Prabhu Net Worth : அடேங்கப்பா! நடிகர் பிரபுவின் சொத்து மதிப்பு இத்தனை கோடியா? அசந்துபோன ரசிகர்கள்..

Prabhu net worth : நடிகர் பிரபுவின் பிறந்தநாளான இன்று அவரின் சொத்து மதிப்பு குறித்த விவரம் பற்றி தெரிந்து கொள்ளலாம் 

பிரபு சொத்து மதிப்பு

 

நடிகர் திலகம் சிவாஜி கணேசனின் மகன் மற்றும் நடிகரான பிரபு இன்று தனது 67 வது பிறந்தநாளை கொண்டாடுகிறார். 200க்கும் மேற்பட்ட திரைப்படங்களில் நடித்த நடிகர் பிரபு இன்று திரைப்படங்களில் துணை கதாபாத்திரங்களில் நடித்து வருகிறார். தந்தையுடன் இணைந்து ஒரு சில படங்களில் நடித்து வந்த பிரபு ஒரு கட்டத்திற்கு பிறகு லீட் ரோலில் நடித்து ஏராளமான வெற்றி படங்களை கொடுத்தார். அக்னி நட்சத்திரம், மை டியர் மார்த்தாண்டம், பூ விழி ராசா, சின்னத்தம்பி, சின்னவர், உத்தமராசா, மிஸ்டர் மெட்ராஸ் உள்ளிட்ட ஏராளமான படங்களில் நடித்திருந்தார். 

 

பிரபுவின் வருமானம்: 

தமிழ் மட்டுமின்றி தெலுங்கு, மலையாளம் மொழி படங்களிலும் நடித்துள்ளார். தற்போது குணச்சித்திர கதாபாத்திரங்களில் நடித்து வரும் பிரபு ஒரு நடிகராக மட்டுமின்றி சிவாஜி புரொடக்ஷன்ஸ் என்ற நிறுவனத்தின் கீழ் தயாரிப்பாளராகவும் விநியோகஸ்தராவும் இருந்து வருகிறார். அதன் மூலம் பல கோடி ரூபாய் பணத்தை லாபமாக பெறுகிறார் என கூறப்படுகிறது.  

ஒரு படத்தில் நடிக்க 2 முதல் 3 கோடி வரை சம்பளமாக வசூல் செய்து வருகிறார். அது மட்டுமின்றி சென்னையில் திருமண மண்டபம், காம்ப்ளக்ஸ் உள்ளிட்ட வணிக ரீதியான கட்டிடங்களையும் கோயம்புத்தூர், ஈரோடு, டெல்லி, சென்னை உள்ளிட்ட இடங்களில் தனக்கு சொந்தமாக வீடுகளை வாங்கி வைத்துள்ளார். 

 

வருமான வரி : 

சினிமாவில் துணை கதாபாத்திரங்களில் நடிப்பதுடன் கல்யாண் ஜுவல்லர்ஸ், NCR வேஷ்டிகள் போன்ற ஏராளமான நிறுவங்களின் விளம்பரங்களிலும் நடித்து வருகிறார். அதன் மூலமும் பல கோடிகளை வருமானமாக பெற்று வருகிறார். ஆடி, பிஎம்டபுள்யூ என பல சொகுசு கார்களையும் வைத்துள்ளார். ஒட்டுமொத்தமாக அவரின் சொத்து மதிப்பு 500 கோடிக்கும் மேல் இருக்கும் என கூறப்படுகிறது. தமிழகத்தில் அதிக அளவிலான வருமான வரி செலுத்தும் தென்னிந்திய நடிகராக இருந்து வருகிறார் பிரபு என்பது குறிப்பிடத்தக்கது. 

நடிகர் பிரபுவின் பிறந்தநாளான இன்று அவரின் தோராயமான சொத்து மதிப்பு விவரம் குறித்த தகவலை அறிந்த ரசிகர்கள் தற்போது அதிர்ந்து போய் உள்ளனர்.