watch video: ‘நாட்டு நாட்டு’ பாடலுக்கு ஆட்டம் போட்ட அமீர்கான் - ராஜமெளலியின் ரியாக்ஷன்
டெல்லியில் நடைபெற்ற ஜூனியர் என்டிஆர், ராம் சரண் மற்றும் ஆலியா பட் நடித்த ஆர்ஆர்ஆர் படத்தின் விளம்பர நிகழ்ச்சியில் அமீர்கான் கலந்து கொண்டார்.
டெல்லியில் நேற்று இரவு நடைபெற்ற எஸ்.எஸ்.ராஜமௌலியின் ஆர்ஆர்ஆர் படத்தின் விளம்பர நிகழ்ச்சியில் பாலிவுட் நடிகர் அமீர்கான் கலந்து கொண்டார். மேலும் இந்தப் படத்தின் பிரபலமான ‘நாட்டு நாட்டு’ பாடலுக்கு நடனமாடியும் அசத்தியுள்ளார். ஆலியா பட், ஜூனியர் என்டிஆர் மற்றும் ராம் சரண் ஆகியோர் அமீர் கானுக்கு பாடலின் டான்ஸ் ஸ்டெப்புகளை கற்றுக் கொடுத்தனர்.
View this post on Instagram
அப்போது அங்கிருந்த பல ரசிகர்கள் அமீரின் டான்ஸ் வீடியோக்கள் மற்றும் புகைப்படங்களைப் பகிர்ந்தனர். அவை இணையத்தில் வைரலாகி வருகின்றன. இந்த நிகழ்ச்சியில் அமீர்கான் சிறப்பு விருந்தினராக கலந்து கொண்டார் என்பது குறிப்பிடத்தக்கது.
நேற்றிரவு டெல்லியில் எங்களுடன் இணைந்ததற்கு நன்றி அமீர்கான் சார் என்றும் ராஜமெளலி தனது பேஸ்புக் பக்கத்தில் பதிவிட்டுள்ளார்.
ஆர்ஆர்ஆர் படத்தை விஜயேந்திர பிரசாத் எழுதி எஸ்எஸ் ராஜமௌலி இயக்கியுள்ளார். கே.கே.செந்தில்குமார் ஒளிப்பதிவு செய்ய, மரகதமணி இசையமைத்துள்ளார். நடிகர்கள் மற்றும் படக்குழுவினரின் சம்பளம் தவிர்த்து, ரூ.336 கோடி பட்ஜெட்டில் இப்படம் உருவாகியுள்ளதாக கூறப்படுகிறது.
சுதந்திரப் போராட்ட வீரர்களான கொமரம் பீம் மற்றும் அல்லூரி சீதாராமராஜு ஆகியோரின் சிறுவயது கற்பனைக் கதையை அடிப்படையாகக் கொண்ட இப்படத்தில் அஜய் தேவ்கனும் ஒரு முக்கிய வேடத்தில் நடித்துள்ளார். ஆர்ஆர்ஆர் படம் தெலுங்கு, ஹிந்தி, தமிழ், மலையாளம் மற்றும் கன்னடம் ஆகிய மொழிகளில் மார்ச் 25ஆம் தேதி வெளியாகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
