Actor Jagan: ப்ரோமோஷன்களுக்கு என்னை ஏன் கூப்பிடவில்லை: இந்தியன் 2 படக்குழுவை விமர்சித்த ஜகன்
இந்தியன் 2 ப்ரோமோஷன்களுக்கு தன்னை கூப்பிடவில்லை என்று படக்குழுவினரை விமர்சித்துள்ளார் நடிகர் ஜகன்
இந்தியன் 2
கமல்ஹாசன் நடித்து ஷங்கர் இயக்கியுள்ள இந்தியன் 2 வரும் ஜூலை 12 ஆம் தேதி திரையரங்குகளில் வெளியாக இருக்கிறது. காஜல் அகர்வால் , ரகுல் ப்ரீத் , பிரியா பவாணி சங்கர் , சித்தார்த் , பாபி சிம்ஹா , எஸ்.ஜே சூர்யா , ஜகன் உள்ளிட்ட பல்வேறு நடிகர்கள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்ஷன்ஸ் இந்தப் படத்தை தயாரித்துள்ளது. இந்தியா , மலேசியா , சிங்கப்பூர் , துபாய் உள்ளிட்ட நாடுகளில் இந்தியன் 2 படத்தின் ப்ரோமோஷன்களில் படத்தின் நடிகர்கள் மற்றும் இயக்குநர் ஷங்கர் கலந்துகொண்டார்கள். கமல்ஹாசன் , சித்தார்த் , எஸ்.ஜே சூர்யா உள்ளிட்டவர்கள் இந்த ப்ரோமோஷன் நிகழ்ச்சிகளி கலந்து கொண்டார்கள் . அதே நேரம் இந்தியன் 2 படத்தில் நடித்துள்ள நடிகர் ஜகன் கடந்த சில வாரங்களாக தொடர்ச்சியாக பல்வேறு நேர்காணல்களில் சோலோவாக கலந்துகொண்டு வருகிறார். இதில் கமல்ஹாசன் பற்றிய பல சுவாரஸ்யமான தகவல்களை அவர் பேசி வருகிறார்.
இப்படியான நிலையில் இந்தியன் 2 படத்திற்கான ப்ரோமோஷன் நிகழ்ச்சிகளில் தன்னை ஏன் கூப்பிடவில்லை என்று நடிகர் ஜகன் விமர்சித்துள்ளார்.
என்னை ஏன் கூப்பிட வில்லை
2005 ஆம் ஆண்டு வெளியான கண்ட நாள் முதல் படத்தின் மூலம் அறிமுகமானவர் நடிகர் ஜகன். பொன்னியின் செல்வன் , பொறி , சிதம்பரத்தில் ஒரு அப்பாசாமி , இதயத் திருடன் , வல்லவன் உள்ளிட்ட பல்வேறு படங்களில் நடித்த ஜகனுக்கு கே . வி ஆனந்த் இயக்கத்தில் சூர்யா நடித்த அயன் படம் தான் மிகப்பெரிய அடையாளமாக அமைந்தது. இது குறித்து பேசிய ஜகன் ‘நான் எத்தனையோ படங்களில் சிறப்பான கதாபாத்திரங்களில் நடித்திருந்தாலும் இன்று வரை அயன் பட ஜகனாக தான் மக்கள் நினைவில் வைத்திருக்கிறார்கள். கடந்த இருபது ஆண்டுகளாக சினிமாவில் பணியாற்றி வந்தாலும் எனக்கேற்ற அங்கீகாரம் கிடைக்கவில்லை. இயக்குநர் லோகேஷ் கனகராஜிடன் நானும் நடிகர் தான் என்று சொன்னேன். வாய்ப்பிருந்தால் கண்டிப்பாக சொல்வதாக அவர் சொன்னார். இன்றுவரை கூப்பிடவில்லை. இந்தியன் 2 படத்தில் நான் நடித்திருக்கும் கேரக்டருக்கு இரண்டு நபர்களை தேர்வு செய்து வைத்திருந்தார்கள். கே வி ஆனந்த் சார் தான் எனக்காக ஷங்கரிடம் பேசியிருக்கிறார். அவர் எனக்காக பேசியதை கூட என்னிடம் சொல்லவில்லை . அதற்கு பிறகு தான் எனக்கு அந்த வாய்ப்பு கிடைத்தது. நான் இந்தியன் 2 படத்தில் முக்கிய் கதாபாத்திரத்தில் நடித்திருப்பதாக நினைத்துக் கொண்டிருக்கிறேன் . ஆனால் இந்தப் படத்தில் நான் நடித்திருக்கிறேன் என்பது படத்தின் தயாரிப்பாளர்களுக்கு கூட தெரியாது. ப்ரோமோஷன் நிகழ்ச்சிகளுக்கு கூட என்னை யாரும் கூப்பிடவில்லை. “ என்று ஜகன் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
