கோல்டன் ஜூப்லி கொண்டாடும் என் நண்பர் சூப்பர்ஸ்டார் ரஜினி..கமலின் எமோஷனல் பதிவு

சூப்பர்ஸ்டார் ரஜினிகாந்த் திரையுலகில் 50 ஆண்டுகளை நிறைவு செய்துள்ள நிலையில் அவரை வாழ்த்தி கமல் எக்ஸ் தளத்தில் பதிவிட்டுள்ளார்

ரஜினிகாந்த் , கமல்ஹாசன் , கூலி

Source : Twitter

சினிமாவில் 50 ஆண்டுகளை நிறைவு செய்த ரஜினி

இந்திய சினிமாவின் தனிப்பெரும் அடையாளமாக திகழும் சூப்பர்ஸ்டார் ரஜினிகாந்த் இந்த ஆண்டோடு திரைத்துறையில் 50 ஆண்டுகளை நிறைவு செய்கிறார். 1975 ஆம் ஆண்டு பாலச்சந்தர் இயக்கத்தில் அபூர்வ ராகங்கள் படத்தில் அறிமுகமான ரஜினி ஆரம்பத்தில் வில்லன் கதாபாத்திரங்களில் நடித்து கவனமீர்த்தார். மகேந்திரன் இயக்கிய முள்ளும் மலரும் திரைப்படம் ரஜினியை நாயகனாக மட்டுமில்லாமல் ஒரு தேர்ந்த நடிகராகவும் அடையாளம் காட்டியது. 50 ஆண்டுகால திரைவாழ்க்கையில் இந்தி , தமிழ் என 160 க்கும் மேற்பட்ட படங்களில் நடித்துள்ளார்.

இன்று தனது 74 ஆவது வயதிலும் வசூல் மன்னனாக இருந்து வருகிறார். இந்த கொண்டாட்டத்தை மேலும் சிறப்பாகும் விதமாக நாளை ஆகஸ்ட் 14 ஆம் தேதி கூலி திரைப்படம் உலகமெங்கும் வெளியாக இருக்கிறது. பல்வேறு திரை பிரபலங்கள் மற்றும் அரசியல் பிரமுகர்கள் ரஜினியின் 50 ஆண்டுகால பயணத்தை பாராட்டி வாழ்த்து தெரிவித்து வரும் நிலையில் ரஜினியின் நண்பர் மற்றும் நடிகர் கமல்ஹாசன் தனது எக்ஸ் பக்கத்தில் உணர்ச்சிகரமான பதிவிட்டுள்ளார்.

" அரை நூற்றாண்டு கால திரை வாழ்க்கையை நிறைவு செய்துள்ள என் நண்பர் சூப்பர்ஸ்டார் ரஜினிகாந்த் இன்று திரைத்துறையில் 50 ஆண்டுகளை நிறைவு செய்கிறார். அவருக்கு என்னுடைய வாழ்த்துக்களை தெரிவித்துக் கொள்கிறேன். கூலி திரைப்படம் உலகளவில் பெரும் வெற்றிபெற வாழ்த்துகிறேன். " என கமல் பதிவிட்டுள்ளார்

Marking half a century of cinematic brilliance, my dear friend @rajinikanth celebrates 50 glorious years in cinema today. I celebrate our Super Star with affection and admiration, and wish #Coolie resounding global success befitting this golden jubilee.

Helmed by the powerhouse… pic.twitter.com/FrU5ytphoL

— Kamal Haasan (@ikamalhaasan) August 13, 2025

கூலி 

லோகேஷ் கனகராஜ் இயக்கியுள்ள கூலி படத்தை சன் பிக்ச்சர்ஸ் சார்பாக கலாநிதி மாறன் தயாரித்துள்ளார். நாகர்ஜூனா , உபேந்திரா , சத்யராஜ் , ஸ்ருதி ஹாசன் , செளபின் சாஹிர் உள்ளிட்டவர்கள் இப்படத்தில் நடித்துள்ளார்கள். அனிருத் இசையமைத்துள்ளார். கிரிஷ் கங்காதரன் ஒளிப்பதிவும் பிலோமின் ராஜ் படத்தொகுப்பும் செய்துள்ளார்கள். தமிழ் , தெலுங்கு , இந்தி , கன்னடம் , மலையாளம் உள்ளிட்ட மொழிகளில் கூலி வெளியாக உள்ளது.