Ajith Statement: என்னை தல என்று அழைக்க வேண்டாம் - ரசிகர்களுக்கு அஜித்குமார் அன்பு கோரிக்கை!

Actor Ajith Statement: தல என்று அழைக்க வேண்டாமென அஜித்குமார் அறிக்கை விடுத்துள்ளார்

அஜித்

இது குறித்து அஜித் விடுத்துள்ள அறிக்கையில்,

பெரும் மரியாதைக்குரிய ஊடக, பொது ஜன மற்றும் என் உண்மையான ரசிகர்களுக்கு,இனி வரும் காலங்களில் என்னை பற்றி எழுதும் போதோ, என்னை பற்றி குறிப்பிட்டு பேசும் போதோ என் இயற் பெயரான அஜித் குமார், மற்றும் அஜித் என்றோ அல்லது ஏ கே என்றோ குறிப்பிட்டால் போதுமானது. தல என்றோ வேறு ஏதாவது பட்ட பெயர்களையோ குறிப்பிட்டு அழைக்க வேண்டாம் என்று அன்போடு வேண்டுகோள் விடுக்கிறேன்.

உங்கள் அனைவரின் ஆரோக்கியம், உள்ள உவகை, வெற்றி,மன அமைதி, மன நிறைவு உள்ளிட்ட சகலமும் கிடைக்க வாழ்த்துகிறேன் எனக் குறிப்பிட்டுள்ளார். ஏற்கெனவே அல்டிமேட் ஸ்டார் என்ற பட்டத்தையும் அஜித்குமார் துறந்தார் என்பது குறிப்பிடத்தக்கது. சாக்லெட் பாயாக அறியப்பட்ட அஜித்குமார், தீனா திரைப்படம் மூலம் மாஸ் ஹீரோவாக உருவெடுத்தார். அந்தப்படத்திலேயே தல என்ற வார்த்தை முதன்முதலாக பயன்படுத்தப்பட்டது.

சினிமாவில் தனக்கென தனி முத்திரையை பதித்திருக்கும் அஜித், சினிமாவில் நடிப்போது சரி. இசை வெளியீடு, தொகைக்காட்சி நிகழ்ச்சிகள், பட விளம்பரங்கள் எதற்கும் தலையை காட்டமாட்டார். ஆனால் அவருக்கான வரவேற்பு துளியளவும் குறையாத நிலையில் அது குறைகூற முடியாத வழக்கமாகவும் உள்ளது. சினிமா என்பதைக் கடந்து அஜித், தனக்கு பிடித்தமான வேலைகளில் ஆர்வமாக ஈடுபடுபவர். சினிமாவில் நடிப்பதை தன் தொழிலாக கருதும் அஜித், ஓய்வு நேரங்களில் குடும்பத்துடனும், தனக்கு பிடித்ததையும் செய்து வருகிறார். புகைப்படங்கள் எடுப்பதில் ஆர்வம் கொண்ட அஜித், தன்னுடன் நடித்த சக கலைஞர்களை விதவிதமாக புகைப்படம் எடுத்து அவர்களை மகிழ்வித்தார். 

ஏரோனாடிக்ஸில் ஆர்வம் கொண்ட அஜித், அந்தப் பாடம் தொடர்பான மாணவர்களுடன் சேர்ந்து ட்ரோன்களை உருவாக்கும் முயற்சியில் ஈடுபட்டார். அத்துடன் மாணவர்களுக்கு ஆலோசகராகவும் செயல்பட்டார். இவரின் முயற்சியில் உருவான ட்ரோன்கள் கொரோனா காலத்தில் கிருமி நாசினி தெளிப்பதற்கு மிகவும் உதவிக்கரமாக இருந்தது. இப்படி பல வேலைகளில் ஆர்வம் இருக்கும் அஜித், தற்போது பைக்கில் நாடு முழுவதும் பயணம் மேற்கொண்டார். நீண்ட நாட்களாக படப்பிடிப்பில் இருந்த  ‘வலிமை’ படத்தின் சூட்டிங்  முடிவடைந்த நிலையில், அஜித்  பிடித்தமான பைக்கில் நாட்டின் பல இடங்களுக்கு சென்று திரும்பினார்.

pic.twitter.com/3YponqZAS0

— Suresh Chandra (@SureshChandraa) December 1, 2021

அஜித்குமார் நடித்து உருவாகியுள்ள வலிமை திரைப்படம் வரும் பொங்கலுக்கு வெளியாகும் என படக்குழு தெரிவித்துள்ளது. இந்த நிலையில் தன்னை தல என்று அழைக்க வேண்டாமென அஜித்குமார் கோரிக்கை விடுத்துள்ளார்.