Raghav Chadha - Parineeti Chopra dating : சம்திங் ராங்... பரினிதி சோப்ராவுடன் டேட்டிங் செய்யும் எம்.பி... ட்ரெண்டிங்காகும் ரைமிங் பதில் 

ஆம் ஆத்மி கட்சியின் எம்பியான ராகவ் சாதாவுடன் டேட்டிங் செய்து வரும் பாலிவுட் நடிகை பரினிதி சோப்ரா பல முறை ஒன்றாக காணப்பட்டதால் இருவருக்கும் இடையே காதல் என வதந்திகள் பரவி வருகின்றன

ஆம் ஆத்மி எம்பி cடேட்டிங்

பாலிவுட் முன்னணி நடிகையாக வலம் வரும் பிரியங்கா சோப்ரா, நடிகர்  விஜய் ஜோடியாக தமிழன் திரைப்படத்தில் நடித்திருந்தார். அதை தொடர்ந்து பாலிவுட் பக்கம் திரும்பிய பிரியங்கா அங்கு பிரபலமான நடிகையாக ஏராளமான திரைப்படங்களில் நடித்து வருகிறார். அது மட்டுமின்றி ஹாலிவுட் திரைப்படத்திலும் நடித்துள்ளார்.  

 

ராகவ் சாதா - பரினிதி சோப்ரா

 

கிசுகிசுவில் சிக்கிய பரினிதி சோப்ரா:

பிரியங்கா சோப்ராவின் உறவு முறையில் தங்கையான பரினிதி சோப்ரா பாலிவுட்டில் 2011ம் ஆண்டு வெளியான லேடீஸ் vs ரிக்கி பால் என்ற திரைப்படத்தின் மூலம் ஹீரோயினாக அறிமுகமானார். அதனை தொடர்ந்து நமஸ்தே இங்கிலாந்து, கோல்மால் அகைன், கில் தில் மற்றும் பல திரைப்படங்களில் நடித்ததன் மூலம் மிகவும் பிரபலமான ஒரு நடிகையாக இருந்து வருகிறார். 34 வயதாகும் பரினிதி சோப்ரா கைவசம் இரண்டு மூன்று திரைப்படங்களில் மிகவும் பிஸியாக நடித்து வரும் வேளையில் காதல் கிசுகிசுவில் சிக்கியுள்ளார். 

எம்.பியுடன் டேட்டிங் : 

நடிகை பரினிதி சோப்ரா ஆம் ஆத்மி கட்சியின் எம்பியான ராகவ் சாதாவுடன் காதல் என வதந்திகள் இணையத்தில் வைரலாக பரவி வருகிறது. அதை உறுதிப்படுத்தும் வகையில் மும்பையின் பல இடங்களில் இவர்கள் இருவரும் சுற்றி திரிவதாகவும் இரண்டு முறை உணவகத்தில் காணப்பட்டுள்ளனர் என்றும் கூறப்படுகிறது. கடந்த புதன்கிழமை இரவு டின்னர், வியாழக்கிழமை மதியம் லஞ்ச் என இருவரும் ஒன்றாக ரெஸ்டாரண்டில் காணப்பட்டது இவர்களின் டேட்டிங் வதந்தியை சூடு பிடிக்க செய்துள்ளது. 

வைரலாகும் எம்.பியின் பதில் :

பரினிதி சோப்ரா உடன் டேட்டிங் செய்வது குறித்து எம்.பி. ராகவ் சாதாவிடம் கேட்கப்பட்டது. இதற்கு சிரித்துக்கொண்டே பதில் அளித்த அவர் "அரசியல் பற்றி என்னிடம் கேள்விகளைக் கேளுங்கள், பரினீதி பற்றி அல்ல" என ரைமிங்காக அளித்த பதில் சோசியல் மீடியாவில் மிகவும் வைரலாகி வருகிறது. மேலும் பரினிதி சோப்ரா பற்றி மக்கள் கேட்கும் கேள்விக்கு என்ன பதிலளிக்க உள்ளீர்கள் என கேட்டதற்கு "நான் பதில் அளிக்கிறேன்" என கூறியுள்ளார். 

 

அடிக்கடி சந்திக்கும் ஜோடி :

பரினிதி சோப்ரா மற்றும் எம்.பி. ராகவ் சாதா இருவருக்கும் இடையில் எதுவும் இல்லை என அவர் கூறினாலும் அடிக்கடி இருவரும் சந்தித்து கொள்கிறார்கள் ஆனால் எதையோ மறைக்கிறார்கள் என்பது மட்டும் தெளிவாக தெரிகிறது என்கிறது நெருங்கிய சினிமா வட்டாரங்கள். இந்த ஆண்டின் தொடக்கத்தில் லண்டனில் இந்தியா யுகே சிறந்த சாதனையாளர் விருதுகள் விழா நடைபெற்றது. அந்த விழாவில் பரினிதி சோப்ரா மற்றும் ராகவ் சாதா இருவரும் ஒன்றாக கலந்து கொண்டனர் என்பது குறிப்பிடத்தக்கது. 

பிஸி ஷெட்யூல் வைத்திருக்கும் பரினிதி:
 
கடந்த ஆண்டு உஞ்சாய் மற்றும் கோட் நேம் திரங்கா உள்ளிட்ட திரைப்படங்களில் நடித்திருந்தார். இம்தியாஸ் அலியின் 'சம்கிலா' திரைப்படத்தில் தில்ஜித் தோசன்ஜுவின் ஜோடியாக பரினிதி சோப்ரா நடிக்கும் படத்தின் படப்பிடிப்பு சமீபத்தில் தான் நிறைவடைந்தது. அடுத்ததாக அக்‌ஷய் குமார் நடிக்கும், ஜஸ்வந்த் சிங் கில்லின் வாழ்க்கை வரலாறு திரைப்படத்திலும் நடிக்க உள்ளார் பரினிதி சோப்ரா என்பது குறிப்பிடத்தக்கது.