Suriya 46 : சூர்யாவின் 46 ஆவது பட பூஜை...மீண்டும் ஒரு உண்மை கதையில் சூர்யா..இதான் கதையா!

ரெட்ரோ படத்தின் வெற்றியைத் தொடர்ந்து வெங்கி அட்லூரி இயக்கத்தில் சூர்யா நடிக்கு சூர்யா 46 படத்தின் பூஜை இன்று நடைபெரற்றது

சூர்யா, சூர்யா 46 , வெங்கி அட்லூரி , மமிதா பைஜூ

Source : Twitter

சூர்யா 46 பூஜை

 

சூர்யா நடித்த ரெட்ரோ திரைப்படம் உலகளவில் ரூ 235 கோடி வசூலித்துள்ளது. அடுத்தபடியாக ஆர்.ஜே பாலாஜி இயக்கிவரும் சுர்யா 45 படத்தின் படப்பிடிப்பையும் முடிவு செய்துள்ளார் சூர்யா. ரெட்ரோ படத்தின் வசூல் வெற்றியைத் தொடர்ந்து தனது அடுத்த படத்தின் படப்பிடிப்பை தொடங்கியுள்ளார் சூர்யா. வாத்தி , லக்கி பாஸ்கர் ஆகிய படங்களை இயக்கிய வெங்கி அட்லூரி இந்த படத்தை இயக்குகிறார்.

மமிதா பைஜூ நாயகியாக நடிக்கிறார். சிதாரா என்டர்டெயின்மெண்ட் இந்த படத்தை தயாரிக்கிறது.ஜி.வி பிரகாஷ் இசையமைக்கிறார். சூர்யா 46 படத்தின் பூஜை இன்று நடைபெற்றது. இந்த நிகழ்வின் புகைப்படங்கள் இணையத்தில் பரவலாக ஷேர் செய்யப்பட்டு வருகின்றன

The most anticipated #Suriya46 has been officially launched with a grand pooja ceremony! 🔥@Suriya_offl x #VenkyAtluri unite to create magic on screen! 💥💥

Thank you #Trivikram garu for gracing and marking the beginning of this journey with the first clap 🎬

🎬 Shoot begins… pic.twitter.com/is7MhRkVAF

— Sithara Entertainments (@SitharaEnts) May 19, 2025

சூர்யா 46 கதை

இப்படம் தொடர்பாக சில தகவல்கள் தற்போது இணையதளத்தில் வெளியாகியுள்ளன. இந்திய அரசு மற்றும் சுஸூகி மோட்டார் நிறுவனம் இணைந்து கண்டுபிடித்த மாருதி 796 ரக இஞ்சின் உருவாக்கப்பட்ட கதையை மையமாக வைத்து இப்படம் உருவாக இருப்பதாகவும் இதில் சூர்யா முக்கிய கதாபாத்திரத்தில் நடிக்க இருப்பதாகவும் தகவல்கள் வெளியாகியுள்ளன. ஜப்பான் நிறுவனமான சுஸூகி மோட்டார்ஸ் மற்றும் இந்திய அரசு சேர்ந்து இந்த இஞ்சினை உருவாக்கியதற்கு பின் பல்வேறு சுவாரஸ்யமான தகவல்களை இணைந்து இப்படத்தின் திரைக்கதை அமைந்துள்ளதாக தகவல்கள் வெளியாகியுள்ளன.

சூர்யா முன்னதாக நடித்த சூரரைப் போற்று திரைப்படம் கேப்டன் ஜி.ஆர் கோபிநாத்தின் வாழ்க்கை வரலாற்றை மையமாக வைத்து உருவானது. கடும் எதிர்ப்புகளுக்கு பின் ஓடிடியில் வெளியான இப்படம் ரசிகர்களிடம் மிகப்பெரிய வரவேற்பைப் பெற்றது. அதே நேரம் வெங்கி அட்லூரி இயக்கத்தில் கடந்த ஆண்டு வெளியான லக்கி பாஸ்கர் திரைப்படம் 100 கோடிக்கும் மேல் வசூலித்தது. எல்லா தரப்பு ரசிகர்களிடமும் இந்த படம் வரவேற்பைப் பெற்றதான் சூர்யா 46 படத்திற்கும் பெரியளவில் எதிர்பார்ப்பு இருந்து வருகிறது.