RJ Balaji: ஒரு உயிரே போயிடுச்சி...படத்தோட வசூல் பற்றி நீங்க கவலைப்படாதீங்க.. ரசிகர்களுக்கு ஆர்.ஜே.பாலாஜி பதிலடி

ரசிகர்கள் படத்தை பார்த்து கருத்து மட்டும் சொன்னால் போதும் என ரன் பேபி ரன் டிரெய்லர் வெளியீட்டு விழாவில் நடிகர் ஆர்.ஜே.பாலாஜி கருத்து ஒன்றை தெரிவித்துள்ளார். 

ஆர்.ஜே.பாலாஜி

ரசிகர்கள் படத்தை பார்த்து கருத்து மட்டும் சொன்னால் போதும் என ரன் பேபி ரன் டிரெய்லர் வெளியீட்டு விழாவில் நடிகர் ஆர்.ஜே.பாலாஜி கருத்து ஒன்றை தெரிவித்துள்ளார். 

ஜெயன் கிருஷ்ணகுமார் இயக்கத்தில் ஆர்.ஜே.பாலாஜி. ஐஸ்வர்யா ராஜேஷ் நடிப்பில் உருவாகியுள்ள படம் “ரன் பேபி ரன்”. பிரின்ஸ் பிக்சர்ஸ் சார்பில் எஸ்.லக்‌ஷ்மண் குமார் மற்றும் வெங்கட் இப்படத்தை தயாரித்துள்ளனர். சாம் சி.எஸ். இப்படத்திற்கு இசையமைத்துள்ளார். இதன் ட்ரெய்லர் வெளியீட்டு விழா நேற்று நடைபெற்றது. ரன் பேபி ரன் பிப்ரவரி 3 ஆம் தேதி தியேட்டரில் வெளியாகிறது.

இந்நிகழ்ச்சியில் பேசிய நடிகர் ஆர்.ஜே.பாலாஜி, ரன் பேபி ரன் திரைப்படம் இருக்கையின் நுனியில் அமர்ந்து பார்க்கக்கூடிய அளவிற்கு த்ரில்லராக இருக்கும் என்று தெரிவித்தார். மேலும் இது ஒரு லாபகரமான படமாக இருக்கும். இதை நான் ஏன் இப்பவே சொல்கிறேன் என்றால், இந்த காலக்கட்டத்தில் படம் எடுக்கிறவர்களை விட, இளைஞர்கள் வசூலில் அக்கறை காட்டுகிறார்கள். சில தினங்கள் முன் கூட முதல் நாள் வசூல், இரண்டாம் நாள் வசூல், யூட்யூப் வியூ, துபாய் பில்டிங்கில் டிரெய்லர் போட்டார்களா என யோசித்து இளைஞர்களோட ஆற்றல், நேரம் தான் வீணாகிறது.

 

 

 

 

 

View this post on Instagram

 

 

 

 

 

 

 

 

 

 

 

A post shared by RJ Balaji (@irjbalaji)

உண்மையை சொல்ல வேண்டும் என்றால்,  கோடி கோடியாக சம்பளம் வாங்கி நடிக்கும் நடிகர்கள், இயக்குநர்கள் படம் நல்லா வர வேண்டும் என கவலைப்பட வேண்டுமே இளைஞர்கள் அல்ல என ஆர்.ஜே.பாலாஜி கூறினார். இளைஞர்கள் இதைப் பத்தி கவலைப்படுறது தேவையில்லாத விஷயம். எனக்கு தனிப்பட்ட முறையில் உடன்பாடில்லை என அவர் தெரிவித்தார். கடந்த வாரம் கூட ஒரு உயிர் போச்சு. எனக்கு இளைஞர்கள் இப்படி பண்றது வருத்தமா இருக்குது.

சினிமாவுக்காக மக்கள் நிறைய கொடுக்குறாங்க. எங்களுக்கு இருக்க பெயர், புகழ் எல்லாம் நீங்க கொடுத்தது தான். படம் நல்லா இருந்தா சொல்லுங்க.. நல்லா இல்லாவிட்டாலும் சொல்லுங்க நாங்க திருத்திக்குறோம் எனவும் ஆர்.ஜே.பாஜாஜி அந்த நிகழ்ச்சியில் தெரிவித்துள்ளார்.  

ரசிகர்களை கவரும் ஆர்.ஜே.பாலாஜி 

ரேடியோ ஜாக்கியாக  ரசிகர்களிடத்தில் பிரபலமான ஆர்.ஜே.பாலாஜி  தமிழ் சினிமாவில் சிவகார்த்திகேயன் நடித்த எதிர்நீச்சல் படத்தில் சிறுவேடத்தில் நடித்து அறிமுகமானார். தொடர்ந்து தீயா வேலை செய்யணும் குமாரு, வாயை மூடி பேசணும், வடகறி, நானும் ரௌடி தான், தேவி, கடவுள் இருக்கான் குமாரு, கவலை வேண்டாம், ஸ்பைடர், தானா சேர்ந்த கூட்டம் உள்ளிட்ட பல படங்களில் காமெடி வேடத்தில் நடித்த அவர் 2019 ஆம் ஆண்டு வெளியான எல்.கே.ஜி படம் மூலம் ஹீரோவானார்

அதன்பின்னர்  2020 ஆம் ஆண்டு நடிகை நயன்தாராவை வைத்து மூக்குத்தி அம்மன் படத்தை இயக்கியதோடு மட்டுமல்லாமல் அப்படத்தில் முதன்மை வேடத்திலும் நடித்திருந்தார்.  இதனையடுத்து கடந்தாண்டு ஜூன் மாதம் வெளியான வீட்ல விஷேசம் படத்திலும் ஆர்.ஜே.பாலாஜி ஹீரோவாக நடித்திருந்தார்.  தற்போது ரன் பேபி ரன், சிங்கப்பூர் சலூன் ஆகிய படங்களில் அவர் ஹீரோவாக நடித்து வருகிறார் என்பது குறிப்பிடத்தக்கது.