Actor Simbu Ko Testshoot: நடிகர் சிம்புவின் "கோ" திரைப்பட டெஸ்ட்ஷூட்ஸ் - வைரல் ஆன புகைப்படங்கள்..

கோ படத்தின் நடிகராக சிம்புவை வைத்து ஆரம்பகட்ட பட காட்சிகள் ஒளிப்பதிவு செய்யப்பட்டது.

சிம்புவின் "கோ" போட்டோஷூட்

இயக்குநர் கேவி ஆனந்த் இயக்கத்தில் 2011-ஆம் ஆண்டு வெளியான திரைப்படம் "கோ". நடிகர் ஜீவா, நடிகை கார்த்திகா நாயர் உள்ளிட்டோர் நடிப்பில் வெளிவந்த இந்த படம் வெற்றி படமாகவும் அமைந்தது. ஜீவாவுக்கு ஒரு பிரேக் ஆகவும் அமைந்த இந்த படத்தில் முதலில் நடிக்க ஒப்பந்தமானவர் நடிகர் சிம்பு...

கோ படத்தின் நடிகராக சிம்புவை வைத்து ஆரம்பகட்ட பட கட்சிகளின் ஒளிப்பதிவு தொடங்கியது, ஆனால் ஒரு சில காரணங்களால் நடிகர் சிம்பு படப்பிடிப்பு தொடங்கிய சில நாட்களிலேயே கோ படத்தில் இருந்து விலகினார். அதன் பின்னரே நடிகர் ஜீவா இந்த படத்தில் நடிக்க ஒப்பந்தமானார்.

தற்போது நடிகர் சிம்பு கோ படத்தில் நடித்த ஆரம்ப கட்சிகளின் போட்டோஷூட் புகைப்படங்கள் வெளியாகி இணையத்தில் வைரலாகி வருகிறது. படத்தின் சில முக்கியமான காட்சிகளில் சிம்பு நடிக்கும் பொது எடுக்கப்பட்ட இந்த புகைப்படங்களை கண்ட ரசிகர்கள் "சிம்புவே" படத்தில் நடித்து இருக்கலாமோ என்ற எண்ணத்தையும் ஏற்படுத்தியுள்ளது.

அண்மையில் இயக்குனர் கே.வி ஆனந்த் காலமானபோது, "கோ படத்தில் நான் நடிப்பதாக இருந்தது, ஆனால் நடக்காமல் போய்விட்டது” என நடிகர் சிம்பு உருக்கமான பதிவை வெளியிட்டிருந்தார், இந்நிலையில் அதன் போட்டோஷூட் படங்கள் வெளியாகி இருப்பது குறிப்பிடத்தக்கது.