன்னணி காமெடி நட்சத்திரமாக வலம் வந்த நடிகர் வடிவேலு 2011 ஆம் ஆண்டு சட்டபேரவைத் தேர்தலில் திமுகவுக்கு ஆதரவாக பிரச்சாரம் செய்தார். அப்போது அவர் தேமுதிக தலைவர் விஜய்காந்துக்கு எதிராக கடுமையாக பேசி சிக்கலில் மாட்டினார். இதனைத் தொடர்ந்து சினிமா மட்டும் அரசியலை விட்டு விலகி இருந்த வடிவேலு மீண்டும் அரசியல் மேடைகளில் தலைகாட்டத் தொடங்கினார். சென்னையில் கடந்த வியாழக்கிழமை இரவு நடைபெற்ற முதல்வர் ஸ்டாலின் பிறந்த நாள் கொண்டாட்ட நிகழ்வில் கலந்துகொண்டு பேசினார். அப்போது அவர்

" யார் யாருக்கு எந்த மொழியை கற்றுக் கொள்ள வேண்டுமோ கற்றுக் கொள்ளட்டும். யாரும் யாரையும் கட்டாயப்படுத்த வேண்டும். 5000 ஆண்டு பழமையான மொழி தமிழ் . 2000 ஆண்டுகளுக்கு மும் திருவள்ளுவர் திருக்குறளை எழுதியுள்ளார். தமிழ் மொழிக்காக உயிரைக் கொடுப்பேன் என முதல்வர் ஸ்டாலின் தெரிவித்துள்ளது மக்களை நெகிழ வைத்துள்ளது. வருகின்ற 2026 ஆம் ஆண்டு சட்டமன்றத் தேர்தலில் முதல்வர் ஸ்டாலின் தலைமையில் திமுக 200 தொகுதிகளுக்கு மேல் கைபற்றி மீண்டும் ஆட்சியை பிடிக்கும்" என  வடிவேலு தெரிவித்துள்ளார்

விஜய்க்கு வேட்டுவைக்க வந்த வைகைப் புயல்

சட்டமன்ற தேர்தலில் திமுகவுக்கு எதிராக விஜய் போட்டியிட இருக்கும் நிலையில் வடிவேலு திமுகவுக்கு ஆதரவாக களமிறங்கியுள்ளது பரபரப்பை ஏற்படுத்தியுள்ளது. 2011 ஆம் ஆண்டைப் போலவே திமுகவுக்கு ஆதரவாக வடிவேலு களமிறங்குவாரா. அப்படி வந்தால் விஜய்க்கு எதிராக பிரச்சாரம் செய்வாரா என்கிற கேள்வி எழுந்துள்ளது.